شنو أحسن هدية تفرح بنية عمرها 5 سنوات ؟؟؟؟

[لموية العسولة]

السلام عليكم

؟؟؟؟اللي عندها بنوتات تساعدني

بنات ولا عليكم أمر بغيت أسألكم شنو أحسن هدية تفرح البنية ؟؟؟؟؟

ههههه>>قمت أشعر

ابي هدية حلوة وتونس البنت اللي عمرها خمس سنوات ...حدي ميييح بهالسوالف وياليت تفيدوني اذا تكرمتو

وجزاكم الله خير الجزاء

 

[هوى الدار]

في شغلات بمحلات العاب الاطفال اكسسوارات بنوتات بس اهيا تركبهم على ذوقها وتلبسهم يمكن تعجبها .

 

[سليلة المجد]

اذا عرفتي علميني ..


البنات بهلعمر يموتون على المكياج .. وسوالف فله ..

 

[قطوف]

خذيلها العاب مثل ..مطبخ ..مكياج
...شغلات فيها الوان وطين
كسسوارت من كليرز او مونسون

هذا اللي بنتي تحبه

وان شاء الله فدتج

 

[ღ•»الًـجٌـوِرٌيّ«•ღ]

العاب والكمبيوتر الي يتعلمون منه وايد تلقينه بمحل الالعاب متوفر

حلو ومفييد

 

[ام حافظ]

محد قال عروووووووسه الظاهر راحت موظتها ...

 

[ورد الاوركيد]

مكياج
مجموعه اكسسوارات ( سلاسل واساور وباندات اللي عليهم ترتر ...
طقم لبس احد الشخصيات مثل سنووايت انا شفته من فتره مع بروكتها في بارتي لاند بالمارينا
مطبخ
اتمني اني فدتج

 

[مـسـك العجمي]

نو الشخصيه اللي تحبها
لولو كاتي
فله
سترابوري
براتس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اللي تحبها فيهم اخذي لها كفر وفوطه وروب والله تطير من الفرحه

 

[ابداعات2007]

اقترح تروحين مكتبة جرير قسم العاب و اشغال الاطفال الفنية ... مثل صناعة الاكسسوارات و الاساور ... انتي اخذي فره عليها و شوفي شنو مناسب لعمرها
اغراض فلة حلوه و يحبونها ... و كلها موجودة بعد بجرير ...

 

[أنسام الربيع]

اكسسوارات فلة
او طقم الصلات حق فله بعد
او في العاب انهم يسوون عقود وخواتم بالخرز
في اشياء وايد حق البنات اللي بهذا العمر
طبي وتخيري
احسن من الاولاد اللي صعب تلقين لهم هدية

 

[رفرف]

يحبون المكياج ممكن تاخذين لها ميزتواليت صغير يبيعونه مع المكياج وعطور الشايع مالوت اليهال او ديزني اللي بفافافوم ..

ممكن لبس تنكري على أميرات ديزني ..

اكسسوارات جناط وقلوب وأساور وشبابيص ..

عرايس باربي أو فله او براتز ...

 

[ضوى العيون]

اشتري لها على الاميرات راح تستانس وايد

 

[xxx]

<<<<<< خبره :eh_s(3):

بعمر بنتي الله يحفظها

تحب اكسسوارات كليرز

(عندهم أطقم حلوة وعلب فيها مكياج واكسسوارات حلوة)

وتموت على شخصية ستروبري

شوفي هالميدالية

أو لعبة

 

[مس فيراري]

مرحبا في شغلات حلوه عند سيتي سنتر ماركه كينوود ديزني مثل توستر يطبع صوره ميكي عالتوست او ماكينه الوافل على وجه ميكي و شغلات ثانيه حلووووة وايد