شنو أكثر شي أفاد طفلك التوحدي

[صافيه 2]

السلام عليكم انا عندي ولد شخص بالتوحد. عند دكتوره عبير. والطب التطوري. عمره سنتين وثمان شهور. ابي اعرف اكثر شي تحسون ان ابنك تحسن عليه وتطور مستواه. وارجو من الاخت الصابره الرد. وباقي الاخوات لا تبخلون علينا بالرد. والله يبلغ ابنائكم الشفاء التام

 

[الصابرة المحتسبة]

وعليكم السلام

هلا اختي

بحط لج ان شاء الله الروابط اللي تفيدج وان شاء الله الخوات اللي عندهم نفس الحالة يتعاونون معاج.
هل لديكم طفل يعاني من التوحد- خلونا نتجمع

خاص بأطفال التوحد

 

[صافيه 2]

الله يجزاااااااك خييير يا اختي الصابره علي الرد. بس ممكن سؤال. ولدج شنو تشخيصه. وشلون تطوره الحين. انشالله. احسن. ابيج تطمنيني. ابي اي وحده تدخل تطمني عن. حاله ابنها او بنتها الحين. والله متضايقه حيييل. وجديده بعالم التوحد. وولدي للحين. ما يتكلم ولا كلمه. حتي ماما ما يقول. وعمره سنتين وثمان شهور. تكفون طمنوني عن حاله عيالكم ومدارسهم الله يفرح قلب اللي يرد عليه ويبشره ربي ببشري يقع لها ساجدا. الللهم آمييييييييين. وعلما بأن ولدي عايش معانا جسد بلا روح وما يلعب مع اخوانه وعنده الرفرفه حيل.

 

[الصابرة المحتسبة]

اجمعين يارب

إعاقة ولدي مو توحد إعاقة مزدوجة

كل ام أهني تختلف إعاقة عيالنا بس يجمعنا التحدي والصبر والتعاون وخدمة بعضنا البعض والتفاني في العطاء.

 

[صافيه 2]

مشكوره اختي الصابره علي الرد. والله يجزاك خييير بكل حرف تكتبيه. بس انا مستغربه ليش محد رد علي سؤالي مع انه واضح. معقوله 50وحده تشوف الموضوع ومحد يرد الا احتنا الصابره. الصراحه احبطتوني وانا موناقصه احباط. لاحول ولا قوه الابالله. يالله يارب تعطيني الصبر *

 

[الصابرة المحتسبة]

العفو ياقلبي

لا يالغالية حبيبتي انتي خواتنا امهات التحدي والصبر ما يطنشون بس ظروفهم شوي مانعتهم من الدخول للقسم.

 

[شيخة الغيد]

حبيبتي شوفي

1) جربي الدايت مال دكتوره عبير اللي ممنوع الحليب و الخ
2) لازم لازم تأهيل دخليه حضانه + اخصائي العصر للتخاطب و السلوك
3) لازم تشتغليه وياه و تشترين وسائل من مكتبة السنافر و تصيرين مدرسته الخاصه كل شي سميه تفاحه دياي بطاط ماي كل شي باسمه
ولاتعطينه شي الا لما عل الاقل يحاول يقول اسمه
4) صكي التلفزيون خيررر شررررر و الايبود و الخ ..خليه يتواصل معاكم اكثر
5) خلي يومه كله انشطه مره طين مره تلوين مره يلعب بالحديقه مره تجابلينه تسولفين وياه

ادري ان الشغله متعبه بس الله يكون بعونا و مأجورين انشاء الله

اختج ام محمد

 

[صافيه 2]

مشكووووه اختي ام محمد علي الرد والله يفرح قلبك بعيالج ويبلغج فيهم. بس ابسألج شلون تطور ولدج الحين. أحسن انشالله من قبل

 

[شيخة الغيد]

انا ولدي مو توحد تاخر عقلي بس في دكاترة يقولون توحد و بعضهم يقول تاخر
بالنسبه لي يهمني العلاج مو التشخيص
مشكلة محمد انه فيه ضعف بالسمع و هذا اللي اخره

و الحين سوينا له زراعة قوقعه و ننطر الاستجابه شوي شوي

بس اهم شي لا تيئسين و جربي كل شي و كل طفل يفرق عن الثاني فيه شي يمشي مع اطفال و غيرهم لا

و الله يشافي عيالنا أمين

 

[صافيه 2]

الله يشافي محمد. ويبلغج فيه. ويشافي عيالنأجمعين الله امين.

 

[الصابرة المحتسبة]

رفع