شلون يقدرون ينامون واهم غلطانين بحق غيرهم....!!!

[نهى الأحمد]

أخواتي العزيزات


هذا الموضوع اهو لفتح صفحة يديدة لكل انسان أخطأ بحق غيره
سواء بالمنتدى او خارج المنتدى حتى يراجع نفسه ويبتعد عن الاساءة للناس




حبيباتي


البعض منا تعرض للاساءة والأذى من اشخاص مهمتهم تحطيم المعنويات والسعي للخراب
والاستمرار في الاساءة لنا سواء بالقول أو الفعل



ولما ينكشفون بشر اعمالهم ...يندمون


شنو يفيد الندم وقتها ؟؟!!

ضيعوا وقتهم بأمور ما لها قيمة ..بدل ما يضيعونه بالتقرب من الله بالصلاة وقراءة القرآن



شلون يقدرون ينامون واهم غلطانين بحق غيرهم..!!!!




والدنيا يوم لك ويوم عليك


ونصيحة حابة اقولها:

لا تعطين مجال لاي احد يحش ويتكلم عن الناس جدامج

كوني محضر خير ووقفيه عند حده

لا تخليهم يأثرون عليج

واقصد هني بكلامي

لما تييج وحده وتقولج رفيجتج قالت عنج جذي وجذي وجذي و كلام ما ينقال

وبلحظة غضب

تروحين تعاتبين رفيجتج من دون ما تتأكدين من صحة الكلام اللي سمعتيه

لانه يمكن اللي نقل لج الكلام نيته سوووء مثله يبي يخرب

لانه اللي قصده خير مايروح ينقل كلام حتى لو كان صحيح

لازم يكون محضر خير بين الجميع


كلمة اخيرة حابه اوجهها لكل من نيته سووء ويحفر حق غيره

رب العالمين يمهل ولا يهمل

رب العالمين يهمل ولا يهمل

بانتظار آراؤكم العطره....


بقلمي الخاص

أختكم

نهى الأحمد

 

[> Miss M6ereiah <]

رد : شلون يقدرون ينامون واهم غلطانين بحق غيرهم....!!!

لما تييج وحده وتقولج رفيجتج قالت عنج جذي وجذي وجذي و كلام ما ينقال

وبلحظة غضب

تروحين تعاتبين رفيجتج من دون ما تتأكدين من صحة الكلام اللي سمعتيه

لانه يمكن اللي نقل لج الكلام نيته سوووء مثله يبي يخرب

فعلا خسرت اعز رفيجاتي بسبة هالشغلة وهذي فرصة اني اعتذرلها لانها من رواد هالمنتدى ..
وانا اتمنى من كل قلبي انها تسامحني وماعندي مانع اعتذرلها جدام الكل انا غلطانة واستاهل ..
انا اســــــــــــــفة

 

[MoonDiamond]

مشكوره
ويزاج الله خييييير

 

[منيرة خالد]

الأخت / نهى الأحمد


أحي فيج روح الاحساس بالمسئولية تجاه عضوات المنتدى ، وقول الكلمة الصادقة .وتقديم النصيحه للكل


بالنسبة لموضوعج


في ناس لو وجهتيهم يتعضون ويقرون بأخطائهم


لكن المشكلة بمن يجوووووور ولا يخاف ويحلف بالله بأن هذا الشي حصل ويحور الكلام ويكثر منه ويظلم ولا يخاف الله ، والمشكلة إن هناك له الكثير من المستمعين الذين يتناقلون كلامه ومع الاسف الطرف الآخر لا يتكلم ولا يدافع عن نفسه سوى بكلمة حسبي الله ونعمه الوكيل




بالنسبة لي افضل ان لا استمع لمن ينقل لي لأنه سينقل عني ، وأبتعد عن اللي تكثر من الطعن بأعراض الناس هذه النوعيه لا تخاف ولا تستحي من الله فما بالك بالبشر !!




