^^ شنوووو الكتاب أللي أثر على حياتج ؟؟؟ وشلووووون يعني ؟؟؟ ^^

[جوجو.]

حبيت كتاب لاتحزن

 

[برونزية رشيقة]

انا قريتهم
بس بقولكم على شغلة اسلوب القرني بالكتاب نسخة معربة وبرؤية اسلامية لكتب وطريقة كتابة دايل كارنيجي
اقروا دايل دع القلق وابدا الحياو وبتشوفون القصص الاصلية بالكتاب واللي كاتبها ومجمعها القرني بكتاب لا تحزن
وفعلا كتاب لا تحزن حلو بس الاصلي احلى وعيبة انه ما يارخ ويقول من وين ماخذ القصص يعني ما يوثق بالهامش فهمتوني

صح كلامج أنا حسيت بهالشي .. نسخة إسلامية من كتاب ديل كارنيغي .. دع القلق وأبدأ الحياة ..

بس الكتب الثانية ما قريتها صراحة :0bee2e8d89:

 

[برونزية رشيقة]

عيونج الحلوه حبيبتي ..

من مكتبه جرير بحولي بارك ..

بعد عمري مشكوووورة على سرعة الرد :ggdw:

 

[بحرينية محرقية]

ماشالله عليكم بنات

انا احيانا اقرى مع ان اغلب وقتي فاضية وماعندي شي
بس اكثر قرائتي فالنت مو لكت
لا لاي معلومة واكثر شي اقرى شي مفيد للحياة الزوجية

اكثر كتاب اثر في حياتي لا تحزن مع اني الحمدلله متفائلة وايد
بس هالكتاب عزز التفاؤل اللي فيني وصرت اشوف الامور من جانب اخر

وماقصرت اختي ريحانة قالت بعض تجاربها مع الكتب
وشكلي باخذ كتاب الرجال من المريخ والنساء من الزهرة ...

وننتظر البقية ...

 

[برونزية رشيقة]

السلام عليكم ورحمة الله وبركاته

أول شي أحب أشكر مشرفات المنتدى على هالقسم الحلو إللي افتحوه لأن عن جد الكتاب مكانه كان ضايع بين طيات منتدانا الغالي والكل لاهي بالتشري من المول لووووووووول ..

طبعا في واااااااااااااايد كتب فادتني وأثرت على حياتي بشكل كبيييييييييييييييير ..

بس قبل لا أبلش .. حبيبتي برونزية رشيقه .. شكرا جزيلا على هالموضوع لأنه موضوع شيق جدا ومفيد لتبادل الخبرات
==================

أول كتاب وقاعده أقراه وليلحين ماخلصته ( لغة الجسد / للمؤلف إيان بيريز ) شريته من جرير بصراحه جد جد روعه .. يفسرلج حركات وسلوكيات الفرد مثل ( حركة عينه / حركة إيده / حركة جسده / إيماءاته ) وتفسيراتها بالملم .. وشلون تعرفين إذا كان الإنسان إللي جدامج صادق أم كاذب بعد من خلال خشمه لووووووووووول

وهذا إللي فسر ليش شخصية ديزني ( بينوكيو ) لما كان يجذب خشمه كان يطول .. لأن في هرمون بالغده النخاميه (أعتقد) ينزل للأنف وينفخه شوي في حالة إذا كان الإنسان يكذب

مثل شخصية ( بل كلينتون ) اكتشفوا كذبه بقضية مونيكا وإنه فعلا معاشرها من خلال إنتفاخات الأنف عنده بوقت المحاكمه

======================

وأيضا علمني هالكتاب إني لما أتكلم شلون أعرف إذا كان الشخص إللي جدامي متقبل كلامي بشكل إيجابي أم سلبي
وشلون أخليه يتقبل كلامي ( غصبا عليه مو طيب منه هاهاهاهاي ) بشكل إيجابي
وقمت أفسر إيماءات كل إنسان جدامي وخصوصا إني مدرسة .. فمحتاجه إني ألفت إنتباه طالباتي على شرحي وما أخليهم يتشتتون ومايركزون على الشرح .. الحمدلله رب العالمين وبفضل الله سبحانه وتعالى صارت الفسول إللي أدرسها بمادتي بالذات .. من أشطر الفصول وشرحي الكل ينتبه عليه بطريقة أبهرت الناظرة وباقي المدرسات في المدرسة والموجهين

