شلوون تسوون السمك <<انقذوني وهقتونا يا اهل الكويت

[زينــة]

السلااااااام عليكم

ماعليه سامحوني بخصوص الموضوع :tomato2:

بس والله السالفه ومافيها ان احنا طريقتنا بالسمك عاديه يعني سمك متبل ومقلي والرز ابيض

والحمدلله نعمه

بس المشكله وين ؟؟؟
ان مره اخوي جاكم ضيف با الكويت :q8:

عند ربعه و تغدى عندهم سمك


وازعجنا يبغى نفس الي كلاه عندهم يقول له اايدام خاااص ثقيل مره <<انا تخيلته من وصفه مثل المرقه الهنديه :gr4uu:

عاد انقذوني شهالطريقه العجيبه الي عندكم ولا نعرفهاا:gr4uu:

وتسلمووون مقدما
وان شاء الله مطبخا عاااااااااااااامر ياكويتيات :ggdw:

 

[om_dodo]

ارفع لج الموضوع حبيبتى

اب

اب

 

[om_dodo]

اب

اب

اب

 

[زينــة]

تسلمين يالغلا
نخدمك بالافراح ان شاء الله:ggdw:

 

[توتاتوتا]

انا سعوديه بس بقولش الي اعرفه اتمنى يفيدش

اول شي فيه كذا طريقه اذا بتسوين مرق سمك .. سوي مرقكم بالطريقه الي تحبين و السمك مقطع او فيه مقطع تبليه بثوم و كزبره و ملح و ليمون بعد ساعه او اقل شيلي التتبيله و حطيه في المرق و مهم للسمك يكون معه ليمون اسود

اذا تبينه بودام حفيف سويه صينيه تبلي السمك بنفس الطريقه قطعي خضار مكعبات صغيره حطيها كلها بالصينيه صبي عليها شوي ماي بصلصه و ليمون اسود و ملح و بهارات كبيره اذا تبين و لفيها بقصدير و دخليها الفرن 10 دقايق ال 20 دقيقه حسب حجم السمه ثم اتحيه و اسويها من فوق

ملاحظه حطي يالقصدير فتحات صغيره علشان يطلع البخار

و بالعافيه

 

[بطه فيها نطه]

اذا مرقه .. هذي الطريقه اللي انسويها باغلب بيوتنا بالكويت

شوفي اختي .. سوي حميسة بصل مع طماط ناعم وثوم وشوية معجون طماط + بهاراتك العاديه + الخضره ( خضرة السمك )

واللي اهي عباره عن ( شبنت وكزبره وكرفس كلها مجففه )

تاخذين خل نقول نص قلاص من كمية الخضره ... وتضيفينه للحمسه وتزيدين عليهم ماي عادي ... الماي حسب كمية

الايدام ( السمك ) عندك .. واذا تحبينه خاثر( ثقيل ) لاتكثرين الماي قلاصين ليه ثلاث ونص يكفي

الحين تكونين مزهبة قطع السمك وغاسلته ومتبلته بالطحين والكركم والملح وبهاراتك ... قليه بالدهن عادي

ونفس الطريقه للربيان ( اذا تحبين تجربين الطريقه فيه )

... عقب اخذي الايدام ( السمك او الربيان ) لازم يكون مقلي وتضيفينه للمرق

+ علب فلفل اخضرحار يعطي نكهه + لومي اسود حبه وحده تكفي


قصري النار عليه وخليه يطبخ طبختين والايدام ياخذ النكهه وعليك بالعافيه ...

 

[جارة القمر]

رد : شلوون تسوون السمك <<انقذوني وهقتونا يا اهل الكويت

تفضلي طلبك

http://www.q8yat.net/showthread.php?t=240191

http://www.q8yat.net/showthread.php?t=21194

http://www.q8yat.net/showthread.php?t=94441

http://www.q8yat.net/showthread.php?t=126450

http://www.q8yat.net/showthread.php?t=146152


http://q8yat.net/showthread.php?t=214494

 

[توتاتوتا]

او فيه مقطع = او فليه مقطع

 

[زينــة]

الله يعطيكم العافيه ماقصرتوا

 

[برنسيسة الشمال]

حبيبتي هاذا الدقوس مال السمج
طريقتي لذيذه
ثوم وزيت عالنار هاديه وحطي عليهم معجون كامل وحركيه ثواني بالملعقه
وضيفي لهم شبت وكزبره وبقدونس وبربير نص كوب لكل منهم
وحركيه شوي على النار ليما يذبل وضيفي له خلاط كامل طماط مطحون وماجي وشوي بهارات السمج
وربع كوب تمر هندي وخليه ربع ساعه على النار واذا حبيتي تضيفيله اخر شيء السمج المقلي مافي مانع يطلع انطع
وعليج بالعافيه

 

[آخر احزاني]

رد : شلوون تسوون السمك <<انقذوني وهقتونا يا اهل الكويت

الْسَّلام عَلَّيكَم وَرَحْمَة الْلَّه وَبَرَكَآتُه ‏‎
‎

جَزَّاك الْلَّه جَنَآت أَلْفِرْدُّوس الْأَعَلَى‎
وَجَعَل مَاخَطَّتْه أَنأَمَلك فِي مِيْزَآن حَسَنَآتِك بـأَذِن الْلَّه‎
بـآرَك الْلَّه فِيْك‎,
بَاقآت الُوَرْد‎
لِقَلَبَك وَلِروحِكـ،،

​

 

[برنسيسة الشمال]

طبعا نسيت اقولج زائد كوبين ماي بعد ماتحطين الطماط