شلون كنتي تنادين او تكلمين زوجج اثناء الملجة :)

[اميره1980]

السلام عليكم
شلونكم و شخباركم


انا بعد جم يوم ان شاء الله بملج اذا الله كتبلي نصيب

بعد الملجة لمن اكلم زوجي بالتلفون او اذا طلعنا مع بعض شنو اقول حقه يعني اناديه باسمه او اناديه بشخص معين
زواجنا زواج تقليدي يعني ما ادري مو معقولة اقوله يا حبيبي و يا عمري و انا للحين ما احبه
انا قصدي مو اني ما احبه اكرهه لالالالالالالالالالالالالا
انا قصدي اني توني اعرفه زواج تقليدي بحت
اشرايكم ؟؟؟؟؟؟؟؟

كل وحدة تقولي تجربتها و شلون كانت تنادي زوجها و شلون تتصرف وياه اذا اطلعو )
بانتظار ردودكم الحلوة

 

[فانتا ستروبري]

اول شي الف مبروك حبيبتي والله يوفقج

كنت اناديه باسمه عادي

وكل شي حلو بوقته ما يبيله تخطيط

حلاته كل وحده على طبيعتها ما تتصنع

طبعا حلاته كل شي برقة وخجل ودلع المعقول

واتمنى اكون فدتج :33_1185028183:​

 

[atoootta]

رد : شلون كنتي تنادين او تكلمين زوجج اثناء الملجة

مبروووووووك عسل


اي يفضل تنادينه باسمه بالبدايه ومع الوقت بيطلع الكلام والدلع عفوي

 

[G!RLooNa]

تدرين انا احس حتى الاسم فشله اذا توكم تعرفون بعض يعني ناديه بضمير الغائب شلونك شخبارك وين نروح اليوم جذي بعدين ناديه باسمه بعدين اسمه الدلع و بعدين تيي حبيبي و عمري

 

[opera]

رد : شلون كنتي تنادين او تكلمين زوجج اثناء الملجة

الف مبروووك

ناديه باسمه .. وخلج طبيعيه مع دلع عالخفيف ..

طبعا بما انه زواج تقليدي راح تكونين مستحيه منه .. فخلج مع الوقت لمن تتعودين دلعيه

 

[ريماا]

رد : شلون كنتي تنادين او تكلمين زوجج اثناء الملجة

لله يوفقج
كنت انادية بسمة لووو شنو مااقولة حبيبى كنت استحى

 

[احـ رومانسيـــه ـلا]

رد : شلون كنتي تنادين او تكلمين زوجج اثناء الملجة

لووووول يحليلكم بنات

ألف مبرووووووووووووووك

انا مو متزوجه بس من رايي:

ناديه بأسمه ولما تطيح الميانه ناديه بدلع اسمه يعني مثلا (( احمد = حمود ))
عرفتي ؟
وبعدين الكلام الحلو .. يعني تدريجيا

والله يوفقج انشالله

 

[noo7a]

مبروك حبيبتي
مع اني متزوجه عن حب بس هم كنت استحي اول الايام اناديه حبيبي
كله باسمه
و شوي شوي شوي يطلع الحجي

 

[شــــــــــــــوقــــه]

مبرووووووك

الحمدلله افتكيتي من العاهات لوووول

الله يتمم عليج ان شاء الله و خلج طبيعيه ناديه بسمه عادي

 

[a7la MUM]

انا حتى اسمه كنت استحي اقوله...
بعدها لاااااااااااا بس ليلحين اناديه قطوتي مرة جدام ابوه قتله بالغلط قطوتي تبي شي جان يقول ابوه هذا تمساح اي قطوة اي بطيخ شالدلع!!خخخ

 

[to07aH]

رد : شلون كنتي تنادين او تكلمين زوجج اثناء الملجة

انا صار لي تقريبا املجه 3 اسابيع للحين استحي اناديه بأسمه لووول كله شلونك شخبارك

 

[t0o0fa]

ههههههههه والله تصدقين موضوعج بوقته

انا بعد قربت ملجتي حيل و زواج تقليدي ومادري شبسوي

 

[حروف من ذهب*]

الف مبرووووك والله يهنيج ويسعدج

نفس ما قالو البنات طبعا البنت اول الايام تستحي وبعد ما تتعود عليه تطيح الميانه

 

[مذهــلــه]

انا حتى اسمه كنت استحي اقوله...
بعدها لاااااااااااا بس ليلحين اناديه قطوتي مرة جدام ابوه قتله بالغلط قطوتي تبي شي جان يقول ابوه هذا تمساح اي قطوة اي بطيخ شالدلع!!خخخ

هههههههههههههههههههههههههههههههههههههههه

الله يغربل ابليسج قطوتي عادي ؟؟؟؟؟؟؟؟؟؟؟؟؟؟؟؟

موضوع حلوووو وأنا بعد وياكم ؟؟ بس باسمه ناديه عادي ... لايقول ماصدقت داشة بقوة

وأكيد مع الوقت بيطلع منج الدلع ^_^

 

[eman84]

الف مبرووومك والله يتمم عليج وعلى كل البنات

ناديه باسمه ومع الوقت عاد دلعيه

 

[أنا Top أنا]

رد : شلون كنتي تنادين او تكلمين زوجج اثناء الملجة

مبرووووووك

عادي باسمه احسن ..ليما تتعودين عليه ~~

 

[[[ عيون جابر ]]]

ناديه بإسمه العادي تالي لما تتعودين دلعيه

 

[Dancing^Queen]

رد : شلون كنتي تنادين او تكلمين زوجج اثناء الملجة

الف مبروك ياعرووووووووووووسه
منه المال ومنج العيال
الله يبارك لكم ببعض


فكرتني بالزي مضااااااااااااا

اول ما ملجت كانت اايام سودا
اذكر اول مره طلعت وياه هدوء تام غصب انسولف وراسي مفتر من اللويه واناديه لو سمحت
واتحاشا اذكر اسمه
وظليت اقوله لو سمخت لو سمحت
اذكر مره توهقت كنا بالهاشمي قاعده امشي وسبقني بناديه مادري شقول ! فشله انادي اسمه
مادري متا طاحت الميانه وناديته باسمه

خليج علي لو سمحت
وبعدين دشي مرحله طال عمرك
عقبها سوي اسمه نشيده

 

[توووفية]

اولا مبروك مقدما منه الما ومنج العيال والله يرزقج الذرية الصالحة
انا عن نفسي كنت اناديه باسمه بس مادري من البداية دلعيه وكسري الحواجز اذا ما تبين تنادينه حبيبي ناديه بابا او يبا حسسيه بقربج راح يستانس

 

[pusy cat]

ترى الرجاجيل مثل الجهال يحبون التدليع

انطري لما تطيح الميانه شوي والاحسن اهو اللي يبدي فيها عشان يحس انج ثقيله عقب اذا منتي عليه دلعيه وقوليله كلام حلو

اذا ماسمع الكلام الحلو من زوجته منين راح يسمعه

الله يوفقج انشالله ويتمم زواجكم على خير