هذا التأثير على حياتي .... وربي لك الحمد والشكر

=========================

ثاني كتاب .. ( الرجال من المريخ والنساء من الزهرة / للمؤلف جون غراي )

طبعا هالكتاب مو بس أثر على حياتي الزوجيه لأ إلا غيرها 180 درجة

لأنه يفسر المحاورات الذاتية بين أي زوج وزوجه وشنو أوجه الخلاف بين ( تركيبة مخ الرجل / وتركيبة مخ المرأة ) من الناحية الفسيولوجيه .. وخلينا نكون صريحات مع بعض .. واااايد تساؤلات تمر في عقل أي زوجه ماتلاقي عليها الجواب مثلا :

ليش ريلي مايقولي دايما كلمة أحبج مثل رفيجتي فلانه وأختي علانه ؟؟
ليش ريلي مايسويلي مفاجآت وأكشنات ؟؟
ليش ريلي مايدلعني ؟؟
ليش ريلي مايمدحني لما ألبس وليش مايلاحظ إني قاصه شعري وكاشخه؟؟
ليش ريلي لما أكون متضايقه ما يواسيني ؟؟

وألف ليش وليش تمر فبالج بعلاقاتج إنتي مع زوجج .. وبالنهايه ماتلاقينلها أي جواب عدل

إقري هالكتاب وراح يغير طريقة تفكيرج ويعلمج زوجج شنو تركيبته الفيزيائية والإجتماعيه .. وتركيبتج إنتي أيضا .. ومتى لازم تطلبين منه ومتى لازم تخلينه وماتكلمينه وخصوصا لما يكون صامت ولما أطلب منه ليش يطول علي بالرد ؟؟

كل هالتساؤلات تحصلينها بهالكتاب
وإذا كنتي إنسانه متزوجه .. راح ينفعج هالكتاب وااااايد
=======================

طبعا الكتب الدينية إللي تتكلم عن ثواب الأعمال وعقابها والأعمال إلي تمنع من دخول الجنان وكتب الخلاف بين الطوائف وكتب أحداث آخر الزمان وكتب الإنسان بالعوالم الست ( الذر / الأصلاب / الأرحام / الحياة الدنيا / البرزخ / القيامه ) هذي كلها خابزتها والحمدلله ياربي لك الحمد والشكر هضمتها حييييييييل .. لأني من وأنا صغيرونة أقرا

وهم تأثيرها كان على حياتي كبير من ناحيه الإلتزام الديني ولله الحمد والإبتعاد عن الجدالات العقيمه وووو إلخ

هالشطر خلصت منه

============================

نيي حق كتب تربية الأطفال وشلون تشغلين فراغ الأطفال من عمر 3-6 سنوات .. عندي منها كذا كتاب واستخدمت استراتيجياته مع بنتي وبصراحه يابتلي نتايج مرضية

كنت أشاغلها لما آخذها معاي الطبيب مثلا حق المراجعات وتمل أو بالسياره تكون زهقانه من الدرب إذا كان طويل .. أو بالبيت مثلا في أكثر من 150 لعبه خفيفه وطريفه لشغل أوقات الأطفال والكاتبه ما أذكر إسمها عندها سلسله من هالكتب مالحقت أقراهم كلهم

==========================

نيي عاد حق الجايد .. ( إحسان عبدالقدوس )

طبعا هالكاتب أكثر ميزة حلوة فيه إنه يفسر المشاعر والأحاسيس إللي ماتقدرين تعبرين عنها بالكلام وهالشي تعلمته منه وقدرت أفسر إللي ما يتفسر وأحيانا أحس بالإحراج لكن من طريقته تعلمج شلون تفسرين هالأمور بحديث حلو وعذب الكلام

والباجي في الإسبوع القادم لوووووووووووووووووووول


قرقت واااااااااااااايد يابنات سوري سوري

أختكم
ريحانة_14

كفيتي ووفيتي يا ريحانة 14 .. ما قصرتي حبيبتي ..

يلله ناطرينج الأسبوع الياي تحطين لنا باجي الكتب أللي أترت عليج في حياتج ...


