شنو أسوي مرسم لخبرة غذائي ؟

[عالي مستواها]

السلام عليكم ورحمة الله وبركاته ..


الموضوع باين من عنوانه ودي أسوي مرسم حق هالخبرة بس مدري شسوي


عاد الاسبوع هذا يبدا التقييم حق التربية العملي أبي مشروع حلو .. مشكلتي ما أعرف أبدع وأبتكر مخي بس يفكر ماني من النوع المبدع :wqedqw:

يالله عطوني أفكاركم بنات وياليت مع المنبه ترا حدي هبله باللاصفي ما أعرف كوعي من بوعي .. والمدرسة اللي معاي بالفصل مالها خلق نفسها من حظي الكورس كله تعبانه غيابها أكثر من حضورها

فمالي أحد غيركم :eh_s(2):

 

[ريناداا]

السلام عليكم



ممكن تسوين مجسم للهرم الغذائي


ممكن تسوين لوحه تصنف الأكل الجيد عن الأكل السيء


ممكن تسوين مقارنة بين طفل سمين و طفل رفيع

ممكن تقدمين افكار عن انواع الرياضات الي تحرق وايد سعرات حرارية مثل المشي السريع و صعود الدرج

 

[^ليلاس^]

مجسم بقرة اذا تقدرين تضبطينه ونفس ما قالت رينادا الهرم الغذائي


ومنبه اللاصفي بسيط وما يطول شراره على قولتهم

يعني تقصين ورقه على شكل سمج او اي نوع من الغذاء شنو هذا يا اطفال وتبدين باللاصفي

 

[QUMAR]

أنا خبري المرسم ما فيه منبه
انتبهي حبيبتي
لأني مقدمته السبت اللي طاف وحاضرت لي الموجهه بدون منبه
بخصوص المشروع سوي لج سله من الفواكه ( :
شلون
ييبي ورق كريشه بألوان الفاكهه وقطن أبيض ومقص وصمغ
قصي ورق الكريشه بأشكال الفاكهه يعني تفاحه مثلا وحشيها من داخل بالقطن يعني تصير محشيتها مثل المخده بس بأشكال الفواكه وايد حلوه أنا مسويتها جنها 3d

 

[عالي مستواها]

لا قمر لازم منبه


كل شي له منبه .. لو تبين تكحين بالروضة لازم تبدين بمنبه قبل

خلاص بسوي مجسم مزرعة فيه حيوانات ونباتات <<< شراح يكون فيه يعني

 

[a.n.y]

كل شي له منبه .. لو تبين تكحين بالروضة لازم تبدين بمنبه قبل

صاااااااااااااااااااااااااااااجة والله :dddds:

ممكن تسوين سلة فواكة
الفواكة عبارة عن بالونات صغيرة تلفينها بكريشة:bye22:

 

[ملاك-77]

المرسم لازم له منبه

بس يكون عبارة عن قصه خياليه تحتوي

على الالوان والاشكال والاحجام

ولازم تنوعين بسرد قصتج القصيرة

بالصوت ترفعينه وتخفضينه حسب اللون

يعني اذا بتقولين اللون الاحمر ترفعين صوتج

والاصفر بنبرة ثانيه واذا اللون الازرق تخفضين صوتج شوي لانه لون بارد

وهاديء ... وهكذا على قولة مشرفتنا

قصتج تكون قصيرو مبسيطه وبعدها تشرحين لكل مجموعه شنو تسوي

وشنو الادوات الموجوده امامهم وبعدين يبتدون وانتي تقعدين مع مجموعه

وتسوين مشروعج.. مثلا سوي سلة فاكهه او من صحون المطعم

رسمي اشكال فواكه والاطفال يقصونها ويلونونها بألوان الاصابع

وبسرعه تنشف وثبتوها على ورق الوسيلة وحطي ورى كل وحه قطعه اسفنج صغيرة عشان تصير بارزة

وممكن تسوين من الفلين بعض ادوات النظافة ومن المستهلكات اطفالج يزينونها

وممكن تسوين كاكاو وحلاو ومصاص من الكريشه وتحشينه بجرايد معفسه

وورق سلفان وداخله اكياس معفسه وتربطين الطرفين بشرايط وتلزقين يمهم صورة اسنان مسوسه مثلا.