شنطتي انقفلت شلون افتحها

[جوويره]

السلام عليكم
شريت شنطة للسفر وفيها رقم سري يتكون من ثلاث ارقام وانا قفلتها بالرقم السري اللي اهو صفر صفر صفر ولما جيت افتحها ولا الرقم السري مايفتح جربت حاولت ماتنفتح الله يخليكم شلون افتح الارقام السريه الثلاث؟مافي طريقه سهله اجربها؟؟

 

[العنقاء]

وديها حق اي محل يبيع شناط سفر اكيد يعرفون يفتحونها

 

[adool70]

وديها مكان ما شريتها و بدليها بوحده ثانيه علشان ما اتوهقين بالسفر او بالمطار

 

[غدا أجمل]

حاولي دقي صفر صفر اثنين مرة صارت معاي وفتحت الجنطة

 

[عهود الحب]

اذا يأستي خلاص جيبي مفك وافتحيها من الخلف اكيد في براغي شغله وعقب ردي ركبيهم مثل ماكانوا

 

[أم الغاااالية]

اذ مو محتاجه الجنطه اكسريهااااااااااااااااا

 

[ملاك-77]

صارت معاي ورجعناها لمحلها فتحها لنا بس خفنا تنقفل واخذنا ثانيه

 

[سنايا]

الله يهداكم شنو هالنصايح !!

كلش ماتنفعون تشورون بشي

خاصة الأخوات اللي يشورون عليج تكسرينها و إلا تفكينها !!

أختي .. صارت معاي من قبل، بس شوفي شنو سويت ..

أول شي اللي آنا متأكده منه إنه الرقم السري متغير مو اللي تقولين عليه [ صفر صفر صفر ] .. ويمكن إنتي ناسية أو شي من هالقبيل، وآنا في هالأمر أنصحج تخزنين رقم شنطتج السري في الـ Notes في موبايلج.

المهم أختي حلي اللي أقدمه لج .. يتطلب بالكثير ربع ساعة و طولة بال، وهاذي راح توفر عليج مخاسير التكسير و المشاوير !!

مالج إلا إنج تبدين إدخلين الأرقام [ والحمدلله إنه بس 3 مراتب مو أكثر]

يعني يكون شغلج بالشكل هذا

صفر صفر صفر
صفر صفر واحد
صفر صفر أثنين
صفر صفر ثلاثة
( وهكذا لحد ماينتهي السطر )

و تكملين ..

صفر واحد صفر
صفر واحد واحد
صفر واحد أثنين
صفر واحد ثلاثة
( وهكذا لحد ما تنتهين من هالمجموعة )


صفر أثنين صفر
صفر أثنين واحد

إلخ ..

ياربي فهمتي اللي أقصده، أتمنى تصيدين الرقم بسرعه ، عاد إنتي و حظج



​