تدرين يقولون في كاتب كويتي (( كوت ) ) كتاب الرجال من المريخ والنساء من الزهرة بأسلوب كويتي

وكاتبه بلهجة كويتية .. جانزين أحصله !!!!


أللي تعرف وين ينباع تقوللي ؟؟؟؟

وإللي عندها منه نسخة أيميل .. خل تدزه لي .

 

[برونزية رشيقة]

حبيت كتاب لاتحزن

حياج حبيبتي .. ما قلتي لنا الجواب عالسؤال الثاني .... وشلون أثر على حياتج ؟؟؟؟؟

 

[برونزية رشيقة]

ماشالله عليكم بنات

انا احيانا اقرى مع ان اغلب وقتي فاضية وماعندي شي
بس اكثر قرائتي فالنت مو لكت
لا لاي معلومة واكثر شي اقرى شي مفيد للحياة الزوجية

اكثر كتاب اثر في حياتي لا تحزن مع اني الحمدلله متفائلة وايد
بس هالكتاب عزز التفاؤل اللي فيني وصرت اشوف الامور من جانب اخر

وماقصرت اختي ريحانة قالت بعض تجاربها مع الكتب
وشكلي باخذ كتاب الرجال من المريخ والنساء من الزهرة ...

وننتظر البقية ...

هلا بريحة البحرين .. والمحرق

نورتي الموضوع .. وحياج الله بين خواتج كويتيات ..

كتاب لا تحزن : أثر في حياة الكثير من الناس والحمدلله :gathering:

 

[فلونة احلى وردة]

كفيتي ووفيتي يا ريحانة 14 .. ما قصرتي حبيبتي ..

يلله ناطرينج الأسبوع الياي تحطين لنا باجي الكتب أللي أترت عليج في حياتج ...


تدرين يقولون في كاتب كويتي (( كوت ) ) كتاب الرجال من المريخ والنساء من الزهرة بأسلوب كويتي

وكاتبه بلهجة كويتية .. جانزين أحصله !!!!


أللي تعرف وين ينباع تقوللي ؟؟؟؟

وإللي عندها منه نسخة أيميل .. خل تدزه لي .

عندي منه اسم الكتاب النساء من الوفرة الرجال من العبدلي او العكس
الكتاب للحيدري موجود بدينار ونص بفيرجن المارينا لحقوا قبل لا يخلص وبعدين تقولون انا جذابة وماكو وهو بالطاولات الاوليات يم الباب صغير وضعيف عجبتني طريقة الكاتب
بس الكاتب باين ان ماعندة خبرة شخصية كبيرة بالزواج لانه من مواليد 1981
ويقول من اسلوبة وتكويته لنسخة النساء من الزهرة والرجال من المريخ ان الحريم قرقر والرجال سايلنت
جذي اسلوبة وبسيط وصغير وممتع بس ما شدني ولا اثر علي يعلمج شنو الاختلافات بس مو من قناعة شخصية ولا رؤية الكاتب
تحسين يكوت الموضوع اللي يناسب الكويتيين وبس من غير اقتناع باللي يكتبة
والله اعلم ويشجع الكتاب على العامية جنج تقرين بالنت او احد يسولف عليج يعني ماكو ابداع:0bee2e8d89:

 

[فلونة احلى وردة]

نفسج بلليل ..

وراح أعلمج طريقة حلوة : حددي لج ساعة إلى ساعة ونص قراءة باليوم ..

مو شرط بلليل تقدرين العصر أو المغرب أو الصبح الجمعة إذا قعدتي مبجر ..

طبعا يوميا هالساعة أو الساعة ونص حق كتاب معين تخلصينه ..

وهبيت مرة أودي معاي الدوام ..

تطنزوووووووووا علي بنات قسمي لين قالوا بسسسسسس :dddds:

ومراقبي حط علي حططططططططة عباله ما أشتغل :krkrkr:

انا دايم معاي كتب بدرجي بالدوام بس رفيجاتي اللي اطيح عليهم دايما قرقة وما يخلوني اقرى ويتطنزون واي صج مو مثقفات
هههههههههههههان شاء الله بجرب مع اني مشغولة واذا فاضية شبكت

 

[ريحانة_14]

برونزية هالكتاب إللي قلتي عنه بمعرض الكتاب كنت واقفه بمكتبة عبدالوهاب السيد إللي يألفون أهو مع سند دخيل أعتقد وقاعده أطب وأطب وأطب بهالكتاب الرجال من الوفرة والنساء من العبدلي ..

