شلون تنام بفراشها وقلبي مظيوم

[الصبر مفتاح]

شلونكم بنات

وايد خففتوا علي بوقت مايتكمم وشكيت هم فراق ابوي واخوي بينهم جم شهر ابوي وعقبه اخوي الكبير اثنينهم توفوا بحادث
بينهم ست شهور
عسا الله لايذوقكم اتوقع حتى عدوي ماراح ادعي عليه بجذي دعاوي اقول حرام اللي ذقته مو شوويه

مشكلتي بنت خالتي اللي عادتها رفيجتي بوقت اللي تتصل فيني اتشكا وانا بعز ضيجي احتاج من يواسيني مو اواسي احد
تطعني بظهري فرقتني عن بنات خالتي تقولهم الحمدلله والشكر مو طبيعيه والله تقصدني وبويهي
اسكت وماتكلم واخش بقلبي ليما شنو باخر. الليل نفسي يضيج والسبب اني كاتمه
امس كنا بالزواره كلما تكلمت تضحك ضحكة استهزاء بصوت علبالها مالي قلب ولا احس
ماااتحبني وقسم بالله اذا شافتني اضخك تنهم لازم تنكد علي اذا طلعت بشم هوا او اي مكان اتصلت ويينج وليش ماقلتي اييج معاج اذا ضحكت صرخت فلانه ليش تضحكين تقصديني والله لادعي عليج بصلاتي الله لايوفقج
الحمدلله والشكر اذا سمعت بوحده انخطبت يااا ت تنحزلي وووي فلانه شفتيها انخطبت واذا حجينا تقعد بنات شفتوا فلانه اللي معانا تذكرونها تزوجتت وتطالعني استغرب ليش يعني تقولي جدم الكل انتي يبيلج ريل يغير نفسيتج وتضحك لازم نيوزج ولا راح تستخفيين والله العضيم مافكرت واذا كلش عن مزح والله العضيم لو اقولكم شنو تسويلي اشيا تشيب الراس
اذا شافتني اضحك تقولي تذكرين اخوج بالموقفىاللاني تذكرين ابوج يحب هذا وذاك
فما اليتيم فلا تقهر
حسبي الله ونعم الوكييل
انا مو راضيه مابي ادعي عليها
حسبي الله ونعم الوكييل وهذا كاافي ياخذ حق كل مظلووم
شلون تنام وانا بفراشي قلبي احسه يذبحني من الكتمان والبجي
شلوون يظلمون مايدرون ان رب كريم ياخذ الحق
اهيا بنعمه الله يديمها عليها كفايه ان قالت ابوي تذبحني الحسره
وان حجت عن اخوها وبطولاياته جنها تروي شريط اخوي
ماحجيت وقلت لاتكلمين ماقدر

 

[Tom ♥ Jerry]

,



و الله محد معقد و مينون الا اهيه و سوري لا تقولين بنت خالتي :/
الصراحه تصرفاتها مآتبين على آنهآ وحده طبيعيه !!!

حمدلله و الشكر يبه هاذي خليها تولي ..
سلام سلام وبس ..

 

[برستيجي مآركة]

دايما اللي يقللون من شأن الاخرين يغارون منهم وهالشي لاحظته في مجموعة من الناس اللهم ياكافي
فاواضح انها تغار منج واضح ان محد نفسيه غيرها حمدالله والشكر
أسلوبها ززززفت هالبنية زين منج ماذبحتيها للحين هههه امزح امزح
شوفي ياقلبي الحل وهو الحقران ترى الحقران يقطع المصران ذبحيها بااحتقارج لها لاتصيرين ضحية لها
خلج قوية وحطي عينج بعينها وان غلطت عليج بويهج ردي عليها ترى هالاشكال اذا سكتي لهم يتمادووون

 

[Smchoocha]

دقريها من صجج ساكته عنها
اذا قطت عليج تعليق سوي نفسها و قولي منو كلمج بس سوي روحج تكلمين شخص ثاني بس بصوت عالي عشان يبين انه لها
اذا يابت سيرة الزواج قولي الحمدالله ماحتاج ريال عشان نفسيتي تتغير نفسيتي زينه مثل ما انا
وشكو اذا ضحكتي تصرخ عليج الحمدالله و الشكر قوليلها انتي شكو كيفي اضحك كيفي ابجي
واي انقهرت ياريتني ابدل شخصيتي معاج يوم واحد عشان اعرف ارد عليها و اسكتها
صدقيني قوي قلبج ولو يوم واحد وفشليها جدام الناس عشان تعرف حدودها والله يوفقج

 

[سمر20]

حسبي الله فيها ولايهمك غيرانه منك

 

[روحين في رـوح]

’’,,





أول شــي ـآلعمر الك ويغمد روحهم يارب وان شالله ع الجنه...




تاني شي لازم انتي تكون عندك قوه شخصيه ماتسمحيلها انها تجرحك بكل لحظه والثانيه سكتيها بطريقه لبقه ومحترمه انها تفهم قله ذوقها وحياها ..


