شنـو تاكلين بالنفاس ؟ غير أدويـة النفاس

[مشتطـه]

السلام عليكم :eh_s(7):


بنات انا بجرية وهذا شهري بّاذن الله :eh_s(7):

امس خالاتي يسولفون عن وحده عمرها 23 واول حمال لها عقب الولااااده محد يدري انها ولدت والكل يسألها متى تولدين وسبة كرشها :eh_s(2):

بطنهاا كبيييييييير كررررشششش ومنصدمين منها :eh_s(11):


المهم ردت بنت خالتي قالت جدامي هالبنت تاكل حلويات وخرابيط وفطاير وبيبسي بالنفاس
والماي 24 ساعه تشربه


عاد انا صكتني الخرعه ومابي اصير كرش :eh_s(16):



وامي بعد عمري تعرف بالاكل
واساسا مانعتني عن وايد أكلات


الي عرفته ليلحين ان من الاكلات الي بتسويها لي امي
قبوط
شوربـة خضار فيها كوسى وجزر وفلفل اخضر وقطع دياي صغيره جذي يعني
سمجـة بروحها مشوية

ريوقي خبز ايراني مع بيض وحليب


راح تمنعني من العيش والحلو والكاكاوات وهالسوالف

والعصيده انا ما احبها كلش ف ماراح تسويها



شنو الاكلات اللي مسموح فيها بعد

وشنو اللي اوخر عنه
غير العيش والمعكرونيا والماي والغازيات والكاكاوات ؟

بليز ابي اللي مجربة وبطنها رد مثل ما اهو :eh_s(15):

 

[عيالي ذيابه]

والله ياقلبي
الحمدالله وماشا الله عندي ثنين واللي يشوفني مايصدق
عادي اكل باعتدال بس اللعشر الاياماكل القبوط والمرقوق وهالسوالف
وعقبها اكل اللي خاطري فييه بس باعتدال ومانام وانا جوعانه
عشان ماخرب ... والماااي لازم ضروووري تشربينه

والله يهون عليش وعلينا

 

[كتالونيه]

هلاوالله مشتطه انا بعد اكل الي بخاطري
وابتعد عن الغازات
اهم شي اول عشر ايام بس وبعدين يبدا
الرجيم علشان لايخرب جسمي

 

[مشتطـه]

اها يعني لازم اخفف مو شرط أكل معين ؟


ان شاءالله بحاافظ


جسمي واايد تغير زدت 15 كيلو

وانا متعوده من عمري 12 وزني ثابت

 

[لورا 22]

والله انا بولدي عادي اللي بخاطري اكله بس ما اشرب غازيات
غيره عادي اذا الكرش اهم شي رررررررربط البطن لاخر يوم بالنفاس وانا اربطه والحمد الله ماطلعت

 

[! بــدويه وآآيــد !]

،


لاتاكلين خبز لبناني اكلي ايراني
لاتاكلين معجنات كلـش
ولازم دواء الشمم عشان لاتشمين ترى النفاس اذا شمت عطر تطلعلها كرشه وماتروح
الله يهون عليج

 

[AL3OoOoBA]

http://www.q8yat.com/t882050.html

شوفي هالموضوع فيفيدج وركزي على قشر القهوه شوفيه بالموضوع

 

[om 7sony]

وااي مشتطه
ذكرتيني بماساتي ههههه

انا من ولدت وهذا اكلي
قبوط.،، مرقوق
شوربه دياي ،،،، وحضار
واذا بتغيراي امي سوت لي دياي مشوي
مشتهيه عيييييش

اول جم يوم ،،، منعتني اكل اي شي بارد
كنت اصب العصير واخليه يدفا بعدين اشربه
اول جم يوم ممنوع الفواكه ،،، خاصه اذا بارده
الخيار ممنوووع ؟،،، موزين حق الرحم
وطبعا الروب واللبن والحوامض

خلي اكلج كله دافي
والماي شربيه دافي ،،، ما يكون من البراد
بس عشر ايام وبعدين ردي عادي
بس انا للحين على هالنظام :/

ونصيحه تخلي الكرش يروح
دوريلج رداده سنعه تراددج وتدهن بطنج
صدقيني دلكت بطني يومين ،، ومن اول مره حسيته خف

 

[miss_Ba6oOo6a]

