شنو أفضل أكل للشخص المكسور

[أسمى حب]

السلام عليكم


بنات من تعرف علاج الكسور ما بعد الجبس

يعني ابي غذاء واعشاب طبية عندي حالة خاصة

كل اللي اعرفة أن الحلبة والرشاد والعسل زين

بس ما أدري شنو ينفع وشنو يضر من الاكل والاعشاب الثانية

بأنتظاركم

 

[روزالكويت]

مشاركة: شنو أفضل أكل للشخص المكسور

انا سألت امى عندى وهى راح تجاوبج لان امى شكثر انكسرت من قبل الله يشافيها يارب.
اللحم والبيض وشرب الحلبه والسلطات هذيلا مفيدين بحالة الكسر والممنوعات التمره والدجاج والروب
الرشاد امى تقولج مو دواء للكسر وماله شغل كلش ملش واذا الكسر بالايد لازم ترفع مخده صغيره تحتها عشان ماتتيبس الايد وترتخى تحت وتحاول ترفعها على راسها شوى شوى ولا تسوى تدليك سنه كامله بس تمارين الرفعه على الراس واذا اصابعها تحاول تحركهم بس خفيف يوميا واذا الكتف لاتحط دهن عليه عشان ماينزلها وتصير مونفس الكتف الثانى يصير حدب
يشرب ميراميه وزعتر وكمون لان المكسور مايحب العطورات وشربوه مره وحليب طازج مولبن اللبن موزين ويشرب عصيرات الفواكه كلها الا الشمام واللمون وياكل اوراق خضراء خس رويد جرجير على راحته والله يشافي مريضكم وادعى لامى يشافيها ربي من مرضها العضال.

 

[أسمى حب]

مشاركة: شنو أفضل أكل للشخص المكسور

مشكورة روز

الله يشافي لج الوالدة أن على كل شئ قدير

أختي الصغيرة عمرها ( 8 ) سنين منكسرة ايدها اليمين من الذراع من فوق وتوها حاطة الجبس ومثبتين يدها على صدرها بس مو عارفه شنو اعطيها بس الوالدة قالتلي أن الحلبة والعسل والرشاد وغذاء الملكات وحبوب اللقاح زينين للكسور و الجبن مو زين .

 

[anime]

مشاركة: شنو أفضل أكل للشخص المكسور

ابعدوها عن كل شي فيه سكر لانه مايخلي العظام تجبر بسرعه
وهذا كلام العتيبي الي يعالج الناس من الكسور حتى زوجي لما
سوى حادث سياره انكسر فقرتين من الظهر وايده والترقوه
عنده كانت خالتي ماتعطيه اي شي فيه شكر حتى التمر مايكله
والله يشفيها ويعافيهاااا

 

[xxx]

مشاركة: شنو أفضل أكل للشخص المكسور

ماتشوف شر اختج

الله يقومها بالسلامة

 

[وديــان 14]

مشاركة: شنو أفضل أكل للشخص المكسور

مثلماقالوا الخوات

الحلبه معرووفه تجبر الكســـــــر بسرعه


والابتعاد عن التمـــــــــر

 

[ريح المسك]

مشاركة: شنو أفضل أكل للشخص المكسور

العدس والماش وايد زين للكسور.. ممكن ينعمل منه شوربه.. والف لا بأس عليك

 

[أسمى حب]

مشاركة: شنو أفضل أكل للشخص المكسور

مشكورات أخواتي العزيزات


anime
الله يخليلج زوجج ويشفية ويهدية لج أن شاء الله .


^^بنت الكويت^^
الشر ما يجيج يالغالية


وديــان 14
يعطيج العافية


ريح المسك
أول مرة أدري ان العدس والماش زينين للكسر بسويلها شوربة

 

[أسمى حب]

مشاركة: شنو أفضل أكل للشخص المكسور




وين باجي البنات

شاركوني لو دعوة حلوة

 

[قطوف]

مشاركة: شنو أفضل أكل للشخص المكسور

عليج بالحلبة والمرة

عن تجربة

 

[hada]

مشاركة: شنو أفضل أكل للشخص المكسور

مايشوف شر بس يكثر من منتجات الحليب مع فتامين سي وعلى فكرة المكان اللي انكسر وجبر مرة ثانية يصير اسمك واقوا من باجي العظم اللي مانكسر ! سبحان الله
بس شلون المرة تنوكل ؟

 

[أسمى حب]

مشاركة: شنو أفضل أكل للشخص المكسور

قطوف

تسلمين يا قلبي فعلا الوالدة شغالة معاها بالحلبة والمرة علشان الشمم .

haydi

مرورج يسعدني حبيبتي مشتقات الحليب ضرورية جدا لبناء العظام .