شلووووووووون نظامج برمضان علمونا خلونا نستفيد؟؟؟؟

[همسات ليالي]

هلا حبيباتي شلوووونكم

ومبارك عليكم الشهر مقدما


الحين المختصر..........................


بنات شلون نظامكم برمضان خاصه حق اللي تطبخ وعندها عيال بالمدارس تأسيس

وفوق هذا وذاك دوام ما يرحم

خلونا نستفيد من بعض

راح ابدي انا بالاول

انا اول ما ارد من الدوام اريح شوي تالي ادخل المطبخ وايدي بيد الخدامه

وعيالي اقعدهم بالصاله واشوف دروسهم شوي بالمطبخ وشوي عند عيالي

يحلووووووووون الواجبات واي شي بسيط مثل تلون وتلزق

وعقب الفطور ادرسهم الجايد تقريبا ساعه مو اكثر

وعقبها انااااااااااااااااااااام لي التسع تقريبا وعيالي بهالوقت ينامون

ارووووووووح اوجب الناس واباركهم بالشهر او اروح السوق

والليل طبعا للعباده وقراءة القران والتهجد

وطبعا انسي اشوف المسلسلات الا ورا رمضان لما يعيدونهم

دووووووووووووووووركم نااااااااااااااااااااااطرتكم

 

[Moondance]

طبعا برمضان الجدول يكون مزدحم من الصبح لي الليل
انا من الصبح لي الظهر بالدوام ولما ارد اصلي وابدل وارتاح ساعة ساعتين وادش المطبخ ابتدي اجهز الفطور والحلو وبعدين اخلي الاكل يتسكر واقعد مع ريلي اجابل اي مسلسل يعجبني وعقب الفطور ننام شوي ولما نقعد ننتشر انا اروح حق اهلي واهو يرد دوامه ومرات نتجمع جمعات الاهل نقعد لي قبل صلاة الفجر ومرات نقعد بالبيت انا وزوجي نجابل التلفزيون طبعا السوق ما اطبه برمضان نهائيا الا للعيد -- وبالعشر الاواخر نرتااااح طوول اليوم عشان نخزن طاقتنا لليل لصلاة التراويح والعبادة لي الفجر وسلامتكم

 

[سبائك]

عساكم من عواده ان شاءالله

بالنسبه لي جدولي هالسنه بيختلف بأذن الله لاني خليت اجازتي الدوريه برمضان

عقب اللويه الي حسيت فيها السنين الي فاتت ما بين دوام وعجلة مطبخ وتوجب عقب الفطور والعشا يعني كلش ما استمتع برمضان ولا أحس فيه

 

[ضحـاوي]

عساكم من عواده مقدما

رمضان السنه راح يتاخر الاذان وهذا شي عاجبني

لاني راح ارجع من الدوام واحط راسي وانام لي ساعتين

وبعدين اقوم وادش المطبخ واسوي فطورنا العام وقبل العام

ما كان يمدي ارجع من الدوام وادش المطبخ ما انام ولا اريح

وعقب الفطور نشرب شاي وقهوه لين ياذن العشى ونصلي العشى

اصلي التراويح (بالبيت) وعقب اشوف اليهال واجييك على كتبهم

وعقب ازور اهلي او حمولتي او السوق ( حسب الايام وحسب حاجتي للسوق )

والله المستعان

 

[ما أرد على اكبر راس]

انا قاعده بالبيت مااشتغل وماعندي عيال

يومي عادي جدا نوووم اقوم 1 او2 اصلي اقرا قران شوي اطالع التلفزيون

مااسوي شي ولاااطبخ<<<<امبيه كسوووله بشكل موطبيعي خخخخخخخخخخخ

 

[توته79]

انا عاد عيالي واحد سنه وواحد سنتين يعني يبيلهم مجابل من النوع اللي يحوسون اسمالله عليهم يعني شوي الخدامه اجابلهم وانا اطبخ والعكس

 

[..بسمة..أمل..]

