شلون تكونين رفيجة زوجج الونيسة وقت السفر؟

[Sisyphus]

شلووونكم بنات
ابيكم بشي غير هالمره

شلون تكونين رفيجة زوجج الونيسة وقت السفر؟
خص للبنات اللي حالتهم مثلي

زوجي مو ذاك الزود بالسفر
فودي اذا سافرت يغير رايه بالسفره معاي
و يتشوق لها
و ابي افكاركم
شنو تسوون
واذا زوجج كان مثل زوجي شلون بتخلينه يحب يسافر باستمرار


خص اذا كانت الوجهه دبي
يعني مكان مافيه طبيعة
الطبيعة تطلع معاها السوالف
بس السوق كله مشي وتعب وفراره
و الازواج عاده مايحبون الاسواق
وانا غرامي السوق
شلون انسق بين رغباتنا بنات

 

[M!ss CoLoRz]

ببساطة قسمي السفرة لج وله

يوم سووا اشية ترفيهية ويوم سوق

ويوم السوق اذا تعب او تملل خليه يقعد في كوبي شوب وانتي لا تطولين وايد في التسوق اللي في دبي ثلاثة ارباعه موجود في الكويت اخذي بس الشي اللي ما يتحصل وما يتفوت واهم شي تذكرينه بأي شي تاخذينه له وشوي شوي بيتعود

 

[mrs.abk]

شوفي أنا أقول خلي السوق أخر شيء .. وتفرغي للتمشي .. ترا الجو حلو .. وتقدريت تتمشين على راحتج

 

[noor salam]

حاولي في بداية ايام السفرة تروحون الووك ستريت هذا شارع بالجميرا كله كوفي شوب ووناسة

روحوا جولات على الاشياء الي يحبها

جولة والوايلد وادي

تمشوا في فندق القصر وايد حلو يقولون (انا مارحته)

عندج مجمع الفيستسفال في قارب بحري يمشي بالخور ومنها تسوق

بر دبي فيه السفينة مع عشا وايد حلوة

فيه الباص البري البحري هم وايد حلو

وبعدين عاد روحي دبي مول عندج الاكواريوم وبعدين تسوقي

الامارات مول عندج السكي وبعدين تسوقي

قسمي وقتج مابين الوناسة و السوق

الله يوفقكم.......

 

[امـ خــزامـى]

اللي مايحب يساااافر لو وش سويتي مااايحب

زوجي اختي لو راح طبيعه لو تسوق لو اي شي يجلس بالفندق ومايطلع الا قلييييييييييييييل

 

[%دانة%]

دبي مول متعب في التسوق روحو تمشوا فية لايتسوق معاج خلية يجلس في كوفي مثل ماقالت مس كولورز

بعدي عن الكلام في مشاكلكم وهمومكم والكلام في دوامج ودوامة
وانتي تعرفين شنو السوالف اللي يحبها وخلج وسيعه صدرة وظحكية ودلدغية بعد ههههههههه لا خلاص امزح ما اعيدها

سوي لج نيولوك وانتي تعرفين شناقصج وشنو يبيلج تسوين

هذي اراء بسيطة مني لاني انسة وما اعرف بهالسوالف



الله يخليكم لبعض ويسعدكم دنيا واخرة

 

[%دانة%]

اب



اب

 

[Patcholli]

انا بتكلم معاج من واقع خبره ودراسه خخخخخخخخخ
اول سفره مع زوجي كانت اكس
لان لوعت جبده بالسوق والفراره ..!!
وهم الزعل وكثرة الطناقير
وماكنت حاسبتله حساب ان اهو يزهق حسبالي مثلي يحب السوق وجذي ..
ثاني مره سفرني بطلعة الروح لان خذا انطباع سيء من اول سفره
ووعدته ان هالسفره بتكون غير
وفعلا كنت عند وعدي
انا خليته اهو يسوي جدول الرحله وكان بين كل 4 ايام يوم سوق حقي ..
وهم رحت الاماكن الي اهو يحبها
رحت معارض سيارات << وع بس جاملت وابتسمت وسويت روحي مستانسه ومتشوقه واهو اتشقق
رحت معاه ركبنا خيل << هم وع بس اهو يحب هالشي
ركبنا براشوت وسقنا طياره << كان وناسه الصراحه
يعني مثل ما انا ودي باماكن ويجاملني انتي بعد اذا بخاطره مكان وماودج تروحينله جاملي وتغصبي وروحي عشانه
لاتزهقينه بالسوق
قعدو بكوفي
روحو البحر
يعني مني مناك
ودايما استشيريه اولشي قوليله شرايك وين نروح اليوم ؟
مو انتي دايما اتخططين وتقررين
ونصيحه انسي شي اسمه زعل وطناقير بالسفر لو شنو يصير لاتطنقرين ترى انسي يسفرج مره ثانيه
يقول اقط فلوس وحجز وحاله عشان تمدين بوزج وتزعلين

