شلون تغسلون ملابسكم في السفر وفي لندن خاصه

[حورية آلكويت]

هاي كويتيات شخباركم

بسافر بالعيد انشالله

بس هاذي مشكلتي مع غسيل الملابس من السنه اللي طافت

وديتهم للفندق في لندن طلع غالي حيل

والمصابغ اللي برا هم غاليه

قلت بسأل اللي يسافرون شلون يغسلون ملابسهم

وابي اللي يسافرون لندن اذا طايحين على مصبغه رخيصه يعلمونا

انا بالسفر علطول ابدل ملابسي وزوجي نفسي الشي

يالله بنات خلونا نفيد بعض

 

[!amorra!]

بعض الشقق الفندقيه فيها غسالات تكون بالمطبخ اخذي شقه فندقيه اريحلج

 

[حورية آلكويت]

وينكم يابنات

ماتغسلون ملابسكم بالسفر ولا شنوووو

 

[دمع القلوب]

اخذي ملابس ع عدد ايامج
اقصد الملابس الداخليه

اللي كارفتهم البسي وقطي

وودي بس ملابسج اللي تلبسينها للمصبغه عشان توفرين

 

[cheese cake 84]

اسكر راس البانيو واترسه ماي حاااار وصابون واغسل عقب أشيل السداده واغسلهم بماي نضيف واشرهم بالحمام وتطري ينشفونولا أخذي الملابس علي عدد ايام السفره

 

[ريانااا]

حوريه الكويت اناالملابس الداخليه اخذ علي عددالايام اللي بقعدفيها واخذاحتياط بعد عادهم رخاص وخفاف مايثقلون والملابس الثانيه اغسلهم بايدي واخذمعاي صابوت ملابس احطه بطل ماي صحه علشان الكرتون ماله يخرب وحطهم بالحمام ينشفون امابزلمسي كنت حاطتهم علي البلكونه والفنادق مافيهم غسلات اخذيلج شقه احسن

 

[أمل المنصوري]

الملابس الداخليه بعدد الايام وزود بعد
ملابس الطلعه مثلا لو بقعد 10 ايام اخذ 6 او 7 لبسات
في لبسات نظيفه تنلبس مره ثانية
واذا احتجت كلش يا اودي المغسلة او البس من اليديد

 

[نـعـومـه]

اذا بتقعدين اقل من شهر احس مايسوا لبسي وحطيهم بجنطه ثانيه تردون الديره
غسلوهم

 

[MissChoco]

والله حبيبتي شوفي الملابس الداخليه اهيا الي تنغسل ونغسلها داخل الحمام وانتي بكرامه نفس اختي جيس كيك

واذا بنطرون وصخ غسليه مكان الوصخ او فنيله غسلي المكان وبس خلاص

 

[مسك الجنه]

انا مااخذه معاي صابون ملابس وحياتج كل يوم اغسلهم باايدي ملابسي وملابس عيالي مايأخذً وقت واشرهم بالبلكونه ولاخلصت كويتهم وسلامتج

 

[marlink]

لا تنزلين فندق نزلي شقة فندقية اذا بس انتي وريلج اكو شقق غرفة وصالة وفيها غسالة

 

[BaiTotia]

بالضبط نفس أمل المنصوري

ومستحيل أغسل بالفندق مالي خلق وماكو مكان أصلا

إذا أضطريت أوديه المغسلة

 

[ريوف البحرين]

صراحه انه اغسل وقت الي يتصخ من ادش الفنجق اغسل اطراف البناطيل هاي شي اكيد بالصابون واخليه يجف ومرات اوديه المغسله واقعد اغسلهم ياخذون 4 باوند وتالي التجفيف 1 باوند حق 10 دقايق يعني قولي 4 بوندات ا\ا تبينهم يجوفون حيل

 

[عزاااه]

والله اخذ على قد ايام ملابس داخليه اخذي زياده بس

 

[دلوعة أبوهآ]

اخذ ملآبس عدد ايام سفرتي وازود شووي ..

,

 

[law love]

ما اغسل
الملابس الداخليه اخذ اكثر من المده و اذا اضطريت شريت من هناك

و الملابس على عدد الايام واذا توصخ اغسل مكان الوصخ بس

واذا كلش مضطره مصبغة الفندق اضمن لي او البس من اليديد

 

[saastar]

إذا ماراح تطولون أخذي بدل على قد السفرة وزيديهم وملابس داخلية في أللي استعمال واحد تفيد وايد وحلوة تلقينهم بفاشن مل وأخذي معاج حوض صغير إذا توصخ شي تقدرين تغسلينه

 

[Maaax]

مثل ما قالوا البنات يا تغسلينهم او تزيدي من الملابس الداخليه لانها هي المهمه

 

[LoOoLY-]

شوفي حياتي يا انج تغسلين بس الملابس الداخليه وتعلقينها بالحمام

والملابس الباقي بشنطه اذا اقامتج مو طويله

واذا المغاسل مثل ماقلتي غاليه في الي تكون خدمه ذاتيه انا لأني عايشه بكندا كل اسبوع اروح اغسل ملابسي

ورخيصه الغسيل بدولارين والتنشيف 25 سنت حق 5 دقايق اخليهم ملابسي 40 دقيقه

وبس الله يسهل عليج ويعينج وتروحين وتردين بالسلامه

 

[المزيــونه]

المغاسل الذاتيه بكل مكان في اوربا