مساء الخير شلونكم كويتيات
انا اول مره اكتب موضوع في هل قسم بس ما كتبت الا اني ابي حل مابي اسميها مشكله بس موقف صارلي
انا عمري 20 سنه و متزوجه صارلي سنتين و عندي ولد واحد و الحمدلله انا وريلي متفاهمين بكل شي والله لا يغير علينا
السالفه و مافيها انا من قبل لا اتزوج ما كنت البس عبايه و الحمدلله لبسي زين و مقتنعه فيه فلمه يالي زوجي و تقدملي طبعا خطبه التقليديه مو من الاهل انا الي سألته انت تبي البنت تلبس عبايه؟؟ قالي العبايه شي زين وستر للبنت فأنا فهمته اني ما البس عشان بعدين لا ينصدم اهوه اهله شوي ملتزمين يعني خواته وحريم اخوانه يلبسون عبي كلهم وقت الزواره فيوم وافق قال حق ابوي انا شاري بنتك واذا على العبايه عادي عندي انا و كل شي بعدين بالتفاهم ينحل والحمدلله تزوجت و كانت اسعد ايام حياتي و فتره الي ملجت فيها و سويت العرس تقريبا شهر فكنت يوم ازور بيتهم ما كنت البس عبايه معنه كان الكل يلبس فحسيت نفسي شاذه بينهم فبعد العرس قمت البس بس حق زوارتهم و صج ريلي كان يحاول فيني اني البس بس انا ما كنت مقتنعه لاني بيئة اهلي غير عن بيئتهم فكانت صعبه علي الحين هذي مو المشكله
المشكله انه عندي مرت حماي وريلها الي اهوه حماي
احسها وايد حاطه عينها علي و غير هذا اتخلي ريلها يكلم ريلي يعني تخيلو اول زواجنا صادفناهم بمجمع و سلمت عليهم ثاني يوم اخوه يقول حق ريلي (( ليش مرتك ما تلبس عبايه )) تخيلوو لو ريلي يقووله ما اقدر اغصبها على العبايه ... هذي طوفتها قلت يمكن قاعد يتغشمر ..
من عقب ما ولدت رحت سكنت بيت اهله بس طبعا باب بروح و مدخل بروح وحتى المواقف من ورى البيت يعني مالنا شغل في مدخلهم و عمي مسوي نظام شقق فوق فتحتنا اخوه الي اكلمك عنه
فيعني من الطبيعي اني اصادفهم اهوه ومرته عند المواقف و جذي فمرته رايحه قايلتله شلون جذي مخلينها تنزل و تصعد على كيفها مو لابسه عبايه شنو هذا ما يصير جذي و قووم انت يا زوجها المصون قول هل حجي حق خالتي (( ام ريلي )) بس الحمدلله خالتي ما قصرت خذت حقي و زود قالتله مالك شغل ريلها راضي و كفايه انها محترمتنا ما تدخل بيتنا الا بعبايتها و ثاني يوم كان زواره ولا اشوفها نازله بيت خالتي لزواره لابسه جينز و قميص
انا مت من القهر لمه راح كلم خالتي انت منو عشان تتكلم عني جذي و عن لبسي وانا ما قلت حق ريلي اخاف يصير سوالف و مشاكل وانا ما احب جذي بس ما ادري ليش جذي يسوون معنى والله اروح الزواره و الكل يشهد انه مالي صوت احد كلمني رديت عليه محد كلمني ما اتكلم انا طبعي جذي
ادري طولتها وايد بس لاني اول مره اكتب فستانست على الموضوع
ابيك اتقولولي اشلون اتعامل معاها و اخليها ما تتكلم عني بس من غير تجريح لاني انا مو راعية مشاكل و ماعرف
انا اول مره اكتب موضوع في هل قسم بس ما كتبت الا اني ابي حل مابي اسميها مشكله بس موقف صارلي
انا عمري 20 سنه و متزوجه صارلي سنتين و عندي ولد واحد و الحمدلله انا وريلي متفاهمين بكل شي والله لا يغير علينا
السالفه و مافيها انا من قبل لا اتزوج ما كنت البس عبايه و الحمدلله لبسي زين و مقتنعه فيه فلمه يالي زوجي و تقدملي طبعا خطبه التقليديه مو من الاهل انا الي سألته انت تبي البنت تلبس عبايه؟؟ قالي العبايه شي زين وستر للبنت فأنا فهمته اني ما البس عشان بعدين لا ينصدم اهوه اهله شوي ملتزمين يعني خواته وحريم اخوانه يلبسون عبي كلهم وقت الزواره فيوم وافق قال حق ابوي انا شاري بنتك واذا على العبايه عادي عندي انا و كل شي بعدين بالتفاهم ينحل والحمدلله تزوجت و كانت اسعد ايام حياتي و فتره الي ملجت فيها و سويت العرس تقريبا شهر فكنت يوم ازور بيتهم ما كنت البس عبايه معنه كان الكل يلبس فحسيت نفسي شاذه بينهم فبعد العرس قمت البس بس حق زوارتهم و صج ريلي كان يحاول فيني اني البس بس انا ما كنت مقتنعه لاني بيئة اهلي غير عن بيئتهم فكانت صعبه علي الحين هذي مو المشكله
المشكله انه عندي مرت حماي وريلها الي اهوه حماي
احسها وايد حاطه عينها علي و غير هذا اتخلي ريلها يكلم ريلي يعني تخيلو اول زواجنا صادفناهم بمجمع و سلمت عليهم ثاني يوم اخوه يقول حق ريلي (( ليش مرتك ما تلبس عبايه )) تخيلوو لو ريلي يقووله ما اقدر اغصبها على العبايه ... هذي طوفتها قلت يمكن قاعد يتغشمر ..
من عقب ما ولدت رحت سكنت بيت اهله بس طبعا باب بروح و مدخل بروح وحتى المواقف من ورى البيت يعني مالنا شغل في مدخلهم و عمي مسوي نظام شقق فوق فتحتنا اخوه الي اكلمك عنه
فيعني من الطبيعي اني اصادفهم اهوه ومرته عند المواقف و جذي فمرته رايحه قايلتله شلون جذي مخلينها تنزل و تصعد على كيفها مو لابسه عبايه شنو هذا ما يصير جذي و قووم انت يا زوجها المصون قول هل حجي حق خالتي (( ام ريلي )) بس الحمدلله خالتي ما قصرت خذت حقي و زود قالتله مالك شغل ريلها راضي و كفايه انها محترمتنا ما تدخل بيتنا الا بعبايتها و ثاني يوم كان زواره ولا اشوفها نازله بيت خالتي لزواره لابسه جينز و قميص
انا مت من القهر لمه راح كلم خالتي انت منو عشان تتكلم عني جذي و عن لبسي وانا ما قلت حق ريلي اخاف يصير سوالف و مشاكل وانا ما احب جذي بس ما ادري ليش جذي يسوون معنى والله اروح الزواره و الكل يشهد انه مالي صوت احد كلمني رديت عليه محد كلمني ما اتكلم انا طبعي جذي
ادري طولتها وايد بس لاني اول مره اكتب فستانست على الموضوع
ابيك اتقولولي اشلون اتعامل معاها و اخليها ما تتكلم عني بس من غير تجريح لاني انا مو راعية مشاكل و ماعرف
