بسم الله الرحمن الرحيم
طبعا بنات انا وزني كان ثابت 70 من وانا بالمتوسط
و لما رحت الثنوي ,
بس على اخر سنة قمت امتن , و امتن و وصل وزني 77 و نص
طبعا في وايد اسباب خلتني اظعف ,
عايلتي كلها قامت تلاحظ اني متنت
خالاتي , بنات خالاتي , عماتي و الكل الكل حتى ابوي
و المشكله عبالهم عظمي عريض بعد , و هم متينه
و سمعت اكثر من تعليق :
" فطوم جنج متنانه " < لما سمعته كنت قاع اكل حلو و بايدي واحد ثاني
" لا اهي لان عريضه " < كنت قاع اقايس شورت و طلع صغير معنه قياسه كان حيل كبير :eh_s(16):
" مستحيل توصلين 55 انتي عظمج عريض " < و لما سويت طريقة الاجانب باني اعرف انا عظمي شنو طلعت سمول فريم يعني صغير مو ميديام حتى :eh_s(22):
" انا حاسه انج راح تمتنين لما تصيرين كبر هالبلوزه " < :eh_s(1): كنت لابسه بلوزة بنت عمتي و كانت حيل كبيره لانها متينه
و وايد وايد ..
كنت ما اوقف عالميزان لاني مابي اجوف جم وزني ,
بس تشجعت حيل عقب ما سمعت كل هالتعليقات ..
و لما وقفت طلع وزني 77.5 انصدمت و قلت , ماراح اوصل ال 78 خلاص لازم اظعف و ابدا اهتم ..
طبعا كالعادة جربت مليون ريجيم و خربوطه :eh_s(4): , بس كلش ما ينفع معاي ..
فالزبده الحين خل اقولكم شسويت , و سوري عالقرقه :ggdw:
طبعا تقدرون اتقولون بدلت نظام حياتي كله ..
- الخبز الابيض تقطعونه مو ليه , الاسمر حده افيد اصلا لان الابيض يعتبر empty carbs يعني تاكلينه و تمتنين بدون لا يستفيد الجسم منه .. :cxxxp:
- مطاعم الفاست فود ما تقربونها و اذا كنتو صج مشتهين : جكن نجتس من ماك < يمكن ما تصدقون بس الجكن نجتس اهي اقل وجبه فيها سعرات , ال 6 قطع فيهم 253 سعرة تقريبا .. :eh_s(22):
- تسوون اكلكم يا عالبخار يا مشوي يا مفيوح و توخرون عن المقلي :eh_s(3):
- تشربون ماي , طبعا يمكن ما تصدقون هالمعلومه بس حتى العصير يمتن , لان الفواكه كلها شكر , فبدال لا تشربون قلاص عصير اكلو الفاكهه اللي تسوون منها العصير
- لا تقولون بيبسي دايت , سفن دايت , مااااا ينفع , و ترى جد مضر و موزين حق العظام بنات ..
- حلاو , كاكاو , ماتاكلين , و اذا تبين تاكلين دارك جوكلت , لان اقل بالسعرات و افيد :eh_s(4):
- اكلو خضار لانها صج مفيده , انا كنت اكره الخضار استغفر الله , ماحب لا سلطه ولا شي , بس ضروري تاكلينها , لانها مفيده للبشره و الشعر و الصحه بشكل عام , و هم تساعد انج تشبعين . :eh_s(15):
- قللو كمية الاكل , يعني لا تاكلون بكميات كبيره , صغري الصحن اللي تاكلين فيه ولا شعوريا راح تجوفين نفسج تاكلين كمية اقل
- تاكلون خمس مرات باليوم , لان هالشي يخلي عملية الهضم مستمره , بالتالي تحرقين الدهن اكثر
- توخرين عن الزبده , و كل الدهون , مالج الا زيت الزيتون
- يفضل تخلين اكلج كلا فريش يعني , احسن من المعلب لان فيه مواد حافظه و خرابيط انتي بغنى عنها ..
- اذا بتحطون شكر تحطون جيس تروبيكانا سلم الاصفر , الجيس عن قفشتين شكر
الحين بعطيكم مثال عالاكل اللي اكله :
الريوق :
بادية كورن فليكس فتنس مع حليب قليل الدسم
الضحى :
قطعة دارك جوكلت جلكسي
الغدى :
خضار العملاق الاخضر عالبخار + ديايه مفيوحه
او
باستا سمره مع شوبة بروكلي ( تقريبا 3/4 كوب باستا مع بادية شوربة ( الجاهزه , تسوينها نفس ماهو مكتوب عالجيس ) , اطبخهم مع بعض و تصير الشوربة اهي الصوص )
العصر :
تفاحة خضرا ولا كيويه
العشى :
روب مع جاي اعشاب
او
شوربة بروكلي الجاهزه و مرات احط نص ماي و نص حليب قليل الدسم لما اسويها
بنات يمكن اول اسبوع ولا اسبوعين تحسون السالفه صعبه , بس انتو ابدو بالتدريج , و ترى معدتكم راح تصغر و تجوفون نفسكم تشبعون بسرعه ,
ان طبقتو كلامي اظمنلكم تظعفون بنات ,
لان صج صج صج ظعفت وايد ,
و بشكل صحي , يعني مو اللي الويه يختفي و تصيرين جنج ميته
ملاحظه : مع تطبيق النظام لازم تمشين و تصيرين شوي active
يعني حاولي تصعدين الدري بدال الاصنصير ,
امشي متى ما صارت عندج فجه , :weight_lift:
طبعا عشان يشد جسمج مع نقص الوزن و ما يطيح يلدج لان الشحم اللي كان ماسكه راح يختفي باذن الله ...
سوري طولت عليكم ,
بس اللي عندها استفسار تتفضل و ان شاءالله برد عليها من عيوني ..
:balo:
ان طبقتو كلامي اظمنلكم تظعفون بنات ,
لان صج صج صج ظعفت وايد ,
و بشكل صحي , يعني مو اللي الويه يختفي و تصيرين جنج ميته
ملاحظه : مع تطبيق النظام لازم تمشين و تصيرين شوي active
يعني حاولي تصعدين الدري بدال الاصنصير ,
امشي متى ما صارت عندج فجه , :weight_lift:
طبعا عشان يشد جسمج مع نقص الوزن و ما يطيح يلدج لان الشحم اللي كان ماسكه راح يختفي باذن الله ...
سوري طولت عليكم ,
بس اللي عندها استفسار تتفضل و ان شاءالله برد عليها من عيوني ..
:balo:
