شنو أحسن هدية تقدمينها لخوج

[فنانة ذوق]

مرحبا كويتيات

عندي استفسار وطبعا واضح من العنوان
أبي اسألكم انا اخوي الغالي رقوه وصار منصب ودي اهدية هديه تناسب ترقيته لان منصبه قوي بالدوله وأبي هدية تناسب ترقيته مو مهم سعرها المهم أنها حلوه ومناسبه وبذات اني ولا مره اهديته فأبي أول هديه مني ماينساها ​

 

[اروى77]

الله يوفقه ومنها للاعلى ان شاءالله
اهديه ساعه
,,,,,,,,,,,
اللهم اغفرلي ولوالدي ولجميع المؤمنات والمؤمنين

 

[M!Ss Smart]

رد : شنو أحسن هدية تقدمينها لخوج

عندج مثلا طقم حق مكتبه ولا اي بود ولا تحجزين له سباا يدلع نفسه ولا تشترين له قطعه اثاث ابجوره ولا طقم تحف ولا تاخذين صورته وتسوينها بمكان يعني تكون مميزه ولا ساعه كشخه ولا قلم ولا جوتي عزكم الله ولا تروحين تخمطين جم قميص على جم تيشيرت وتغلفينهم بطريقه حلوة وتعطينه ولا دهن عود وبخور بما انه داشين بالشتااء ولا تريحين نفسج وتعطينه فلوووس
لوووووول عطيتج اقتراحات وايد ان شاءالله يعجبونج

 

[فنانة ذوق]

اروى 77
أجمعين إنشاالله أختي بتهدية ساعة ودي شي ثاني أحس أني محتاره مدري شجيب له
تسلمين يالغالية على مرورج

 

[مناوووي]

الله يووووووووووووووفقه ياااااااااااااااااااااااارب

 

[فنانة ذوق]

مسس سمارت تسلمين ياقلبي على المرور عجبتني طقم المكتب مع دهن عود المشكله كل وحدة فينا حجزت شنو تهديله اختي ساعة وبنته جلسه بالسبا واختي الثانيه قلم بس محد ذكر طقم المكتب شكلي بجيبه له

 

[فنانة ذوق]

منااوي تسلمين على هالدعوه يالغاليه ولج بالمثل

 

[قمر الكويتية]

رد : شنو أحسن هدية تقدمينها لخوج

الله يوفقه ويعينه

إن شاء الله الأخوات يفيدونك

رفع لعيونك

سبحان الله وبحمده ، سبحان الله العظيم

 

[فنانة ذوق]

قمر كويتية ... تسلمين ياعمري على المرور

 

[زهر الرمان]

مممممممم في اطقم اتصير معاها بزمات حلوين
وهم في تلبفونات هلى ما ظن المحل بالصالحية عنده تلفونات غاليه وراقية
مممممم شنو بعد فرو ثعلب يحطه بمكتبة حده شي يونيك
وعسى الله يوفقه ويخليه لكم انشاءالله ومنها للاعلى انشاءالله

 

[**ليمونه**]

رد : شنو أحسن هدية تقدمينها لخوج

مثل ما ذكرتوا طقم لمكتبه .................ومصحف ........وساعة حايط كشخة ..............

 

[iLLuMinaTion]

موفقه

 

[القرآن ربيع قلبي]

شوفي حبيبتي احسن شي وافضل شي بالنسبه له مادام منصب ماشاء الله
مايبي تي شيرت ولا بزمه
يبي بخور درجه اولى وريحته عجيبه ودهن عود اصلي لي يستخدمه كل يوم
صدقيني من تجربه هذا اكثر شي يحبونه وراح يستخدمونه يوميا

 

[افكاري]

اختي اذا شريتي الهدية وديها بوكية الهدايا اللي بالرقعي يغلفون لج هديتج ويخلونها تبيض الوجه