شلون نظامج

[PuPa^^SWeeT]

السلام عليكم


شلوونكم



بس بسالكم


شلون نظام خدمكم بالبيت


يعني متى تقعد و تنام و ترتاح

شنو اتسوي


قولو نظامكم اقولكم نظامي



:ggdw::ggdw::ggdw:
:ggdw::ggdw:
:ggdw:

 

[Winter Q8]

ماعندي خدامة :eh_s(2): .. مرات أحمد ربي ان ماعندي خصوصا يوم سمعت بلاويهم الاخيرة ..
بس اتعامل مع شركة تييب خدم .5 ساعات بـ 10 دنانير كل اسبوعين تقريباً لما أفقد زمام السيطرة على البيت .. و قبل لا تيي اكون عارفة الشغل اللي ابيها تسويه .. أرش على طوف المطبخ و الجوله جف و سترتس و الحمام تكرمون هم جف و منظفات علشان لما تيي ما تطول بالشغل
​

 

[كتالونيه]

حبيبتي
انا نظامي
انا بشقه عند اهل زوجي
وطبعا خدامتي تقعد الساعه 8 وتنظف الشقه
واذا اقعدوا اعيالي لازم اسبحهم واغديهم واهم شي ماتنام الا اذا ناموا
هذا اتفاق بيني وبينها اذا نام متاخر ولدي عادي لاتقعدين مبجر
وبس

 

[قطوووة]

لان افراد اسرتي شؤية

تقعد الصبح تسؤي ريؤق لاخؤي للمدرسة

تسؤي شغل البيت تنظيف ؤملابس ؤجذي

ؤتجهز الغدا

عالعشا احنا اساسا ماناكل ؤايد فـ اذا نبي عشا تسؤي خفايف اذا مانبي تصعد تنام يعني من 9 ل 11 عادة

 

[PuPa^^SWeeT]

انا تضحكوون


خدامتي اتقوم الساعة 5:30


اتسوي الاكل والريوق و ريوق الحضانة و اتلبس البنات و انا اقوم نفس حزتها البس و اطلع من البيت معاي بناتي ثنتينهم

وحدة حضانة و الثانية روضة


اهيي اتنظف البيت و تغسل الهدوم و تكويهم و اتخلص و اتفوح ان كانت دياية ولا لحم اتفوحها نص ساعة


ارد انا والبنات


اتغير هدوم البنات و انا احط البهارات عاليدام و اشويه بالفرن وبعدين انتغدا واذا معكرونية سهلة نص ساعة خالصين

انتغدا


ولما انخلص اجابل البنات العب وياهم و جذي

اهيي اتغسل الصحون و اتغدا وبعديين اتيي تقعد وياهم شوي وانا انسدح بالصالة اشوفهم


عالساعة 6 يتعشون 7 اهم نايمين يشاخرون

اهني خدامتي تاخذ بريكها من الساعة 6 ليين قبل لا تنام

بس اقولها فوق الساعة ست انتي بالمطبخ ولا بدارج مابي اشوفج


يعني اتريح من ست المغرب ليي اللي تبيه من الوقت اتعشى بالكثير اهيي نايمة الساعة 9



وبسسسسسسسسسسسسسسسس

 

[*kim*]

والله انا اللي بتضحكين على نظامي


نظام فوضوي حده

تنام 11 بالليل وتقوم 11 الظهر

ماعندي نظام محدد للخدامه اخليها تشتغل على راحتها انا وزوجي وعيالي ما نتغدا الا متأخر الساعه 4 العصر

عيالي يقومون متأخر الساعه 1 الظهر يتريقون جيكو ريوق 1 الظهر

كل شي براحتها متى ماتبي تغسل وتكوي ماعندها شغل

وعيالي 2 صغار

 

[PuPa^^SWeeT]

سؤال ؟؟؟؟


محد فييكم يداااوم ....


ههههههههههههههههههههه


جدول خدامتج عجييب


البلوة اذا قالت مابي اشتغل


ههههههههههههه


بتحسين مو ويه نعمة

 

[ام _خلودي]

ايام الدوامات تقعد الساعه ٦ ونص وتنام الساعه ٩ مرات ١٠ علي حسب وايام الويك اند تقعد ٨.٣٠ وتنام علي حسب مره ١١ مره ١٢ مره وحده طبعا انكون طالعين واهيا معانا بس اذا ردينا البيت مبجر بعد ساعه من ردتنا ادش تنام*

 

[PuPa^^SWeeT]

يعطييكم العافية


اب اب اب
اب اب
اب

 

[*kim*]

مبلا نداوم أنا أداؤم مسائي أكمل تعليمي هههه باقي لي آخر سنه آِّنـِْ شـِّآءٍّ اللَّـٌٍہ واتخرج من الثانويه وزوجي دوامه يوم ب 3 أيام أجازه وولدي روضه بس ما أخليه يداوم لأن ماعنده مناعه بس يتعب من الجو وبنوتي صغيره

 

[*kim*]

تلعوزت وأنا أكتب يطلع كلامي مخبص لأني أكتب من ?

