شلوون شخصيتج مع رفيجاتج ؟؟

[LittLeQueen]

السلام

كيف حالكم بنات :weight_lift:


سؤالي شنو الطريقه اللي تقدرين تخلين الناس تحترمج وتحسب لج حساب وتقدرج ؟

ودي نتناقش عن شخصياتكم مع صديقاتكم وشنو الطريقه اللي تشوفينها صح بتعاملج معاهم؟

بقولكم عن شخصيه بنت معاي في الدوام نوعها موسهله وتقط الكلام بالويه وماتسكت عن اي احد يغلط عليها واذ احد ضرها

بشي تصير كارثه لووول ولايمكن تسامحه واللي اشوفه انه البنات يحاولون يكسبون ودها ويدارونها والكل يحترمها ليييش؟

برايكم شنو السبب ؟ :23_asmilies-com:

يعني هالشي له علاقه بقوه الشخصيه والا لا؟ ساعات اقول ودي اصير شريره نفسها وبشوف شلون البنات بيعاملوني

لوووووول :j013:


ودي اشوف رايكم ونقاشاتكم بهالموضوع ؟ :aha:

 

[روح مغليهآ]

حلووو الموضوع
انا عن نفسي انقي رفيجاتي نقوة وماصادق وحده الا لما تدش مزاجي عدل وادرس اخلاقها وطبايعها وما احب نظام الشلل لأ احب جم وحده كلوز
وانا من رايي انج لاتدورين رضا الناس وبيلتمون حواليج وانا بصراحه مابيهم يلتمون ماوراهم الا الأذيه!!

 

[*ماي ورداسم يستحق الثقه*]

والله حبيبتي هالزمن مايبيله وحده على نياتها امثالي وامثالج
ولو اني ماعرف اصير قشره بس ودي اصير قشره لان وايد مواقف صارتلي وتسامحت وتساهلت
لين محد قام يحسب حساب..واطلع عن طوري وامشي اللي جدامي عالسراط المستقيم

اما بالنسبه حق رفيجاتي ماحب نظام الشلل وحده او ثنتين اهمه اللي اقربهم من حياتي الشخصيه واقربهم مني واتقرب منهم

 

[LittLeQueen]

8
8
8

صااااجه خوش كلام

 

[LittLeQueen]

حبي اغلى الناس صح اللي يدور رضا الناس يتعب

 

[Heaven Light]

شخصيتي عادية ما افرض عليهم شي وما يفرضون علي شي ..

يعني نراعي بعض ..

وهذي اللي معاج بالدوام ما اعتقد انها صديقة .. زميلة لا أكثر .. لأن الاصدقاء ما يخافون من بعض ..

​

 

[LittLeQueen]

8
8
8

اي انا اتكلم بشكل عام سواء صداقه او زماله يعني اكيد اهي بتصير زميله وتتطور علاقتج الى صداقه

تسلميين عالرد

 

[LittLeQueen]

ابي اشوف اراء بعددددد ؟؟

 

[&&ديلارا&&86]

موضوعك حلو مره
انا بصراحه صديقاتي عباره عن شله يعني انا مااخترتهم الزمن جمعنا غصب فعشان كذا مااحس اني حيل معهم
وانا مو اي وحده دش مزاجي لحد ما تعرفت على صديقتي اللي الحين معي والله لايوريك يمكن سنه جلست معها من غير مااخذ رقمها ولا شي يعني زي ماتقولين افحصها هههههههههه والحمدلله جازتلي ومن حسن حظي جزت لها والحين هي مو صديقه وبس الا اخت
وهذي الي معكم بالدوام اتوقع ان البنات يدورون رضاها عشان يفتكون من لسانها السليط ياشين كذا يعني اول مايتفرقون راح ينسونها
واسفه قرقرت واجد

 

[غنج بدويـه]

انا كافيه خيري شري..
لا اغلط ولا اجامل
<<وفارضه احترامي ع الكل
وماعندي استعداد اجامل وحده ع حساب سعادتها واهيا ما تستاهل..يعني طبيعيه وما أتصنع

 

[spanish-girl]

شوفي انا عن نفسي انا احب اكون محبوبه من الكل واحب الكل اكسبه صوبي بس اذا وحطي الف خط عليها اذا البنت وقحة معاي اعطيها ما عطاها زمانها يعني بإختصار الي زين معاي اكون زينه معاه وذوق ولي ما يحترمي ما احترمه والي يدوسني على طرف يا ويله حبوبه عاملي الناس مثل ما تعاملج

 

[بقايا همس]

والله موضوعج حلو وانا عن نفسي مو غرور والله الاحظ ان البنات اهم ودهم يصيرون رفيجاتي وهذي السالفه صارت مع اكثر من بنت وانا عادي كافية خيري شري عن الناس ومو راعيه مشاكل ولله الحمدلله وهذا اللي بعض الناس تبيه هالايام ورفيجاتي مثلي الحمدلله نفس الطبع ...

