شلووون انشغل عنه؟؟شلوون أبين له اني بزي بحياتي وبنفسي؟؟

[no0ona_100]

السلام عليكم
الفف مبرووك على الكاااس
الناس كلها طلعت واستاانتست الا انا محبووسه في سجني اقصد بيتي
ودي افضففض واقوولكم مشكلتي وان شالله ياربي القى الحل و وعد..والوعد ديني ان ادعيلكم بالتوفيق وحسن الخاتمة
سوا ان حلت المشكله أو لا


انا وحده متزوجه من سنه وفعلا حسيت بالملل الزوجي والروتين اللي كنت اسمع عنه
بالاختصاار أنا انسانه جامعيه ولله الحمد بس شهادتي هذي ما تشغلني في مدرسه و زوجي مايرظى الا فالمدرسه

ممنووع ارووح الجيم،، ممنوع أزور رفيجاتي،،ممنوع اروح السوق برووحي او بتكسي..ماعرف ليش
بس جذي رافض رفض نهائي

ام زوجي طيبة و حبوبه بس دايم تحن على موضوع الوظيفه هي تعرف ان ولدها راافض عشاان جذي دايم هي تهاوشه و يجي هو يهااوشني و يقوول لا طلعين اسرارنا و امي مالها شغل

الين مافهمتها خلاص تكفيين لا عااد تكلمينه بهذ المووضوع...

اللي انا أبيه....أبي انظم حياتي
الكل يقول الريال مايحب الزوجه اللي لاصقه فيه و الفااضيه وماعندها شغله؟؟
شسوي؟؟وظيفه ماكو
دراسه ؟؟ماكو
جيم..ممنوع
صالون ..ممنوع

شلووون انشغل عنه؟؟شلوون أبين له اني بزي بحياتي وبنفسي؟؟
الحمدلله بيتي نظيف وانا نظيفه و مهتمه بعمري..بس ماعرف شسوي اكثر عن جذي؟؟

 

[no0ona_100]

لاتقوولون انشغلي بهواايتج
ماعندي هوايات شسوي

 

[دلوعت مودها]

نفس مشكلتي ابي شي يشغلني عنه
الله يرزقج الذريه ويرزقني اللي تشغلنا,,,

 

[خذاني الشوق]

ماعندج لاب توب اشغلي نفسج فيه اقرى كتب تزيد ثقافتج لاجاء البيت لاتلصقين فيه اشغلي نفسج باي شي اقعدي ع التواليت حطي حمره رتبي التواليت اي شئ سويه لادقين عليه الا وقت الضروره محتاجه شئ ضروري دقي غيره لااء اشغلى نفسج بتيلفونج مافي العاب العبي فيه

 

[ليه خليتني أحبك]

رد : شلووون انشغل عنه؟؟شلوون أبين له اني بزي بحياتي وبنفسي؟؟

اشتغلي بالنت صيري تاجر وبيعي عن طريق المنتدى وجيبيلج مندوبه توصلج الطلبات

او اتفقي مع رفيجاتي على يوم يجتمعون عندج

او سوي مساج في بيتج


والله يوفقج ويرزقج بالبيبي اللي يشغلج لووووووووووووووووووووول

 

[no0ona_100]

هذا انا على النت 24 سااعه لدرجه يهدد يفصل النت
وسالفت تاجره صعبه
لا تستغربوون رفيجااتي انقطعوو مني لأني ماوجبهم في مناسباتهم.لا أحضر أعراسهم ولا اقهويهم ولا انفعهم
والنااس تحب اللي يوجبها صح ولا

 

[ام زاكي]

غسلي هدوم وكويهم وكنسي وغسلي مواعين وولاتلمسين شي الا لمن يجي خلي كل الشغل وقت جيته
بتشوفينه معاج في المطبخ والحمام تكرمين

 

[rama11]

رد : شلووون انشغل عنه؟؟شلوون أبين له اني بزي بحياتي وبنفسي؟؟

كلام خذاني الشوق

حلو طبقيه

والله يفرجها عليك

 

[تعويذه الحب]

شوفي حبيبتي اقري اشتري كتب ونوعي فيهاااااااا تاريخه شعر قصص روايات

نمي ثقافتج اشتري جهازين للرياضه وخليهم عندج

تفنني بالاطباق والحلوياااااااااااات والسلطاااااااااااات

سويلج برنامج تجميلي يوم بالاسبوع يبي مالت الصالون والمساج البيت ووقوليله يالله باي لان عندي شغل

 

[بنت الذيب:$]

رد : شلووون انشغل عنه؟؟شلوون أبين له اني بزي بحياتي وبنفسي؟؟

انا اقول اشغلي نفسج بالكتب او الروايات صدقيني راح تندمجين معاها حيل او خلج على النت شوفي كل شي جديد من موضه ملابس ديكورات ومواضيع واجد الله يوفقج ويوفقنا

 

[خذاني الشوق]

حبووبه نزلى من النت قصص للجوال نزلى كميه قص كل ماخلصتى من وحده اقرى الثانيه ولاتقرينهم الا اذا صار قاعد عندج دامه يهدد يفصل النت عسي الله يهديه

 

[أحساس مجروحهـ]

مثل حالتي بالضبط س انا صارلي 5 اشهر ونص من تزوجت

وملللللللل

وكل شي ممنوع

..

