شمفكره تلبسين بالعيد

[عتاب الاحبه]

مساء الخير

شلونكم بنات ....

من اليوم احوس ادور موديلات حق العيد (( حوامل )) بسسس مالقيت شي على الموضه كله قديم وشايفينا
صصصراحه ودي اخلص قبل حوسه سسوق

بنات خلينا انتسساعد بفناتق للعيد كل وحده اتحطلنا شمفكره اتسوي بالعيد ؟


بأنتظار ردووووودكم :rerrerek: هالله هالله بالردود اللي تبرد الجبد:rerrerek:

 

[كلي لكـ]

انا فصلت بدلتي العيد عند وحده البدله مو لحوامل بس لانها واسعه وقصتها جنها لحوامل فصلتها وعسى تطلع قريب وارتاح

 

[غنوة ستايل]

الحمد الله راح اكون والده ونفاس

 

[عالمي المجنون]

كلي لك

ياليت تفيدينا اكثر

منو هذي و ع جم فصلتي بدلتج

 

[عتاب الاحبه]

تسلمون ع الردوووووود بس نبي افكار او مشاغل حريم يفصلون للحوامل انتو عارفين بهالفتره انكون متنه من حمل نبي موديلات تخفي البطن وصدر وهالسوالف يعني

 

[بيبي غيرل]

انا فصلت بدلتين باتيليه السوليدير بس شغل خحيل حلو والاهم مومبين اعراض الحمل اكو موديل عندهم لونه كحلي طويل وفي قصا يونانيه وايد عجبني وموديل اسود ثاني فوقه جاكيت من جدام اسود وينلف بطريقه غريبه ومن ورا ابيض وردي وبنفسجي وداخله نفنوف دانتيل قصة حوامل تحت الركبه

 

[kuwaitiya_84]

اي والله خوش موضوع انا اكون وقت العيد اخر اسبوع بالثامن متوهقه مادري شنو البس لين ايست فكرت افصل عبايه لانه على عيالي الاثنين يكون العيد وانا بالرابع الخامس عادي سهالات بس اخر الثامن هههههههههه لا بطريق يمشي بس شكلي بظل عالعباة اريح

 

[نونو 1985]

بنات اللي حابه تشوف كفر استقبال حلو وراقي ملكي تراسلني عالخاص
للجادين فقط

 

[Miss Golden]

الله يعين الصراحه..
انا بكون بأول التاسع بإذن الله وصج مالي خلق كللش.. ان شاءالله الناس تكون مسافره

عندي شاريه نفنوف قصير بليسيه لونه اورنج واسع و ينفع للحوامل شريته في بداية حمالي و المشكله اخذته كبير عبالي بمتن وايد بس ليلحين احسه كبير شوي من جذي بخليه للعيد وبس..