اكل اكلي العادي الجسم محتاج
ولازم ماي الدكتور قايلي ضروري وكله غلط اكلات معينه ممنوعه والماي يخرب الرحم كله افكار مغلوطه
علا الحسو اول اسبوع بس معدتي ماتستحمل الادويه الحاره
والعصاير الطبيعيه
جاي بانواعه زعتر ودارسين حليب زنجبيل
وحبوب الفحم شي كربون اسمها توخر البطن والغازات والهوا

 

[ضحاوي الديره]

المرقوق والقبوط والمطازيز والعصيد
وكللللللله يتسوى بطحين الاسمر البر عشان مفيد للجسم ومايمتن عرفتي


والشوربه طبعا يا مع دجاج او خضار

ودجاجة الدويات امي دايم تسويها دجاجه كامله تحشيها خضار مخلوط مع ادويه حلبه وسويده وجذي يعني

ومرقة اللحم الصفرا اللي يكون معاها خضره

وكل انواع الخضره الورقيه الخضرا تسوينها سلطه

والسمج لازم بعد يا مع أدويه او مشوي

والخبز ممنوووووووع سواء لبناني او ايراني احسن شي للنفاس الخبز الرقاق اللي يتسوى بالبيت
امي تسويه بطحين البر الاسمر وتحط معاه ادويه

والصبح لاااااازم الريوق عصيده
او الخبز الرقاق اللي تكلمت عنه تغررررررقه امي سمن بس طبعا خلال اول ١٠ ايام
والبيض المسلوق مع السمن



هم بعد الخضار السوتيه اللي تكون مستويه ع البخار تحطين معاها ادويتج وتاكلينها

وفي معكرونه وعيش اللي تكون بالبر الكامل تلقونها بمحل اسمه ارض الطبيعه بجبرة السمج مالت شرق
حلوه طعمها مقبول وماتمتن كلششش

واللي تشتهي الحلا بنفاسها مو مشكله تاكل بس يكون حلا صحي ولا يمتن
في بمحل ارض الطبيعه بسكويت السمسم بالعسل الطبيعي يهبببببببببل والاحلا انه لايمتن ولا شي بس طبعا لازم الوحده تاكل منه بالمعقول مو بخبال *



حلووووو موضوعج اذا تذكرت شي برجع اهني

 

[مشتطـه]

تسلموووووووووووووووووون بنات وحده وحده

نورتوني والله

مشكوووري عالردوووود

 

[رقـة الاحسـآس]

حبيبتي الماي ما تقطعينه لو شو
بس المهم ما تشربينه بارد
مهم يوميا لترين ماي

 

[مشتطـه]

اييي لوعووو جبدي يقولون مو زين الماي

احس خرابيط وغبااااء


من صجج لازم ماي والا افطس


بس لترين وااايد اتوقع 3 قلاصات كافي باليوم

 

[Um Ritaj]

لا مو غباء الي يقول شرب الماي مو زين

الله يذكرها بالخير دكتورتنا بالجامعه مادة ( بيولوجيا الانسان) كانت تقول ان الماي يتخزن في عضلات البطن المترهله

فعشان جذي ما ينصحون بكثره الماي بالنفاس لان عضلات البطن ارتخت بعد حمل ٩ شهور فلازم تنطرين الاربعين علي ما ترجع وتشد مرة ثانيه

 

[*^ *الليليم]

.
.

توني ادري عن الماااااااااي

 

[ضحاوي الديره]

لااااااا بنات الماي مو تقطعووونه

بس لاتكثرون اشربو بداله النقوعه حلوع وتروي العطش
والماي اذا كثرتي كثرتي قلاص او قلاصين

 

[أم ملاس]

،


لاتاكلين خبز لبناني اكلي ايراني
لاتاكلين معجنات كلـش
ولازم دواء الشمم عشان لاتشمين ترى النفاس اذا شمت عطر تطلعلها كرشه وماتروح
الله يهون عليج

شلوونج اختي بدويه وايد
شنوو دوا الشمم

 

[دلال و غلا]

مووفقه ع الطرح الروووعهـ 

 

[ام اغلى الناس]

توني ادري الماي مو زين
كل الدكاتره ينصحون فيه لانج خسرتي دم واجد بالولاده

انا اكثر شي بالايام الاولى
مرقوق و قبوط
شوربة دجاج وفيها الدجاجه مسلوقه
حليب وبيض
حلبه
اعشاب

 

[some one waw]

الماي ضروري عشان الكلى ينقيها من اعشاب النفاس ويمنع الامساك بما ان الاكل كله قبوط ومرقوق وهالسوالف

والقشر والزنجبيل والحسو وااااو رووعه