بس ساكنه مع حمولتي
بس اغلب وقتي بغرفتي


والصراحه شاغله روحي

لان اغلب الوقت زوجي طالع وانا بروحي

وشوفي اشلون شاغله روحي بس لاتضحكين علي هههههههه

اولا اشغل التلفزيون واشوف شنو طالع عليه ؟

اذا فلم اتابعه

اذا برنامج اتابعه

اذا مافي شي احطه على اغاني

ساعه العب رياضه

وساعه ع النت

وساعه ارقص ههههههههه

وساعه اغير صبغ اضافري

امسحه واحط صبغ اضافر من يديد لاديني واصابع رجولي وارسم عليهم رسومات لين صرت فنانه حتى اخت زوجي مره شافتهم وقالت لي وين مسويتهم قلت لها انا مسويتهم بغرفتي هههههههه


ومره اقرا بالمنتديات طبخات
لاني احب الطبخ وايد بس صراحه حاليا ماااطبخ ببيت حمولتي الا قلييييييل بس شوفي شنو سويت
بلابتوبي سويت فولدر كامل حق طبخات
وجمعت فيه كل الاكلات المفضله الي شفتها واعجبوني
وسويت اقسام يعني مثل , قسم سلطات , قسم خفايف , وقسم اكلات رئيسيه , وقسم حلويات وعصاير
ونزّلت كُتب طبخ كامله

وقلت يمكن اطلع ببيت بروحي ابدي اطبّق على راحتي .


ومرات ساعه اروح اخذلي شاور خاصه وقت الليل على راحتي يعني تخيلي ساعه كامل وانا اتسبح تحت المي الحار هههههههه

واسوي سكرب حق كل جسمي واحط حمام زيت لشعري واغسله على راحة راحتي

ولم اخلص ادهن كل جسمي على البطييييئ علشان يضيع الوقت

ووالله اسأليني انا مجربه ساعات يرجع زوجي وانا بعدني مو مخلصه اشغالي !! استانست لاني حيييل متعلقه فيه واذا طلع كنت ابجي واسوي سالفه واتهاوش معاه واقول له انت طول الوقت امخليني بروحي وطالع مع ربعك وانا زهقت ومليت وماادري شنو ونتهاوش ويطلع ولا حياة لمن تنادي فقررت اشغل روحي عنه

حتى هو استغرب من التغيير وقام يطلعني بالاسبوع اكثر من مره برووحه من غير مااقول له وقبل لازم كل طلعه حنّه وصراخ وهواش ياالله يطلعني .

الحمدلله شغلت نفسي بوايد شغلات
,
مثلا على سبيل المثال اليوم قبل 3 ساعات قال لي ابي اطلع مع ربعي ونامي لاتنطريني يمكن اتأخرطبعا من داخلي انقهرت وكان ودّي اصرّخ وامد بوزي عليه بس ابتسمت بويهه وقلت له عادي على راحتك حبيبي حتى اذا تبي تقعد للصبح ماعندي مانع !!

اهوا ابتسم وقال عادي عندج ؟ قلت له اي عاااااادي عندي ., استغرب وراح هههههه

وعلى طول اول ماراح ,, غيرت ملابسي ,, اخذت دش سريع ,, حطيت بخور بغرفتي .. عطرتها ,, شغلت التلفزيون واللابتوب ,, حطيته على فلم ,, وشبكت دخلت المنتدى والمسنجر ,, لقيت اخوي كلمته شوي ورفيجتي ,,, والحين اكتبلج وانا قاعده على سريري اتابع فلم وقررت اليوم بس نت وتلفزيون هههههههه

وشوفي يعني راح يرجع وانا مااحس بأي ملل

وقبل لا يرجع او انا صراحه ماادري بالضبط متى يرجع بس لم اشوف تأخر الوقت ومارجع مثلا صارت الساعه 3 او 3 ونص

اطفّي لابتوبي واخلي بس التلفزيون وانسدح اتابع قناة فنون تضحّك هالوقت يطلع مقاطع مضحكه صباحي

علشان مايقول هذه طول الوقت قاعده ع النت اخاف لا يقطعه علي
ومن يدخل حتى اذا مااكون اضحك ,, اضحك ضحكه قويه علشان يشوفني مندمجه ومو هامني ههههه
حتى مره قال لي هالايام كله ضحك اانتي وكله على برامج مواقف مضحكه قلت له اي ليش ماتبيني اضحك ؟ هههههه


سووري طوولت عليج بالرد الطويل اعذريني بس لانج والله نفس معاناتي قلت برّد عليج وان شاءالله تستفيدين يارب

