شنو أحسن مصبغه تعاملتي معاها؟

[pe-engineer]

سلام بنوتات

الموضوع مبين من العنوان.....شنو أحسن مصبغه تعاملتي معاها؟

وخصوصا لمشاكل الدهن اذا طاح على بدلة سهرة؟؟ مو أي واحد اتعاملين معاه

ومشكوووورين

 

[wonderwoman]

انا دايما اتعامل مع مصبغة العالم الكبرى حتى نفانيف السهرة الغالين اوديهم و انا امغمضة مكانهم بالديرة خلف فندق الشيراتون تعدي مجمع الوطية ومطعم قيصر اهو يم قيصر بجم محل وبتكون المصبغة بالزاوية ما كو مصافط فصفطي بالبراحة اللي مقابل قيصر و خطري الشارع !!!

 

[pe-engineer]

مشكووورة بعد عمري...ما قصرتي...

 

[ro3ah]

العالم العربي اول كانت زينه وودي لها بدلات السهره حاليا احسها اختربت

 

[ثلاثينية]

ان ااتعامل مع مصبغه انوار الجابريه وارتاح لهم لانه بصراحه شدني صاحب المصبغه الكويتي بنظافته الشديده واهتمامه الزايد بالزباين وشكاويهم وهذا طبعا بالجابريه

 

[pe-engineer]

يعطيكم العافية يا بنوتات

 

[سمرة كويتية]

انا دوم اتعامل مع مصبغة الميريديان بسلوى مقابل الرميثية ... نظافلة وسرعة .. ويا حلاة الشايب راعي المصبغة دوم يعاملني شخصيا

بنفسية حلوة ...

 

[om.5doja]

بنات بليز منو تتعامل مع مصبغه بشتراك شهري ؟