شلون طريقة الصبار حق الشعر ؟

[Regina]

مساء الخير بنات ...
شلونكم ؟؟

انا قاعده اعتني بشعري كل اسبوع احط حنه بصالون بس حنتي الخاصه انا اسويها
ومرتين بالاسبوع احط زيت حق شعري
والحين بحط بعد صبار الطبيعي حق شعري يقولون وايد زين
شرايكم ؟؟ ينفع احط كل هالاشياء تفيدني والا تعطيني مفعول عكسي لأني وايد احط اشياء ؟

وسؤالي الرئيسي شلون طريقة وضع الصبار الطبيعي (الو فيرا) بعد ما اطلع الجل
يعني احطه وشعري توني مغسلته بشامبو وعقبه اغسله بس بماي ؟ والا العكس احطه على شعري بدون شي وعقبه اغسله بشامبو
وشكثر المده احطه ؟

واكون شاااااااكره لكم :hjy5jewf:

 

[بدوره الموره]

هلا فيج
لازم يكون الصبار الطويل مو العريض
تديرين بالج من الشوك
وتقصينه

تقدرين تقشرينه وراح يتكون فيه مادة لزجه مثل الجل تفركين فيها شعرج وتخلينه نص ساعه وتغسلينه عادي

1- يمنع تقصف الشعر و يقويه ،بخلط زيت الصبار مع زيت الاس و زيت الجرجير و يدهن بهم الشعر من الجذور الى الاطراف - و طريقة أخرى لمنع تقصف الشعر و تقوية هى دهن الشعر بخلطتة عصارة الصبار مع زيت الزيتون


2 - يمنع تساقط الشعر ، بخلطه بزيت الزيتون وزيت الجرجير وزيت جوز الهند ويدهن به الشعر


3 - يزيد كثافة الشعر ، بخلط ملىء فنجان القهوه عصاره الصبار مع محلب مطحون و يدهن به فروة الرأس و الشعر و يترك لمدة ساعة ثم يغسل الشعر
وهذا الفيديو يعلمج شلون تطلعين المادة الي بالصبار:-
http://www.youtube.com/watch?v=ueLfjJBvPh4
وسلامتج

4 - يعطى الشعر اللمعان و النعومة و ذلك بتدليك فروة الرأس و جذور الشعر بعد الاستحمام بخلاصة نبات الصبار.

 

[بدوره الموره]

بس ترا الطريقه يعني مو حق الطير

 

[بيلسان المنار]

رد : شلون طريقة الصبار حق الشعر ؟

بصراحة جربت الصبار و جفف شعري و خرب بعدها بس وحده بصالون جاك قالتلي اذا تستعملينه لازم تزيتين شعرج بنخاع الثور لان الصبار يغذي الشعر بس يجففه و نخاع الثور كله فوائد للشعر بس و الله تركته ما شفت نتيجه زينه

 

[Regina]

مشكوووره بدوره الموره ...
وشكرااا بيلسان المنار


انا نوعية شعري جاف شنو تنصحوني يعني ؟؟؟ احطه على شعري عادي قبل ما اغسله واهو جاف وبعدين اغسله عادي بالشامبو واحط حمام زيت احسن ؟ عشان مايجف

انا ابي شي ينبت الشعر ويكثفه