قاعده أقول .. قطيعه الكويتين مايعرفون يألفون بروحهم لازم يقلدون الأجانب لاااا ويطيحون بعد حظ الكتاب لأنه كتاب مقلد .. وأشوف بنت عمي تنغزني وواحد جدامي قاعد يضحك وقام يناجرني .. ليش الكتاب موعاجبج ؟؟ وإنتي قريتيه بالأول ؟؟ قتله لا والله لأن الكتاب يبين من عنوانه إذا العنوان مقلد شتبي بعد المتن يكون ؟؟ وبنت عمي مسكينة تنغزني تنغزني

وقام يناااااااااااجر ويقول إنتوا لازم يعني تقرون حق أبو العلاء المعري والمتنبي والأصمعي والا ماينفع ؟؟؟

آخر شي طلع أهو المؤلف لووووووووووووووووووووووووووووووووووووووول

 

[فلونة احلى وردة]

يستاهل محد قالة
توني شريت كتاب الراحلة من مركز سلطان حولي
ان شاء الله يعجبني وياثر علي
اذا خلصتة بقولكم نبذة عنة وبشنو فادني اهو عن قصة حب وصورة هالحب ببال الشخص اللي تحليه غصب
يعني ليش الحب اعمى بس مو متاكدة

 

[د-سوسه]

غريبه عاد اتصدقون بنات كنت تونمي قاعده اتكلم مع زميلي واقول مع ان الكل يقول ان كتاب لاتحزن اثر فيني لكني مااندمج فيه لمااقراه الحين عرت ليش ..........ومن الكتب الي اثرت فيني صج كتاب الحب بذكاء لد.فيل صج الكتاب ترجمته حلوه واسلوبه مشوق واول كتاب اقراه ويحسسني بعيوبي واحس اني صج بابدي بدايه يديده ودايما اتذكر تعليماته بحياتي العامه مع التحفظ طبعا علي طريقه التعارف الي كاتبها او مبدا التعارف بس اجمالا الكتاب قيم وفي معلومات حلوه ..
احب روايات دانييل ستيل لاني احس انها ناضجه ودايما تركز علي مبدا ان الانسان ممكن يعيش حياته ويحب في اي عمر واي ظرف يعني ماراحت علينا
الرجال من المريخ كتاب حلوبس عيبه ترجمته حرفيه لكنه هم حلو وقيم وباقي اصداراته الاجنبيه هم حلوه قريتهم ..كيف تخطط لحياتك لصلاح الراشد حلو بعد ..واذا ذكر علي شي بعد بضيف لكم انشالله

 

[حصة]

انا اللي صج حبيته واثر فيني :

how to control your brain

 

[برونزية رشيقة]

برونزية هالكتاب إللي قلتي عنه بمعرض الكتاب كنت واقفه بمكتبة عبدالوهاب السيد إللي يألفون أهو مع سند دخيل أعتقد وقاعده أطب وأطب وأطب بهالكتاب الرجال من الوفرة والنساء من العبدلي ..

قاعده أقول .. قطيعه الكويتين مايعرفون يألفون بروحهم لازم يقلدون الأجانب لاااا ويطيحون بعد حظ الكتاب لأنه كتاب مقلد .. وأشوف بنت عمي تنغزني وواحد جدامي قاعد يضحك وقام يناجرني .. ليش الكتاب موعاجبج ؟؟ وإنتي قريتيه بالأول ؟؟ قتله لا والله لأن الكتاب يبين من عنوانه إذا العنوان مقلد شتبي بعد المتن يكون ؟؟ وبنت عمي مسكينة تنغزني تنغزني

وقام يناااااااااااجر ويقول إنتوا لازم يعني تقرون حق أبو العلاء المعري والمتنبي والأصمعي والا ماينفع ؟؟؟

آخر شي طلع أهو المؤلف لووووووووووووووووووووووووووووووووووووووول

هههههههههههههههههههههههههههههههههههههههههههههههههه

وااااي صج موقف .. عاد أنتي شوفي بنت عمج شنو تبي ؟؟؟؟ وتنغز وتنغز وأنتي ولا في البال .....