هاذي نصيحه من مجربه

 

[حلآوهـ حلوهـ]

اهم شي انج تقسمين وقتج عدل وتعرفين شو الاشياء اللي انتي تبينها من السوق
بما ان ريلج مايحب السوق يعني لازم اتحددين من وين بتشترين عشان تختصرين على نفسج وعليه
سوي شوبينق مثلا وعقب قعدو فكافيه وسولفي معاه وبينيله شكثر انتي مستانسه


دلعيه واكششخي له وسوي له جو خاص وغير عن كل مره - خلج بسيطه وسمبل وحيويه
الابتسسسامه خليها دوم على ويهج .. اهتمى بنظافه الغرفه وترتيب الاغراض

شوفيه شو يحب ؟ من نشاطات سيري مثلا فندق اتلنتس في سباحه مع الدلافين
الجي بي ار شارع بجميرا روعه كله كافيهات ومطاعم وناس تتمشى وفي بحر

اتنازلي مرات لان اهم شي بالسفره كلها الوناسه والراحه النفسيه اما بالنسبه للاسواق فـ ماراح اطير لوول

الله يسعدج حبيبتي وتستانسون يارب

 

[al-musk]

أهم شي خلج فرفوشه ولاتدورين الزعل وطنشي

 

[سندس 90]

باتشوولي ماقصررت
معاها

 

[najat88]

أنا عندي نفس المشكلة
اهتماماتي غير اهتماماته
بس انا العكس
انا ريلي يحب السوق والشوبنق بالسفر وانا احب المغامرات والرحلات والمتاحف والآثار
فبحاول أقسم الجدول بالتساوي
يوم لي ويوم له

 

[yam_yam]

اول شي اخذي فندق رومانسي و بعيد افضل الجميرا احلى منطقة للفنادق الهادية
ثاني شي اذا تقدرين خليه هو يرتب السفره على ذوقه عشان تشوفين شنو مزاجه
و اذا مو حاب انتي نسقي بينج و بينه
روحي كافيهات و مطاعم سهرات حلوة سالي الفندق عن مطاعم سهرات لبنانيه فيها اكل حلو و موسيقى و سوالف جذي
و روحي عندج المارينا ركبوا يخت و تمشوا و في بعد رحلات نفس ملوت مصر اللي بالمركب تتمشون و عشا ووناسه
عندج دبي مول فيه كافيهات حلوة و القعده عجيبه خاصة صوب فوشون
روحوا فندق القصر حلو حييييييل اخر مره كنت ساكنه فيه عجيييييييييييب و رومانسي
اذا يحب قعدات الشيشه روحي معاه صوب نافورة دبي حلوة
برج خليفه القعده فوق حلوة بعد
السينما بدبي ترا غييييييييييييييير عن الكويت

و لا تنسين النيولوك انا اذكر سويت سوالف اذا تبين اقولج اياها عالخاص لوووووووووووووووووول
و ماخليته يشوف شي الا لما رحت هناك و حييييييل استانس
و اذا تبين تفاصيل اكثر تعالي عالخاص

 

[Sisyphus]

مشكورييين بنوتات عالتفاعل
خوش كلام
ودنا بافكار زيادة

اختي يميم
راسلتج ولا رديتي علي حبيبتي

 

[كليـ دلعـ]

اااب لعيووووووووووونج