شننو نظرتهم لي ؟؟؟

[life1]

السلام عليكم


كل عام و انتوا بخير



بنات انا تعبانه تعبانه و مهمومه \


انا البنات اغلبهم صاروا ضدي وما يكلموني وكل ما اسوي شي زين ينقلب ضدي


المهم مشكلتي ليش البنات يعبون علي انا اراددهم واحرجهم مرات و اعرف ارد بس المشكله انهم يستانسون لمن يهزؤوني


انا اشلون افتك منهم و اهم معاي بالجامعه


اهم علاقتهم معاي مو سيئه بس دايما يقولولي انا وااااااااايد حساسه واكثر وحده تزعلين


المهم الحين انا ابي علاقتي وياهم تضعف ما ابي علاقه معاهم اشلون


ما اعرف اقول لا تكلموني


ما ادري شقول


انا تعباااااااااااااانه


بليييز ساعدوني

 

[( المـلاك )]

حبيبتي احنا مانعرفج عدل
بس يمكن صح كلامهم انتي حساسه زياده عن اللزوم
يعني يمكن كانو يتغشمرون معاج و انتي خذيتي الموضوع جد

يعني شلون رفيجاتج يتطنزون عليج ؟
اذا مضايقج هالشي
قوليها بويههم
مافيها شي

 

[قانون كـيفي]

العني خير الوحده وشوفي كيف يتسنعون

 

[life1]

العني خير الوحده وشوفي كيف يتسنعون

اي هذا الي بسوييه


خلي اي وحده تتكلم باجر لا اعفس الدنيا بس باجر صيام اخاف يبطل الصيام :ssssso:


بس ميخالف احاول ما اغلط باجر اذا شفتهم لا اسنعهم كلهم وتنقلب الدنيا بس طبعا مو كل مره راح اسوي جذي بس مره وحده احس

بعدها راح يمشون سيده

انا اوريهم


كافيييييييييييييه طيبه و غشمه و غباء


كافييييييييييييه نيه صافيه و مجاملات و احس بالناس وما يحسون فيني

 

[زهراء الركابي]

رد : شننو نظرتهم لي ؟؟؟

البشر اكثرهم ضرر

 

[life1]

المصلحجيه و المنافقه محترمينها وانا لأ .............ليش؟!

 

[كرز حالي.]

رد : شننو نظرتهم لي ؟؟؟

اذا انتي ماتبينهم لاتقولين لهم مابيكم
بس بيني لهم هالشي
يعني لا تدقين عليهم واذا دقو عليج لاتردين الا بعد فتره طويله وبعدها قولي كنت مشغوله والحين مشغوله وسديه
بس بيني لهم

 

[life1]

اي حلو كلامج

 

[عيش و مرق]

كشتى

كله قولى مشغوله واذا شفتيهم سوى روحج وراج شي سلمى وامشي وكنه احد ناطرج ومستعيله

 

[الابتسامة حلوة]

ما ادري والله بس انصحج ما تسبين وتهاوشين ومن هالكلام لان هالشي مو بصالحج بالعكس بيني لهم انج متضايقه منهم ولا تكلمينهم بالتلفون بس اذا شفتيهم بالجامعه سلمي "السلام لله " وروحي لا تقعدين معاهم وصدقيني بالاخر هم اللي يتحسفون ويحسون بتأنيب ضمير

 

[life1]

واذا انقط كلمه علي ضايقتني شسوي ...؟

 

[life1]

مو المفروض ارد


اذا ما رديت احس نفسي محتره و منغثه يوم كامل

 

[مدرسة84]

الامام علي قال:

عجبت لقوم إن احترمتهم احتقروك

وإن احتقرتهم احترموك.

خففي تواصلج معاهم تسلمين منهم.

 

[كرز حالي.]

رد : شننو نظرتهم لي ؟؟؟

اذا قالولج كلمة مو حلوه قوووووووليلهم
ان خاطبكم الجااااااااااااهلون يعني امثالكم قولوووووو سلاامااااااا
وانا اقول باااااااااااي عندي اشغال اهم منكم عالاقل اضمن ان وقتي ماضاع على شي تاااافه

 

[النشبه88]

الحين ماكو جامعة مفتكة منهم ريحي باااالج ... ولا تفكرين فيهم شحقه مزعله روحج

 

[& شيخة الطيب &]

رد : شننو نظرتهم لي ؟؟؟

والله يا أختى الحقران يقطع المصران مثل ما يقولون وأي وحده تكلمت لا تعبيرنها وحتى اضحكي جدامهم جنج مو مهتمه بالموضوع والمكان الموجودين فيه قومي عنه وطنشي وريحي بالج والله محد تعبان إلا أنتي ومهما يكون زميلات دراسة لاهم خواتج ولا أهلج ،،،


يسلمواااا

 

[يوآش يوآش]

رد : شننو نظرتهم لي ؟؟؟

وانتي بخير وصحه وسلامه

واااي عاد النفسيات المريضه

طنشي حبيبتي ..

ومااعتقد انج حساسه على قولتهم

لان اشوف اسلوبج قوي وتقولين ارد

لو حساسه مو فاضيه ترد ..سيدا بتزعل

المهم كل ما كلموج قوليلهم مشغوله

وحسسيهم انج بتصرفينهم منها تهينينهم

ومنها تفتكين منهم : )

 

[Miss.6Mo7]

حبيبتي لا تضيقيين خلقج .. لا تقولين لهم بشكل مباشر انج ماتبينهم لكن خلي تصرفاتج توصل هدفج .. بمعنى خلي علاقتج سطحيه , لا تكلمينهم الا اذا وحده قالت لج بالاسم يافلانه شلونج ؟ .. ردي الحمدلله زينه وبس مو تقولين اي الحمدلله وانتي شلونج وشخبارج !! .. فهمتي ؟

يعني اذا خصووج بالاسم اهني ردي على قد السؤال لكن إذآ قاعدين ويسولفون , لا تشتركين بـ حديثهم ولا تناقشينهم بالعكس يا تظلين مستمعه والافضل تلهين نفسج بشي

 

[life1]

اي بنات صاجيييييييييين

 

[رفاعيه]

صفي النيه احنا برمضان !