 

[kuwaitya_zoGaa]

حبيبتى وااااااااااااااااااااايد سهله
بعطيج لسته واختارى اللى يعجبج ....
اقري قران - اقرى كتاب - رتبي الكبتات او المطبخ - سوي رياضه - حطي خلطات عنايه - دشي دورات

 

[ommishari]

الله يعينج

 

[ريمي اميري]

رد : شلووون انشغل عنه؟؟شلوون أبين له اني بزي بحياتي وبنفسي؟؟

حبوبه ............ ابي اريحك مو بس انتي ترى كل العرايس الي توهم متزوجين لان فقدتي الاهتمام الي كان يهتمه بك
فاتحسين بالقهر والزعل ,,,

بقولك عن حياتي يمكن افيدك بشي ,, حبوبه انا ماعندي احد بالبيت وكنت متعوده على خواتي وجمعه وناس
ولان زوجي دوامه من الصبح لين المغرب تخيلي.!! فاكنت حدي ازعل وازهق وبس اصيح ولمن يجي اتعلق فيه
حتى نوم ما اخليه ينام ..
,,,,, بس لمن حسيت انو اضلمه هيك سويتلي جدول خفيف عشان ما امل ,,, اولا لمن يطلع ارجع انام
لين 11 الضحى احب احط اقنعه وخلطات وزيوت على كل جسمي , بعدين اخذ المكنسه وطيران على الصاله
والقران يشتغل باعلى صوت المهم ارتب وانضف البيت واشغل الفواحات لين اوصل لغرفتنا النووم اخلصها وبعدين اصلي الضهر
واحط الملابس بالغساله بهذي الاثناء اكون اطبخ مثل ماقالت الاخت انا حملت كتب طبخ وفايلات تعلم فاكل يوم
اسوي تقريبا طبقين والشاي والقهوه بترامس وانضف المطيخ وطيارااااااان على الحمام اخذ شور داااااافي والبس
وبعدين افتح التلفزيون ولا اكلم اهلي ولا صديقاتي ,, يعني حبـــــــــــوبه ما نقدر حنا نقولك وش تسوين انتي لازم تعرفين
من حالك , لمن يجي استقبله بكل شوووق لازم وبعدين هو يقرر بعد ماناكل اذا مو تعبان نسهر ولا ينام انا اكون مفلفله نوووم
مافيني فا البس بجامه واسوي تمارين واجلس على النت ,, والحمد لله مااااشي الحال
بقولك شغله :::::: التحكم الي يتحكم فيك مافي طلعات ولا صديقات ترى مؤقت حبوووبه اطمنك كل الرجال هيك
بس يحبوون يفرضون رايهم عشان يثبت لنفسه انه متحكم بالامووور ,, فا راح يتغير باذن الله بس اصبري انتي
موفقه اسفه على الاطاااااااله ,, ياحلوه

 

[الجفووول]

البنات ماقصروااااا



بس اذا الله رزقج فبيبي بتنشغلين عنه من اممممممممممممه ولا راح تفضين

 

[هيبة ملك]

الله يعينج

 

[FeShinGoOo]

رد : شلووون انشغل عنه؟؟شلوون أبين له اني بزي بحياتي وبنفسي؟؟

الريال اشكثر يستانس لي دخل وشاف مرته فارشه سجادتها وتصلي وتقرى قرىن عندج وقت فراغ كبير جابلي ربج شوي
وباجي الوقت اشتريلج كتب وثقفي روحج .. عزمي صديقاتج عندج بالبيت .. اتعلميلج جم طبخه حلوه .. اتعلمي كروشيه ..
اتعلمي عالكمبيوتر دشي دورات فوتوشوب في بالنت بعد ..
خصصيلج يوم بالاسبوع روحي الصالون او خليها اتيج البيت اهتمي بشكلج واناقتج ..
كلشي تقدرين تسوينه الحين وانتي بالبيت ماشاء الله العالم صار مفتوح على بعضه بالنت والتلفزيون ..

 

[ديور88]

الله يعيييييينج
مالج الا النت والتلفزيون
شتسوين بعد

 

[تبطي عظم!]

البنات ماقصروا ~

عادي كل رفيجاتي الي تزوجو يقولون اول سنين الزواج الي بدون طفال تكون ممله حيييل

وفيها تحكم مو طبيعي

عندج انا مثال للحين بفترة ملجه وقاعد يتحكم الله يستر بعد العرس شنو يسووي

حبيبتي حتى مكان عملي نقلني منه شنو تبين بعد هع بس عاجبني

اخذ الامور الايجابيه من هالسوالف عادي ~

والحين قاعده احاول اسوي لي جدول حق بعد العرس اشغل نفسي فيه عن الملل ~

لان ادري راح يصيبني ملل ~ لانه من النوع الي يحب الدوانيه ودوامه يومين باربعه وهو عسكري عرفتي يعني ملل اح يصير مو طبيعي