شنسوين في نفانيفج ملوت الحفلات اللي ماتبينهم؟؟؟؟

[LoLaTi]

Hello every body

اخص على اللغه :tomato2:

سوالي اهوة : اذا كان عندج نفانيف ملوت حفلات ودراعات ( دراريع ) ماتبينهم عفا عليهم الدهر ف في هذي الحاله شتسوين فيهم ؟؟؟ :bbbiu: ومحد يبيهم يعني موديلاتهم صارت قديمة وتفشل :eh_s(11):


عطوني افكاركم في التخلص من هذه الشوائب المعلقه في كبتي :0bee2e8d89:

 

[*بسبوسه*]

بقولج انا شسوي

انا ورفايجي مسوين مشروع تبادل الدراريع والبدل............
اخم اللي عندي واهما يخمون اللي عندهم وناخذ من بعض يا تفصل عليها يا انها تاخذها بسعر مناسب طقة 20 دينار
طبعا هذي للدراريع اللي مالها موضه وممكن تلبسين فيها سنين عرفتي

اما اللي لها موضه وراحت مايبي لها ....تروح عالصدقات ...تاخذين من وراها اجر كبير كافي انج بتفرحين ناس غيرج وتسترينهم من حلالج
يعني لا تقولين حرام مفصلتها ب200 واقطها صدقات بالعكس انتي ماتدرين شكبر الاجر اللي بتاخذينه من ورى هالدراعه او البدله.

 

[درة أهل الطولات]

مقطوطين بالكبتــ​

 

[qяǿя]

حبيبتي أحسن حل مثل ما قالت اختي بسبوسه
وديهم للصدقات

 

[بنت جنيف]

اوديهم اللجان الخيريه

 

[ام سعود ديكسون]

مقطوطين بالكبت ههههههههه
ودي اسوي لهم spring cleaning

 

[بنت الكويت90]

انا عن نفسي اودييهم الصدقاات

 

[FOZQ8]

اوديهم صدقات
بس رفيجتي توها شاريه نفنوف عرسها من الاسطوره يماااه يهبل تقول مادري شسوي فيه عقب ما خلصت من العرس
مادري وين يبيعون النفانيف لان راقي حيل بصراحه ما ينقط وشكبره وين توديه بالكبت

 

[راعية الطويلة]

ضبطيهم و وديهم الصدقات
بعضهم يجون للبيت ياخذون منج
بس طبعا لازم تكون كمية كبيرة
من الملابس
و ماشاء الله
اللهم بارك
الكبت بينفجر خلاجين
تصدقي
و الآخرة خير و أبقى

 

[LoLaTi]

اوديهم صدقات
بس رفيجتي توها شاريه نفنوف عرسها من الاسطوره يماااه يهبل تقول مادري شسوي فيه عقب ما خلصت من العرس
مادري وين يبيعون النفانيف لان راقي حيل بصراحه ما ينقط وشكبره وين توديه بالكبت

لااااااااااطبعا نفنوف العرس ماينقط هذا ذكرى الى الابد حتى لو شكبره وماذيها خل تخشه حرام تقطه او تعطيه احد الا اذا تاجره مثلا او تبيعه اي عادي بس انها تتنازل عنه بسهوله لااااا هذا نفنوف ليلة العمر :eh_s(16):

 

[LoLaTi]

مشكووووووووووورين بنات :eh_s(17)::eh_s(17)::eh_s(17):

 

[ست الحسن والجمال]

نفانيف العرس ابيعهم مايقعدون بالكبت لان انا قليل احضر العروس فحرام يقعد باالكبت سنين شدعوه لوصار له سنة بالكبت بلبسه ثاني مستحيييييييييل حتى لو ابيعه بنص سعره اللي فصلته عليه

الدراريع البسهم واذا مليت منهم تروح للصدقات ماينباعون ومنو بيشتري اصلا دراعه ملبوسه ومكروفه !

 

[LuLiTa]

انا اعطيهم حق بنات خالتي الصغار توهم طقه بو 13 سنه فـ يستانسون على هـ السوالف لانه ذوقي و ستايلي يعجبهم ,, و الشغلات الثانية اوديهم صدقات ,,,

 

[kaboOOOOOOOOsa]

بالكبت مت وانا اكبر الكبت وحرام اقطهم واتعيز اوديهم ابيعهم

 

[اروى77]

وااااي نفس حالتي ذكرتيني فيهم بس ماخذين مكان عالفاضي
شكلي بتصدق فيهم احسن لان سوالف البيع والتجاره فاشله فيهم
كل مره اقول ببيعهم وانسى الفكره

 

[Fstani]

صدقاات

 

[سحر الشرق@]

اسأل نفسي هالسؤال دايما
مو كل يصلح للصدقات
في اشيا ما ينفع

 

[M-TarTar]

لوول بالكبت و ما البسهم ما ادري شسوي فيهم

 

[<miss botamba>]

انا عن نفسي على طول اوديهم حق لجنه

وهذا الي انصحج فيه حتى لو بدله على قولتهم على القيمه

اوكي لبسيها بالكثير 4 مرات وبس كل من بشوفها وعقب تصدقي

لا تقولين لا خل اطلع قيمتها و اذا اعتجت البدله اتبرع

هالكلام او هالمنطق غير صحيح

لان الله يقول : [ لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ ]

 

[عاشقه ومتكحله]

بعضهم لصدقات واللجان الخيريه

وبدلات العرس ابيعهم لبنات بالسعوديه رفيجاتي

وبعض الدراريع المشجره اخذ منها الورد اخلي الخياط يقصصه واسوي منها دراعه جديده

وبس