مبارك عليكم الشهر مقدما

وعساكم من عواده يارب

بما اني مو متزوجه <<<< داشه عرض

بس اقولكم شلون جدولنا انا وامي خبركم انا الكبيره وكل اساعدها

طبعا امي ترد من الددام ترتاح لها ساعه بعدين تدخل المطبخ
اما انا ادرررس لي العصر تقريبا بعدين اروح اساعد امي

بس احلى شي ان افتكينا من الدوريات لان اول كان كل يوم ببيت احد

وطبعا انسووو شي اسمع تلفزيوون وبعد الفطور اكمل دراستي عشان الحق على صلاة التراويح
وبعدها الطللعات لان بصراحه جو رمضان روووعه وخصوصا بحولي

هههههههههههههههههههههه

 

[شكليطه]

الله يبلغنا صيامه وقيامه ان شاءالله

انا مو متزوجه ولا عندي عيال.......ممكن اشارك؟






بالنسبه لي السنه هذي رمضان راح يكون غير
لانه اول مره اكون فيه موظفه مو طالبه

يعني قبل كنت ارد من المحاضرات....وبعضها تخلص بوقت مبجر
فيكون عندي وقت كبير
ارد ....انام لي العصر.....ومن العصر ابدي احوس بالمطبخ مع امي والخدامه
وساعات لا والله ...اول ما ارد ابدي شغل بالمطبخ واخلص اللي علي وانا من العصر ليما قبل الفطور بشوي
طبعها الاكل ماعندنا مششكله فيه.....لانه نفس وجبه الغدا ايام الفطر

بس اللي يتعب هالخفايف......ألسندويشات والحلويات

بس اريح طريقه...انج تكونين عارفه شنو بتسوين ..قلبها بمده
وتجهزين اغراضج من الليل....او الخدامه تزهبه الصبح وانتي تسوينه اذا رجعتي

صدقيني ماياخذج منج وقت وايد

يعني مثلا اذا بسوي شوربه الخدامه ماتعرفها.......اكون مزهبه مقاديرها
واذا يبيلها تقصص بصل او ثوم او اي شي
اخلي الخدامه تجهز الاغراض.......وبس ارجع اسويها واخليها على جنب
وقبل الفطور اخلي الخدامه تسخنها

وبالنسبه لحشوات السندويشات.....من الليل اقول حق الخادم ترى باجر نبي جذي وجذي وجذي

يا تسلق دياي.....او تحمس شغله ......المهم تزهب الحشو او المكونات الاساسيه للخلطه............واذا صار الظهر او العصر نبدي نخلط الخلطه ونحشي السندويشات فيها


وعقب الفطور نجابل الكاميرا الخفيه(وهذا الشي الوحيد اللي نتابعه برمضان)

(مع جااااااي زعفران........او قهوه حلو على قولت البعض.....لالالالالالالازم)
:eh_s(15):
ومايمديها تخلص الا مأذن العشا

نصلي ونروح بيت يدتي.....اول اسبوع او 10 ايام....لان ماشاءالله الدنيا كلها اتييها......ومانحتاج نروح حق احد عشان نوجبه
الا بعض الحريم الكبار
اقعد عندها ليما تطلع اخر حرمه........الغبقه تكون خفايف
وبعدين ارجع البيت ادرس او انام


وطبعا اذا صادف اول رمضان خميس ويمعه
اروح انا واختي ننام عن يدتي......ناخذ معانا دراريعنا ومكياجنا وعده الكشخه كلها.....والله يصير وناسه
سهر مع خالتي.....و بالليل نستقبل

..........


بس السنه هذي حدي متفرغه ونظام يديد علي.......خصوصا
اني بنفس الوقت بشترك بنادي قبل رمضان بشوي
ومادري عن وضعي مع النادي؟؟!
هل اخليه قبل الفطور والا عقبه



بس نصيحه حطيلج ورقه وقلم ورتبي فيهاا امورج.....صدقيني بتحسين براحه
وتقدرين تستغلين رمضان افضل استغلال بالعبادات


وعسى الله يتقبل من الجميع

 

[همسات ليالي]

مشكووووووووووووووووووورين على الردود الاحلى من العسل