هههههههههههههههههه
يالله قولوا خل نشوف
انا زواجي خطبة عاديه جدا
كنت رايحه جيران بيت خالتي و هم معانا من زمان من سنين و قعدت عندهم
كنت توني منفصله ماصار لي شهر
و قاعدين يسولفون
و انا حاقره متربعه مجابله الفحم و الجاي و العب بالتلفون
و رفيجه خالتي قاعده تسولف تقولي
وحده مدرسه بالدوام تدور حق اخوها منفصله ماعندها عيال تبين
و انا اقولها لا لا قطع مالي خلق الزواج لوعه جبد
و هي تقولي شوفيه شنو خسرانه
و انا اقولها لا لا مابي
جان تقولي امي ييبيه ماعليج منها خخخخخخخخخخ
و انا حاقره و قالت لي امي ترا دقوا بيون بهاليوم و انا اقولها انزين
و يوم الخطبة امي تحط الحلو و المعجنات و انا ناسيه رحت السينما الظهر ههههههههههههههههههه
و ييت تعبانه مالي خلق المغرب لابسه بجامه بس اشوا ما مسحت مكياجي ههههههههههههههه
انا وا ختي و قاعدين فوق عند الدريشه و لا يطقون الباب جان اختي تفتح الدريشة معصبه تقول منو
و لا اهله و هو بالسيارة هههههههههههههههههههه
هني امي صعدت جان تزفني و تقول انتي للحين مالبستي
جان اسكت خفت اقولها نسيت لا انكفخ جان قولها كاني لابسه الحين الحين اقوم
و ب 5 دقايق شلون صرت جاهزه مادري هههههههههههههههههههه
و اختي تييب البخور و الحوسه
و نزلت قعدت شوي و هو موجود و حتى ماشفته مالي خلق
دقايق و قمت و بعدها طلعوا على طول اتصلوا قالوا الولد يقول حلوة نبيها هههههههههههههههههههه
جان يقعد يومين و يرجع يقعد يتكلم معاي و انا عادي ماكو شعور و بس بعدها راح لابوي و عمامي
و اصلا طلع مع ولد خالي بالدوام اول ,و ولد عمي ماخذ بنت اخته هههههههههههه
و كلهم يمدحون فيه و بس سوينا الفحص و ملجنا عادي و حتى بالملجه ماكان فيه شعور خخخخخ
و يقولي انا من شفتج فز قلبي و انتي .. اقوله انا من شفتك صعدت و نمت لان كنت تعبانه هههههههههههههههههه
و يقولي انا افكر فيج من عقب ماشفتج و انا اقوله و الله انا بعدها رحت الشاليه اناقز بالنطاطيه مع اليهال و لا ببالي
ههههههههههههههههههههههههههههههههههههههههههه
بس الحين الحمدلله طلع خوش ريال
