شنوو الحل في هالمصيبة ؟؟؟

[عشق الدلال]

مرحبا يا بنات .. بختصر موضوعي ولو انه موضوع طويل وكبير بتفاصيله .. شنو رأيكم بزوج ما يبي اولاد من زوجته وشنو هو الحل ؟؟ وليش تعامله مو شي مع اني طيبه ومحترمه وحبوبه ومومقصره ببيتي ؟؟ انا عمري قاعد يمشي وماعندي غير طفل واحد وياني بالصدفه مع اني دورتي كانت بتنزل بس ربي رزقني اياه والله يخليه ؟؟؟ انا ماني صغيره ابي حل يا بنات طبعا لا تقولون كلميه . كلمته وفهمته وحسسته وهو يدري ؟؟ وكل شوي يقول مالج غير هالولد ؟؟لاحول ولاقوة الا بالله العلي العظيم ؟؟ ودي اتطلق احسن لي على الاقل احس باستقرار تام مع زوج غيره . حرام الياهل وحيد وبروحه . وانا ناسيه نفسي حتى كشخه ما قمت لي خلق من التفكير والهم .. ابي مشورتكم وجزاكم الله خير

 

[ابي اصير ممثلة]

شوفي دام عندج ولد الحمد لله المهم سلامتج وسلامت ريلج يمكن ريلج خايف عليج ومع الايام هو بيقولج نبي العيال وبعدين العيال من الله وهو مو بيده وبيدج انتي ما عليج

 

[عبالي حبيبي]

ادعي الله واغلطي مره ثانيه واحملي

جنه غصب عليج

والله يرزقج بالذريه الصالحه

 

[عطرالكلام]

الله يسخره لج
عليج بالاستغفار
وخليه يقول لج ليش ما يبي غير هالولد ؟

 

[Tulips]

ريلج اناني ومو من حقه انه يحرمج من اليهال

ليش مايفكر انهم راح يكونون عزوه لج وله لما تكبرون

انا لو كنت مكانج راح اقعد معاه قعدة جاده واقوله يافلان انت ماعندك اسباب منطقيه علشان تحرمني اييب ياهل ثاني

اذا انت معزم على رايك هذا ومابذنك ماي الله يوفقك مع وحده غيري .. انا هذا اللي راح اسويه لو كنت مكانج

واهو عنده فرص ومهما كبر الريال يقدر اييب يهال .. بس المرا لما يطوف عمرها جدامها وتروح عليها كل الفرص بتتندم كثر شعر راسها .. !

 

[روح مغليهاM]

ريلج اناني ومو من حقه انه يحرمج من اليهال

ليش مايفكر انهم راح يكونون عزوه لج وله لما تكبرون

انا لو كنت مكانج راح اقعد معاه قعدة جاده واقوله يافلان انت ماعندك اسباب منطقيه علشان تحرمني اييب ياهل ثاني

اذا انت معزم على رايك هذا ومابذنك ماي الله يوفقك مع وحده غيري .. انا هذا اللي راح اسويه لو كنت مكانج

واهو عنده فرص ومهما كبر الريال يقدر اييب يهال .. بس المرا لما يطوف عمرها جدامها وتروح عليها كل الفرص بتتندم كثر شعر راسها .. !

انامعها
واحملي قولي بالغلط
الله يعينك حبيبتي

 

[عيني عليه]

لييش هو الحمل بكييفه ؟؟

هااذي رزقه من رب العالميين ...

انتي اهم شي لاتمنعيييين وبتحملييين انشالله ... وقووولي له ع قوله البنااات بالغلط ...

 

[cutee__q8]

شكثر حريم يابو يهال غصبن عن رياييلهم وقالولهم بالغلط وريايلهم مو راضين
واعرفهم معرفه شخصيه
وعايشين احلى عيشه

 

[مزيوونه حيل]

انانيه بصراحه
مستعده تطلقين وتتزوجين غيره وتخلين ولدج حاير بينكم؟ منو الاولى نفسج ولا ولدج وبيتج؟

يمكن عنده مشكله بالفلوس وما عنده يصرف يمكن حاس بالمسؤوليه .. ليش تهدمين بيتج عشان بس تحرقين قلبه وتجيبين عيال

استخيري وانشالله ربي بيرزقج راحة البال والذريه الصالحه

 

[Queenleo]

انتي استخيري اذا تطلقين او لا
ووحده اعرفها ماكنت تبي عيال
كانت مكتفيه بالي عندها
ووتمت تاخذ حبوووب
وفوق هذا حملت وحدها انصدمت شلووون وانا اخذ حبوووب
بس سبحان الله اذا يبي شي كن فيكوون
لوو مو ريلج بس يوقف بويهج لا لو الدنيا كلها راح تحملين يعني تحملين دام الله كاتب
نصيحتي استخيري مرتين مره عن الحمال ومره عن الطلاق

 

[Vdieta]

اب اب

 

[غلاي رورو]

شكل زوجك مو راعي مسئووليه

انا بصراحه اكررهه الرجال الي يمنع الاطفال لااسباب مجهوله

وبالنهايه احمدي ربك عندك بيبي وماحرمك بالمره

الله يكون بعونك ويخفف عنك همك

استغفر الله العظبم واتوب اليه

 

[كربون امها]

تبين عيال وولدج لوتطلقتي شيصير بحاله وين الامومه اللي قاعدة تدورين عليها
انا اقول حملي وقوليله هذي غلطه مثل البيبي الاول بس قبله لاتفتحيله سيره الحمال وحملي والله يعطيج اللي بالج

 

[دمثة]

الله يرزقج ويغير رايه ويرزقج يارب

 

[لميس نفسي]

حبيبتي لبسي وكشخي واستانسي


واحملي غصب عنه وان قال قولي بالغلط بعدين هذا رزق من الله

العيال ذخر والا الزوج ماينفع

 

[ام كوثر2007]

مثل ما قالولج البنات ... خدعيه بسالفه الحمل .. لا تخلينه يعرف موعد دورتج عشان ايام التبويض

هذا حق من حقوقج شرعه لج رب العالمين ما يصير بشر يحرمه


اصلا احنا الحريم لمن انتزوج شنو نبي بالزواج غير اننا انييب عيال ونربيهم ونشوفهم جدامنا يكبرون .


والاخت اللى تقولج خايف انه ما يكون عنده فلوس ومسؤوليه بالله ابهات هالوقت شيسوون حق عيالهم ؟

الحمدلله ديرتنا ديره خير . ينزل اليهال من بطن امه خمسينه يصرفونها

والحمدلله علي كل حال عيل لو احنا بديره ثانيه يحددون فيها النسل جان شبنسوي ؟


اليهال عزوه مو لج ولا له .. اليهال عزوه حق بعض اخوان يشيلون بعض بكبرتهم لا اندفنا تحت التراب وضامتهم الدنيا


طقيها حمله ولا يهمج بشي .. وبشوف اشلون يسقطج بالله ..

صج انغثيت من هالموضووع .

 

[نونه المنكوشه]

ااااااااااااب

 

[sosowaty]

قولي الحمدلله ان عندج عالاقل ياااهل احسن من لا. شي

 

[خالف تعرف]

الاسباب اما انه شايف انج مو مهتمه بالياهل وخايف يصير بالثاني جذي
او ان مو مستقر بحياته عشان جذي بينيله العكس
او ان ماعنده يصرف عليهم

 

[اميره1980]

لا تاجلين الموضوع ترا العمر يركض
قعدي وياه و شوفي وجهه نظره بالموضوع ليش جذي ؟ و ان مو من حقه يمنعج من العيال لان هذا رزق و يبي يقطع رزقج