شلووون تطبخي السمك وتجهزي نفسك قبل لايرجع زوجك!!

[أم قمر]

سلام عليكم

كيف الحال يا حلوااات

أبي أسألكم بالله سؤال ..
والله متعبني ومحيرني

يوم اللي بقلي سمك مأساة

لأن السمك مو حلو بارد .. فأقليه بعد صلاة الظهر مباشرة

و زوجي 11 أو 12 هو راد البيت ..

والله إنه زحمة
و زوجي ما يحب التسخين في المايكروويف وما رضى نشتريه

وش تسوون إنتوا :eh_s(10):

 

[أموت برزة عقاله]

رد : شلووون تطبخي السمك وتجهزي نفسك قبل لايرجع زوجك!!

اسأل روحي هالسؤال دايم

وصح مثل ما قلتي انه اجوف امي لمن بتقلي السمج على الاقل نص ساعه على حطه الغدا ...

ودي اعرف الحريم الي يطبخون سمج وربيان وهسوالف الي فيها زفر شلون ينظمون وقتهم بحيث ياخذون دوش بسرعه عشان ريحه

احس موب حلوة الريال ايي والمراه ريحتها طباخ ... بس الوقت مزاحم ..

 

[FeShinGoOo]

رد : شلووون تطبخي السمك وتجهزي نفسك قبل لايرجع زوجك!!

انا السمج ماطبخه كله من المطعم شسوي بعد ولا ريحة شقتي تصير قلي وزفره

 

[عشق موالي]

شوفي حبيبتي انا زوجي وولدي موتهم السمك فاسويه مرتين اوثلاث بالاسبوع

اتبله قبل صلاة الظهر وبعد مااصلي اقليه وانظف المطبخ وبخره واعطره وبعدها اسبح

بس يوم السمك اتعب من التنظيف ولو على انا ماسويته

 

[أم قمر]

رد : شلووون تطبخي السمك وتجهزي نفسك قبل لايرجع زوجك!!

أموت برزة عقاله>>
إي والله مو حللوة بس شنسوي!

أم أبيها>>
أنا زوجي ما يحب أكل المطاعم وايد قليل إذا نشتري
بعد القلي طبعاً بخور وعطور في الشقة

عشق موالي>>
انا بعد زوجي يحب السمك وأغلب الغديات سمك .. فأتوهق

 

[اينااس]

نفسى والله اتوهق
بس اطبخ وتغده
وبعده بسرعه بسرعه اانظف وسبح نص ساعه انا مخلاصه

 

[love love]

ان شاءالله تلقين الحل عندي

انا اسوي وايد ربيان وبكل انواعه ومطبخي اهني امبطل

افتح شفااط على الاخر علشان يشفط الي يقدر علييه
وانا اطبخ احاول مااقرب نفسي واايد بالمقلاه واللبس سكاارف يقطي شعري كلله واحرص شعري مايكون امبلل علشان لا شعري يسحب الرييحه

واطبخ واول مااصكر الجوله ارشش الرشووش بكل مكان بالصاله والمطبخ واشب بخوور

واركض اغير ملابسي كله وافج اسكارفي واتاكد ماعلي ريحه واتعطر

وبعد مانتغدا واشيل الاكل اريح اشوي واتسبح

 

[Tom ♥ Jerry]

.


الـ سخان مآ يقول شي !
شغلي السخآن خل يصير حآر و خلصي الأكل من الساعه 10 أو 10 و نص !
> لآنه زوجج آيي السآعه 11 !
بعدين دخلي الأكل بالسخآن و روحي تسبحي !
لمآ آيي على مآ يبدل تكونين قآعده تجهزين السفره بس : ) !

 

[مطيرية والعزليه]

رد : شلووون تطبخي السمك وتجهزي نفسك قبل لايرجع زوجك!!

عليج بالبخور بعد ماتخلصين من الطبخ بخري بيتج بعلج مر والله عن تجربة العلج المر مايترك اي اثر للريحه الطبخ

 

[ديانا سبنسر]

اب اب

 

[الدلوعه2008]

شوفي مع اني مو متزوجه بس انا بقولج شنو اسوي مع اني طبخ السمج لخواني

حبوبه اذا انا باجر بطبخ السمج لازم انظفه اليوم الخميس وبعدها احطه بالثلاج وصباح اغسله وتبله واخليه شوي وعلي ساعه 10 اسوي مثل الخضره والسلطه جذي وبعدها 10 ونص اسوي السمج واسوي العيش واخلاص قبل لا يجون جذي تكونين خلاصه وعلي قوله مطيريه حطي المره تسحب ريحت السمج

 

[جوديq8]

رد : شلووون تطبخي السمك وتجهزي نفسك قبل لايرجع زوجك!!

فية مواعين وحافظات الاكل الي يحفطون الحرارة

طبخي مبجر وحطي الاكل فية واتسنعي واخذي شور على راحتج بعدين جهزي السفرة