شلون طريقة الخطبه التقليديه المعروف ؟

[ياحياة هالروح]

اخواتي شنهي العادات والتقاليد فالخطبه
انو اول يجون الحريم يخطبون ؟ ولا الرجال ؟
يعني ولا ابو الخطيب يكلم ابو البنت بنخطب بنتك!
ولا الحريم فقط اول يجون ؟

طيب في حالة الوحده ابوها متزوج حرمه ثانيه وامها علاقتها مب حيل مع ابوها ماتكلمه وجاو خطبوها حريم لولدهم ولازم الاب يدري والام ماتكلم الاب والبنت تستحي تقول للابوها يبا خطبوني فكيف هنا الاب يدري عشان اذا موافقين الحريم يستعد للجية الرجاجيل:eh_s(16)::eh_s(11)::yaaaaaarb:
ولا ابو الخطيب بعد جية الحريم يدق على الاب يكلمه ؟

مشكله مستعصيه :eh_s(11):

طيب اذا بتقول هالبنت للابوها يبا جاو خطبوني شلون الطريقه اللي تقوله:yaaaaaarb::eh_s(11)::eh_s(22)::eh_s(16):
!!!!!​

 

[Tom ♥ Jerry]

.


حياتي اول شي الحريم اييون يكلمون الام او بالتلفون
بعدين ايون بشوفون البنت و اذا الريال يبي يشوف البنت بعد
بعدها اذا الحريم اتفقو على كل شي ايون الرياييل و يحددون الملجه و بس
احنا جذي عندنا بس عاد العادات و التقاليد تختلف من حضر ليه بدو :$

اممم بخصوص سالفه ابوج عادي خلي اخوج او وحده من خواتج تكلمه انه يايين لج خطاب
و اذا ما عندج اخوان .. انتي دقي عليه و قوليله بعد شتسوين ..

 

[* ليــــدي *]

.


حياتي اول شي الحريم اييون يكلمون الام او بالتلفون
بعدين ايون بشوفون البنت و اذا الريال يبي يشوف البنت بعد
بعدها اذا الحريم اتفقو على كل شي ايون الرياييل و يحددون الملجه و بس
احنا جذي عندنا بس عاد العادات و التقاليد تختلف من حضر ليه بدو :$

اممم بخصوص سالفه ابوج عادي خلي اخوج او وحده من خواتج تكلمه انه يايين لج خطاب
و اذا ما عندج اخوان .. انتي دقي عليه و قوليله بعد شتسوين ..

هذي هي الطريقه ..

صح انتي دقي وقوليله عادي بعد شتسوين محتده ..

 

[am faisal]

الحريم قبل
تالى يروح لابوها

 

[روانتي 12]

الحريم أولآ . .
بعدين لآـآبوها . .
واذا مستحيه تعلمين أبوج . . رسلي مسسج له . .

 

[@ كويتيه @]

الطريقه معروفه مثل ماقالو البنآت

اول شي يجون الحريم يشوفون البنت او اذا مأكدين عليها بس اتصال يشوفون فيه مجال ولا لا

تالي اذا الحريم موافقين وانتي موافقه .. تقدرين تكلمين اي احد من خوالج بالموضوع واهو يتفاهم ويا ابوج

واذا ابوج موافق .. يتصلون اهل المعرس بابوج ويتفقون معاه

وبجذي يتفقون على كل شي .. والله يتمم على خير بالتوفيق

 

[جنون العاطفه]

مثل ماذكروا البنات

الله ييسر لج ​

 

[فلنتينو]

عاادي اذا دقوو الحريم واخطبوو وبعدها اييون الريايل
او الرييايل تخطب اول

كلها نفس الشي وخطبات تقليديه

 

[ام فواازي]

لا مو شرط الحريم اول يجون
انا حماتي شافتني بالكليه و انعجبت فيني و دق اخو زوجي على ابوي وخطبوني منه و جو البيت وحاجو ابوي واتفق معاهم على الشوفه الشرعيه و جا هو وامه و اخته و قعدت معاه تالي اتفقو عالملجه
وخالتي بعد كانت خطبة رجاجيل جو وخطوبو و اتفقو على الملجه
بس اختي وخالتي الثانيه خطبة حريم اول
يعني كل خطبه ولها ظروفها وبالنسبه لج اذا امج رفضت تكلم ابوج انتي كلميه عادي ابوج

 

[Patcholli]

اذا يعرفون بعض اكيد يكلمون الابو واذا مايعرفون غالبا الحريم يدقون على الام ويوقولونلها نبي نخطب بنتكم والام تشاور الابو

 

[خوخه بارده]

الله ييسر امورج يارب وامور المسلمين اللهم امين يارب

 

[طموح لايتوقف]

الله ييسر أمورك يارب ويكتبلك الصالح يارب

 

[ياحياة هالروح]

اشكركم
ادعو لي الله يوفقني ويتمم لي ع خير ويهدي ابوي

 

[dalo0oa121]

الله يتمم عليج امين

 

[أماني عمري]

هونيها حبيبتي، المتعارف عليه الولد يشوف البنت مع امه او اخته بس لازم ابوج يدري بالخطبة و انتي كلمي ابوج اذا ما عندج احد يكلمه ترى ما فيها شي و الله يكتب لج كل خير

بحالتي كانوا يتصلون يخطبوني و امي متوفية فا كنت اعطيهم رقم خالتي و اذا احد سألني اقول لهم كلموا خالتي و ما صار شي

 

[نور المطيري]

عدل كلام البنات بالضبط

وما عندي شي اضيفه

والله يوفقج وييسر امورج ي عروس :eh_s(7):​

 

[غداً القاك]

الدارج يكلمون الأم
بس فيه ناس تخطب من الأب ..
عادي قلبي مو لازم امك تكلم ابوك خلي جدتك او احد من خوالك يدق يقوله
اكيد بتستحين انتي ..
ربي يبارك لك ويوفقك يارب