 

[Q8_ButterFly]

انا اقعد كل يوم الساعه 5 ونص على ما اغسل واحط كريم حق ويهي تكون الخدامه من الليل مجهزه اغراض عيالي حضانه و اولى روضه اقعد عيالي البسهم والبس واطلع اوديهم مدرستهم وانا الدوام طبعا وبما اني اطلع الساعه 3 عيالي تكون يدتهم ماخذتهم او ابوهم يرجعون البيت يبدلون وبس انا ارجع اغديهم لانهم ما يرضون ياكلون من ايد احد الا انا وعلى ما اساحلهم حق الغدا وعلى شوية لعب الا الساعه صارت 6 ونص موعد النوم وبالويكند اقعد مع قعدة عيالي الصبح ما اخليهم بروحهم والخدامه مجرد تجهيز حق اغراضنا :rerrerek:​

​

 

[om.googi]

ماعندي خدامة ,, << شحقة داشة ههههههههههه ​

 

[om MaRyooM]

خدامتي دلوعة وتمبولة .. اثيوبية

تقعد 8 او 9 على الراحة تسوي شغلها عى الراحة

مع اني كل يوووووم اقولها قعدي مبجر وخلصي شغل مبجر

ماتخلص الا بالليل لأنها تسويهم على اقساط

نشف لساني منها من كثر مااحطلها نظم وقوانين واهيا الله بالخير


بس اشوا الحين طلبتلي يديدة لأن بفتك منها ومن ماذيتها

 

[PuPa^^SWeeT]

الاثيووبية اخاف منها


واااااي يمااا

 

[Melazlaza]

ام مريوم لا تحاجينها ان شاءالله تقعد الظهر
عندج اثيوبية وتبين نظام
خلاص طاف لي يت اليديدة سوي نظام



لا تعفر فيكم ديري بالج والله

 

[PuPa^^SWeeT]

^^^^^


اي والله صااجة

 

[bnt_kwt]

بما انه ماعندي عيال
والصبح ما ابي منها شي تقعد عالساعه 7
وانا قاعده بشقه ابيت ابوي
من نطلع حق دواماتنا انا وريلي
تدخل اهي تنظف وتخلص كل شغلها
اذا بنطبخ ادق عليها الضحى اتجهز لي اللي ابي حق الغدا
يكون من ارجع من الدوام اطبخ
واذا ما نبي نطبخ تنزل مع خدم امي

عقب الغدا اذا ابيتي تخلص شغلها وتنظف المطبخ وعقبها طول اليوم مع خدم امي طبعا وقت راحتها من 4 الى 5 العصر

بالليل الساعه 10ونص بالكثير 11 تنام
اذا في شغل ولا عندنا احد تقعد لين ما يروحون الناس وتتوكل على الله اهي عقبهم تروحون تنام

 

[دلع الكون]

احنا الله يسلمكم لا نظام ولاهم يحزنون الخدامات اللي عندي مدلعين

انا مع ساكنه مع حمولتي شقه خدامات البيت كلهم لهم غرفه تحت وخدامتي من ظمنهم

الصبح اقعد البس بنتي للمدرسه والبس انا للدوام وادق على خدامتي تصعد تقعد عن حمودي تقريبا عالسبع

تصعد تنظف الغرف وتنام على مايقعد ولدي وتلبسه وتنزل معاه ليما ارجع من الدوام

مرات انا اخذ بنتي من المدرسه مرات عمها مرات ابوها

نرجع نتغدا واخذ عيالي ونصعد انوم حمودي وادرس بنتي وطبعا الخدامه ما اشوفها كلش الا اذا بينزل حمودي

باختصار مرتاحه وحزت النوم على كيفها ما ادري عنها

والحين انا اجازة اصعد ولدي الساعه 11 بليل واهي متى مانامت نامت

والصبح انزله عال 10

احس مافي نظام عندي بالبيت كلش

 

[PuPa^^SWeeT]

اب اب اب
اب اب
اب