 

[LittLeQueen]

موضوعك حلو مره
انا بصراحه صديقاتي عباره عن شله يعني انا مااخترتهم الزمن جمعنا غصب فعشان كذا مااحس اني حيل معهم
وانا مو اي وحده دش مزاجي لحد ما تعرفت على صديقتي اللي الحين معي والله لايوريك يمكن سنه جلست معها من غير مااخذ رقمها ولا شي يعني زي ماتقولين افحصها هههههههههه والحمدلله جازتلي ومن حسن حظي جزت لها والحين هي مو صديقه وبس الا اخت
وهذي الي معكم بالدوام اتوقع ان البنات يدورون رضاها عشان يفتكون من لسانها السليط ياشين كذا يعني اول مايتفرقون راح ينسونها
واسفه قرقرت واجد

مشكوووره على الرد وطريقتج حلوه والله يتمم عليكم صداقتكم يارب

اللي معاي بالدوام صح في ناس يبون يتجنبون السانها بس في بعضهم لا يبون يكسبون رضاها !!

وحياج الله اخذي راحتج

 

[LittLeQueen]

انا كافيه خيري شري..
لا اغلط ولا اجامل
<<وفارضه احترامي ع الكل
وماعندي استعداد اجامل وحده ع حساب سعادتها واهيا ما تستاهل..يعني طبيعيه وما أتصنع

زين تسوين :eh_s(4):

مشكوووره وتوقيعج حلووو

 

[LittLeQueen]

شوفي انا عن نفسي انا احب اكون محبوبه من الكل واحب الكل اكسبه صوبي بس اذا وحطي الف خط عليها اذا البنت وقحة معاي اعطيها ما عطاها زمانها يعني بإختصار الي زين معاي اكون زينه معاه وذوق ولي ما يحترمي ما احترمه والي يدوسني على طرف يا ويله حبوبه عاملي الناس مثل ما تعاملج

نفس طبعي بس المشكله ماعرف اعامل الناس نفس مايعاملوني اعاملهم على حسب شخصيتي ولو وحده غلطت علي عادي اسامحها بس في بعضهم مو كفو :eh_s(2):

وتسلمين عالرد حبيبتي

 

[LittLeQueen]

والله موضوعج حلو وانا عن نفسي مو غرور والله الاحظ ان البنات اهم ودهم يصيرون رفيجاتي وهذي السالفه صارت مع اكثر من بنت وانا عادي كافية خيري شري عن الناس ومو راعيه مشاكل ولله الحمدلله وهذا اللي بعض الناس تبيه هالايام ورفيجاتي مثلي الحمدلله نفس الطبع ...

ردج الاحلا حبيبتي

والله زين تسوين :eh_s(10): والله يتمم عليج ان شالله

 

[!! الواصليّـــــة !!]

لا ليش تصيرين شريره ؟!

هذي يجاملونها يعني مو صدق شعور اللي يبادلونها فيه !

تبين نصيحيتي
صيري مثلي هههههههه

طيبه ومساااااااااااااالمه لأبعد حد ..

بس خلي احد يغلط والا يتجرأ علي بحرف ...

اهني بس ..

اعلمه ان الفرق كبير بين اني اكون طيبه واني اكون مغلوبه ع امري !

,

 

[LittLeQueen]

8
8
8

خوش كلام حلو الواحد يصيير طيب وبنفس الوقت مايسكت عق حقه

يعطيج العافيه

 

[LittLeQueen]

اب

اب

اب

 

[sweet dashttya]

تبين الصج انا عن نفسي تعاملي مع رفيجاتي والله زين واحسن تعامل حتى الي بدرجة اعاملهم

احسن من خواتي وطبيعتي صريحة وااااااااايد لابعد الحدود والي بقلبي على لساني ما اخش شي

وخاصة اذا وحدة فيهم طلبت مني شي انفذه بسرعة وما ارفض لهم طلب بس قبل كانت شخصيتي

قوية حيييييييييل والكل كان يخاف مني بس للأسف صكوني عين وما ترقعت بحياتي

كل شي يصير ضدي بعدل شي يخترب شي ثاني ويسلموووو على الموضوع الحلووو

عجبني وايد​