بس زين تسوين فيه .. أمكوت الكتاب الأمريكي .. لا إبداع ولاشي .. على قولت الصايبة :dddds:

 

[برونزية رشيقة]

يستاهل محد قالة
توني شريت كتاب الراحلة من مركز سلطان حولي
ان شاء الله يعجبني وياثر علي
اذا خلصتة بقولكم نبذة عنة وبشنو فادني اهو عن قصة حب وصورة هالحب ببال الشخص اللي تحليه غصب
يعني ليش الحب اعمى بس مو متاكدة

يلله خلصيه ... ناطرينج ..

طبعا أنتي مع ظروف الدوام .. وإعيالج .. نعطيج شهر على ما تخلصينه :eh_s(6):

 

[برونزية رشيقة]

غريبه عاد اتصدقون بنات كنت تونمي قاعده اتكلم مع زميلي واقول مع ان الكل يقول ان كتاب لاتحزن اثر فيني لكني مااندمج فيه لمااقراه الحين عرت ليش ..........ومن الكتب الي اثرت فيني صج كتاب الحب بذكاء لد.فيل صج الكتاب ترجمته حلوه واسلوبه مشوق واول كتاب اقراه ويحسسني بعيوبي واحس اني صج بابدي بدايه يديده ودايما اتذكر تعليماته بحياتي العامه مع التحفظ طبعا علي طريقه التعارف الي كاتبها او مبدا التعارف بس اجمالا الكتاب قيم وفي معلومات حلوه ..
احب روايات دانييل ستيل لاني احس انها ناضجه ودايما تركز علي مبدا ان الانسان ممكن يعيش حياته ويحب في اي عمر واي ظرف يعني ماراحت علينا
الرجال من المريخ كتاب حلوبس عيبه ترجمته حرفيه لكنه هم حلو وقيم وباقي اصداراته الاجنبيه هم حلوه قريتهم ..كيف تخطط لحياتك لصلاح الراشد حلو بعد ..واذا ذكر علي شي بعد بضيف لكم انشالله

أهم شي جملتج ( يعني ماراحت علينا ) ههههههههههههههههههههههههههه

كتبج حبيبتي وااااااااااااااايد رومانسية .. وكلها عن الحب :68_asmilies-com:

إنشاءالله الله يعطيج على قد نيتج :tomato2:

 

[برونزية رشيقة]

انا اللي صج حبيته واثر فيني :

how to control your brain

حصة خذيتي نص درجة على السؤال هههههههههههههههههههههههههههههههه :dddds:

لانج جاوبتي نصه بس ..

والنص الثاني يقول : وشلون أثر الكتاب على حياتج ؟؟؟؟؟؟؟؟؟؟؟؟؟؟

يلله قولي لنا تجربتج .. علشان خواتج يستفيدون .. :gathering:

 

[^ حـلـــــوى و رهـــــش ^]

اللي أثـر فيني ..

هـو ..

Men are from Mars, Women are from Venus

لـ جون غراي ..

بصراحـه .. كان روووعه ..

بصراحـه يخليج صج تفهميـن .. سيكلوجيـه الرجـل .. وسيكلوجيـه المرأه ..
ويخليج .. لما تشوفيـن انفعال معيـن من الجنسيـن .. تعرفيـن ليش .. وشحقـه .. يطلع ..

 

[برونزية رشيقة]

اللي أثـر فيني ..

هـو ..

Men are from mars, women are from venus

لـ جون غراي ..

بصراحـه .. كان روووعه ..

بصراحـه يخليج صج تفهميـن .. سيكلوجيـه الرجـل .. وسيكلوجيـه المرأه ..
ويخليج .. لما تشوفيـن انفعال معيـن من الجنسيـن .. تعرفيـن ليش .. وشحقـه .. يطلع ..

نورتي الموضوع يا يمي يمي يمي (((( حلوى ورهش )))) خوش نك والله _03BA:

 

[جاكليت]

موضوع حلو

يعطيكم العافية