مش هيك الناس بصراحه وانتي لازم تعرفين كيف تتصرفين مع هيك نوعيه فاشله
وقفيها عند حدها مشان ماتتعدى حدودها وتضل تجرح فيكي

 

[كويتية وكلها جاذبية]

الله يرحمهم ويغمد روحهم الجنه ويغفر لهم حبيبتي انتي لا تزعلين كلنا في هالطريج


الصغيره والحسد والحقد مبين إنسانه مريضه تكسر الخاطر
وخري عنها ولا تردين عليها إذا دقت وحقريهااااااااااااااا كثر ما تقدرين وخلج قويه فهمتي لا تخافين ردي عليها
وأنتي تضحكين تعلمي شلون تقطين نقزات
شوفي كما تدين تدان كل شئ تسوي فيج بيرد لها. تخيلي وااااااااااي حده وناسه :krkrkr:
يعني كل ما تضايقج أو تضحك عليج سبحان الله بيرد لها هالموقف كامل بس صبري.

شغلي نفسج تعرفي علئ صديقات غيرها ونسي عمرج وامسحيها من حياتج.

 

[(حكاية قلب )]

الله يرحم اخوانج وابوج ويغمد روحهم الجنة
حبيبتي انا صداقة بنت الخاله او العم ما أأيدها
الحين الغريب صار احسن من القريب
صادقي لج وحده غيرها لانها هاذي مب صاحية كلش الحمدلله والشكر
وحاولي تتلاشينها ولآ تتجمعين وياها او تطلعين معاها ,
​

 

[الصبر مفتاح]

مشكورين بعد عمرري والله ماقصرتو

اذا ماحجيت عشان امي بس لانها مو ناقصه بروحها محتاجه احد يواسيها تبجي تقولي يمه انا مو ناقصه مشاكل خليها
راح تشوفين حوبتج
ماقدر احبس نفسي بالبيت وماروح الزواره واذا حقرتها زادت بافعالها
ياربي اليوم اليمعه تهديهاا وتبعدها عني بالخير
انا مو مثلها ماراح ادعي
ماقدر ارد مافيني حمل مشاكل بروحي همي ماتشيله جبال
حق منووو نروح ولا نولي عمي اخذ حقنا
ومو راضي يعطينا شي منه
لو ماامي تشتتغل ولا جان حالتنا الله يعلم فيها
اخوي اصغر مني يدرس مو حمل شغل تووه
وامي مو راضيه لي اشتغل تقولي توج اخاف عليج بالروحه والرده
صبري الدنيا مو طايره
بقعد احاتيج بالروحه والرده قلبي مايتحمل
لاتكررين السالفه خلاص
احنا مو محتاجين لاحد عمرج طلبتي شي ومايبته لج
اقولها لا تقولي خلاص
الله ماينسا احد مو مشكله كما تدين تداان
يبون ياخذون الحق بالدنيا الله ماينساها لهم بالاخره يتنعموون بفلوس اليتاما واليتيم بالعها وساكت
لهم يوم ثاني يوم غير هذا اليوم

حياتي انتوو خففتوا علي وايد

 

[كارلوفي فاري]

هي المعقده. وعلييج بالدعاااء

 

[شذى2007]

حسبي الله عليها والله لو مكانج لارد عليها ولا راح اجلس في المكان اللي هي فيه خير اخد يضايقني جذيه ماشوف خشته خير شر

 

[روانتي 12]

دقريها دقر
اذا اغلطت قوليلها الزمي حدودج ولا بتشوفين شي مايرضيج
واذا قالت وريني زفيها و فشليها خلي الكل يضحك عليها . . عاد انتي دوري شي يفشلها ويخلي الي مايضحك يضحك
والله يعينج ياقلبي . . ودعوة الظلوم مستجاب اذا اظلمت بشي ادعي ربج يفكج منها او يردها هالشي

 

[دلوعة أبوهآ]

هذي مو طبيعيه وحآقده ..
ابعدي عن الشر وغني له ..
خلي علآقتك فيها جداً سطحيه لآتعطي وجه لهالاشكآل ..

 

[لآلئ وردية]

خلي علاقتج فيهها سطحيه

و لا تخلينها تنكد علييج او تهز ثقتج بنفسج

و الله يرحم موتاكم

و يشرح صدرج بنور الايمـان

 

[دلوله 111]

الله يرحمهم ويغمد روحهم الجنه
وثاني شي اذا صادفتي اللي ماتتسمى فشليها وجذي توقف عند حدها
لا تسكتين عنها

 

[كريستال]

الله يعينج عليها

ليشفتيها رددي

فسيكفيكهم الله وهو السميع العليم

وقولي اللهم اني اجعلك في نحرها وتكافيني شرها وكبري بتشوفين شلون بتنجعم وتسكت

 

[عسل حدي]

حسبي الله ونعم الوكيل فيها حرتني