شلوون امسح الاشياء الي شفتها في اليوتيوب

[هدهد الكويت]

السلام عليكم

بنات الله يخليكم قولولي شلوون امسح الاشياء الي تخزن في اليوتيوب

يعني اذا دخلت الموقع وكتبت مثلا حرف ر يطلع كل شي بحرف ر الي انا شفته

عاد ابيكم تساعدوني شلوون امسحه ​

 

[همسQ8]

في شريط الادوات موجود فوق Tools
بعد
Internentopions

Delete
All Delete

 

[هدهد الكويت]

مشكووره حبيبتي بس سويتها

بس تمسح المواقع الي انا دشيتها وتمسح الاشياء الي بقوقل بس مو اليوتيوب

 

[CANDLES]

حبوبه ماينمسحون لان حتى لو ماكتبتيهم يطلعون بعد من الموقع نفسه

 

[هدهد الكويت]

مشكووره حبيبتي ماقصرتي لاني صج شكيت في عمري

لان في اشياء بتاتا ماكتبتها ولا شفتها طلعتلي والله صج صج صكني راسي ودخت من كثر مافكر

 

[Dandona]

اكوو طريقه وجربيــها


تضبط معآي بقوقل وهم على يوتوب


تضغطين دبل كلك على المربع ... وراح تطلع لج الاشياء اللي كتبتيهااا.. تمررين الماوس على الكلمه اللي تبين تمسحينهااا
لين تضلل الكلمه وعقب تضغطين كلمة دليت موجوده بالكيبوورد عندج وراح تنمسح


وان شاءالله اني اكوون افدتج..

 

[غدا أجمل]

حبيبتي الكلمات اللي تطلعلج هي أكثر الاشياء اللي تم البحث عنها عموما في اليوتيوب يعني مثلا كتبت مصر تطلعلج اكثر كلمات البحث عن كلمة مصر في الموقع كلة مو شرط انتي داشتة وما تنمسح لان هاذي طريقة الموقع مرة دخلت اليوتيوب وكانوا عيالي شابكين قبلي شسوي ام جاسوسة احب افتش ورا عيالي فطلعت كلمات عجيبة ومسكتهم وهات يا تحقيق وهبلت بالعيال بيفهموني ان الشي هذا من الموقع يالله فهمت وقالوا يمة جربي اي كلمة وفعلا طلع كلامهم صح
قلت قصة حياتي بس حبيت افيدج وشكرا

 

[بينكش]

حبيبتي الحين هالخدمه يديده في يو تيوب انه يطلعلج اقتراحات من اول حرف تكتبينه يعني ما يكون الهيستوري مال السيرج اللي سويتيه هذي خدمة اقتراح الكلمات​

 

[miss_ant]

حبيبتي الحين هالخدمه يديده في يو تيوب انه يطلعلج اقتراحات من اول حرف تكتبينه يعني ما يكون الهيستوري مال السيرج اللي سويتيه هذي خدمة اقتراح الكلمات​

كلامها صح 100%