شاكرة لك

 

[monmon12]

والله يا نهى انه موضوعج هذا بالضبط الي مسببلي أرق وما انم الليل منه

كله اقول حق نفسي اشلون واحد يقدر يحط راسه بليل وينام مرتاح وايهو يدري انه في أحد تنل دمعته منه

اشلون ينام بليل وايهو ماكل حق غيري او ظالم او ساب

اشلون تييلهم هالناس النوم انا أحس بارهاق من كثر التفكير وأخاف حيل

واقول الحمدلله يا رب لو دايما أنا مظلومه ومقهورة ولا انا يدقيه وانا ظالمه

اشلون اوفي حقوق الناس


فعلا النميمة هذي حييل منتشرة

بالجامعه للأسف تلقين بنت تيي تقولج شفتي فلانه هذي تسوي وتسوي وتسوي ديري بالج تمشين ويايها
ايهي عبالها عند نفسها انه الي تسوي صح

وايهي قمة في الغلط

فعلا لازم نبدي نسكت الناس الي تتكلم باعراض غيرها وسمعتهم

ولازم ما نرضى بهالشي واذا في وحده شايفه غلط على بنت يا تروح تكلمها بنفسها يا خلاص تستر عليها

والله يحب الستر

 

[شموع الفرح]

انا عيل خذيتها حكمه حقى بالحياه اللي يوصلج حجي هم اهو يتكلم عنج وقمت ما اسمع واسكر اذني لأن ماروا الحجي إلا المشاكل وعوار القلب والضغط فأقول لو كل وحده ما تعطي مجال حق اللي جدامها وتجعمها جان محد تكلم مشكوره على الطرح

 

[حسايف1]

رد : شلون يقدرون ينامون واهم غلطانين بحق غيرهم....!!!

والله يانهى مدري شلون تطاوعهم قلوبهم يظلمون وينامون بس الله كريم

ومشكوره عالموضوع

 

[الشهد كله]

مشكورة نهى على موضوعج الحساس

بصراحة آنا صار لي نفس الشي

واحدة كانت تتكلم عن ناس وقطعتهم

وبالآخر قالت لهم شهودة قالت عنكم جذيه وجذيه

ولما واجهوني قلت لهم ما عندي مانع أواجهها بس بشرط

بوجود ريلي وريلها وريل البنت اللي تكلمت عنها آنا

رفضوا عشان خاطر الرياييل ما يصير بينهم شي

قلت لهم كيفكم بس آنا هذا شرطي عشان أقولكم شنو قالت عنكم وشنو قلت آنا عنكم

بس ما أفكر أعتذر لها لأنها خلت فجوة بيني وبين هالناس

صحيح إن علاقتي فيهم حلوة وأروح وأرد لهم بس أحس إن بيني وبينهم شي

لأنها مادري شنو قايلة لهم عني ؟؟؟؟؟؟؟؟

ربها كفيلها وعندها بنات وخيرتها راح تشوف هالشي في بناتها

الله يعينها ​

 

[كيكه توفي]

الله يعطيج العافيه وصح اخر موقف صارلي وحده نقلت لي كلام وحده عزيزه علي بسوء وانا تضايقت وسكت ومادري شنو كان مصلحتها لمن نقلت لي الكلام تكلمت او ماتكلمت طاف مايهمني الصراحه اعرف ومشكوره نهى

 

[الزين 85]

حياتي نهى لا بد لكل ظالم نهاية وكما تدين تدان اهما حسبالهم الظلم قوه مايدرون انه اهما ضعاف لانهم يستخدمون سلطتهم بالظلم اتجاه الغير

 

[نهى الأحمد]

رد: رد : شلون يقدرون ينامون واهم غلطانين بحق غيرهم....!!!

miss m6ereiah <, post: 20828920, member: 148970"]لما تييج وحده وتقولج رفيجتج قالت عنج جذي وجذي وجذي و كلام ما ينقال

