شنو أفكاركم لعيـد الأم..

[جكورة]

مساء الخير

شلونكم بنات...بغيــت أسأل شنو ناوين تعطون أمهاتكم هدايا لعيد الأم...؟؟ وإلا مافكرت ونوت شنو مفكرة تقدمين لها ؟ بصراحه حيل حيل محتارة مادري شنو بعطيهم ( أمي ومرت أبوي ) ؟؟ ياليت كل وحده تدش تفيد وتستفيد وتعطينا إقتراحات :eh_s(9):

 

[تفاحة حمرة]

بصراحه مافكرت بالضبط ششتري لامي بس اكييييييد بنبش من وراها واشوف خاطرها بشنو واجيب لها مو شرط بعيد الام باي وقت
والله يخلي امهاتكم لكم

 

[جكورة]

تفاحه حمرة مشكورة حبيبتي على الرد .. وهم إحنا نجيب هدايا لإمهاتنا طوول السنه بس بهالمناسبـه نهتم أكثر..:eh_s(9): :eh_s(9):

 

[الغاليه نونو]

انا حجزت لها تاريخ 20 بالشهر حق العمره وماقلت لها بقول لها قبلها بيومين وشريت لها طيب وبخور وشريت لها بعدخاتم فيه فص شذر عليها بالعافيه ماوفيها حقها لواعطيها عيوووووني والله عسا ربي يطول بعمر اميمتي وامهاتكم جميييييييييييييييع يارب

 

[New Mum]

ياحلوكم والله الله يخليلكم امهاتكم

 

[had one]

انا محتاره بعد وودي لهدي امي و يدتي و خالتي بس عاد شنو الهدية ماني عارفة ؟؟؟

 

[Suwi]

allh hadyat el 3omra koosh fekra tara!
ana b3d madre shenw ashtree laha! 3a6ona afkar ydeda!

 

[.]

انا ودي اشتري لها ذهب لانها تحبه..

 

[$الـــحـــلاوه$]

ماشاء الله ياحلو هديتج يالغاليه نونو

احلى هديه انها تروح العمره
والله يخليلنا امهااتنا

انا ليلحين ما ادري
بس بشوف اهي شنو خاطرها فيه ولو اعطيها عيوني تستاهلها فديتها

 

[حبـــاري]

أنا حجزت شريت حق امي خاتم من سلفراما بالمطار و اختي احجزت حق امي في معهد spa time في مجمع المهلب عنايه بالبشره و عندهم برامج وايد حلوه .
يا امي يا غلى الدنيا و اجمل عاطفه بالكون

 

[ضحكة الدنيا]

انا سألتها شنو خاطرها فيه
قالت تبى جنط ماركه وان شاء الله راح اشتريها لها
الله يخليها لى ويحفظها
وهذه شى قليل فى حقها

 

[جكورة]

مشكورين على المـرور..:eh_s(17):

وماشاء الله عليكم عندكم خووش أفكار والأحلى تذكرة العمرة تهبل بس وين الميزانيـه وننتظر المزيـــد...

 

[Pink GirL]

الغالية نونو مشاء الله خوش هدية ,, الله يهنيهاااا تستاهل

انا والله ليلحين حدي محتارة شاخذ لأن الافكار كلها استفذتها السنوات اللي طافت بس قلت بسألها هاليومين اذا خاطرها بشي

الله يخليلي امي ويخلي امهاتكم لو شنسوي مانردلهم شي من اللي سووه لنا

 

[tofa7a]

انا فكرت احجزلها اهي و الوالد يغيرون جو جم يوم بس للحين ما طبقتها

 

[om_dmai3a]

انا محتارة عندي امي و يدتي و خالتي ماني عارفة شآخذ

 

[Pink GirL]

انا خالتي خذيت لها ساعه حلوة
بس امي محتااارة يمكن اخذ لها موبايل اعتقد محتاجته لأن تلفونها صاير مش ولابد

اشوة امي فكتني من التفكير بهدية يدتي وشرت لها اهي وخالتي اطقم مواعين من الفياصل

 

[om_jenan1978]

أنا وخواتي وأخوي قلنا نتحاطط ونشتري إللي بخاطرها
الله يخليها لنا ولا يحرمنا منها ولا يحرمكم من أمهاتكم
انشالله تستانس بالهديه

 

[Pink GirL]

اليوم رحت المستقبل وخذيت لها موبايل نوكيا يديد توه نازل ,, بالعافية عليها تستاهل الغالية

 

[rudy]

بنات ما فكرتو بابوكم يمكن يغار وعليه عليه يكسر الخاطر لاتنسون ابهاتكم اشترو هديه مشتركه مثل كفر للسرير لهم الأثنين .... عصفورين ابحجر

 

[أم الحلوة جمان]

اي والله اختي rudy ابوووووي يستاااهل والله
انا مفكرة آخذ طقم ساعات ماركة حق أمي و ابوي
وإذا ماحصلت شي سعره مناسب باخذ حق أمي خاتم فضة من سلفاراما و حق ابوي بوك ماركة مثلا
بشوف باجر بفرفر بالسوق و بشوف شيطلع معاي
أما خالتي انا وريلي محتارين ماندري شناخذ لها ؟؟؟