وبلحظة غضب

تروحين تعاتبين رفيجتج من دون ما تتأكدين من صحة الكلام اللي سمعتيه

لانه يمكن اللي نقل لج الكلام نيته سوووء مثله يبي يخرب

فعلا خسرت اعز رفيجاتي بسبة هالشغلة وهذي فرصة اني اعتذرلها لانها من رواد هالمنتدى ..
وانا اتمنى من كل قلبي انها تسامحني وماعندي مانع اعتذرلها جدام الكل انا غلطانة واستاهل ..
انا اســــــــــــــفة

هلا حبيبتي

وحياج الله بالموضوع

وان شاءالله اعتذارج يوصل واتمنى انج تكوني تعلمتي درس

 

[نهى الأحمد]

مشكوره
ويزاج الله خييييير

العفو حبيبتي

حياج الله

 

[Tom ♥ Jerry]

.


نام مظلوم و لا تنام ظآلم

( =

 

[||سمّـني روحك||]

رد : شلون يقدرون ينامون واهم غلطانين بحق غيرهم....!!!

يعطيك العافيــــــه نهى

لا مو مرتاحين الا مايأنبه ضميره
مو يقولون الظالم نومه مثل نوم التمساح مسكر عين ومفتح عين


الله يهدي الجميـــــــــــع​

 

[$ بنت علمي $]

شلون ينااا مون واهم غلطاانين بحق غيرهم!!!

شدني صرااحة العنوواان انا ابجااوب على العنواان اذا بتقولبن شلون ينااامون عاادي يناامون وفوق هاذا مرتااحين تدرين ليش؟؟

لان قلوبهم مااتت وانعدمت مره وحدة واللي يهمهم رااحتهم وتعب غيرهم هالنوعية انشرت والله يفكناا منهم

وشكراااا

 

[Tulips]

رد : شلون يقدرون ينامون واهم غلطانين بحق غيرهم....!!!

ونصيحة حابة اقولها:

لا تعطين مجال لاي احد يحش ويتكلم عن الناس جدامج

كوني محضر خير ووقفيه عند حده

لا تخليهم يأثرون عليج

واقصد هني بكلامي

لما تييج وحده وتقولج رفيجتج قالت عنج جذي وجذي وجذي و كلام ما ينقال

[/b][/i][/size][/color]

وازيد عليج بعد انه من حجالج حجى فيج

يعطيج العافيه حبيبتي

 

[*امووونه*]

رد : شلون يقدرون ينامون واهم غلطانين بحق غيرهم....!!!

يعطيج العافيه يا قلبي نهووي علي الموضوع :eh_s(7):

ما راح اقول الا عسي الله يكفينا شر هالناس والله سبحانه تعالي فوقهم وبياخذ حقنا منهم

كل مظلوم لابد لها نهايه نامي مظلومه ولا تنامين ظالمه

 

[aṕriliå]

رد : شلون يقدرون ينامون واهم غلطانين بحق غيرهم....!!!

يعطيج العافية

شكثر تصير وياي ورحت حق رفيجتي قلت لها فلانة قال لي جذي وجذي

انكرت رفيجتي

وصار ولا جنه احد تكلم


يعني اعطي طااااااااااف لمثل هالاشكال

مشكلة البعض مو عارف عظم اللي قاعد يسويه

( لايدخل الجنة نمام )

الله يبعد عنا هالاشكال ..

 

[Stylista_Q8]

جنج تدريييين !!

حسبي الله على هالبنآت !

قمة بالنفآق .. جدآمج شي ومن ورآج شي ثآني .. جد تنصدميين إنه يطلعون بهالخبآثه

شلووون ينآمون والله بفهم !

عليهم قلب .. مووو صج

الله لآ يبلآنآ إن شآلله

 

[علولي]

مادري كيف قلوبهم تديهم
انا لو زعلت مني بمزحة ماحط راسي ع المخدة الا وانا مراضيتها
لاني ماحب احد يزعل مني

واذا عن الي تجيب لي كلام
اطنش ولا كاني سمعت شي

والله يهدي الجميع