شنو أهم الأماكن الترفيهيه لزياره مدتها يومين

[Dreamer]

مساء الخير بنات ....أنا حابه أجي يومين أغير جو عندكم مع أولادي ...شنو أهم وأحلى الأماكن الترفيهيه إلي تنصحوني فيها وتناسب الأطفال بين عمر5و10 سنوات .....وأنا طبعا أبي أحلى سوق تنصحوني فيها وتغني عن بقية الأسواق ....أولادي متحمسين للزياره وأنا بعد أبي أفرحهم وإنتو فيكم الخير والبركه ....فشنو تقترحون علي

 

[محظوظه ومبروكه]

اهلين وسهلين ياقلبي

وحياج الله نورت الكويت



عندج مجمع لافنيوز بصراحه شامل كل شي في

وعندج المركز العلمي الأكواريوم حيل حلو في العاب للاطفال

 

[pretty sarona]

بخصوص اليهال اذا تبين لهم مكان ترفيهي يعني مدينة ملاهي وديهم حديقة الشعب , و الافينيوز شامل و في وايد محلات و في داخله ماجك بلانت حق العاب اليهال و المجمعات عموما اغلبها داخلها يكون اماكن ترفيهيه لليهال فلا تحاتين , و في مجمع اسمه ديسكفري كله العاب و محلات يهال و مطاعم تستانسون فيه

 

[AnGel GirL]

المركز العلمي بالسالميه فيه اكواريوم وروعه للأطفال
المارينا بالسالميه وعموما السالميه كلها مجمعات
والافنيوز بمنطقه الري تقريبا يغني عن كل المجمعات كبييرر وفي دور سينما كثيره ومطاعم
مجمع 360 هم حلو انصحج تروحين له

 

[Dreamer]

مشكورين بنات ما قصرتو وهذا العشم فيكم .....طيب بنات شنو الأوقات إلي يكون فيه المركز العلمي فاتح ؟يعني هل متواصل الوقت فيه أو لا ؟ونفس الشي بالنسبه لحديقة الحيوان شنو الأوقات ؟

 

[Dreamer]

نسيت أسئلكم بنات فوين آلاقي سينما 3dثلاثية الأبعاد وأفلامها حلوة لإن أولادي يحبون هالنوعيه من الأفلام

 

[tolay]

سينما ثلاثيه الابعاد مجمع 360 بجنوب السره

او المركز العلمي

روحي المدينة الترفيهية اكبر ملاهي بالكويت .... منطقه الدوحه

روحي حديقة الشعب ... منطقة السالميه

روحي الافنيوز اكبر مجمع

عندج سوق شرق حلوو مجمع ومن برا بحر وقعده حلوه

خلج بالسالميه اكثر شي تلقين الاماكن يم بعض

وحيااااااااج

 

[Un-6be3iya]

دام عيالج شباب مو بنات اسم الله عليهم وديهم
ديسسسسسسسسسكفري حدهم راح يستانسون
لاتروحون المدينة الترفيهية بهالفترة نص الالعاب مسكرة عشان الصيانة يعني ماراح تستانسون
ودوهم مجمع ديسكفري كللللله العاب وخصوصـًـا اذا يحبون كرة القدم وايد راح يستانسون و في مطاعم هناك بعد تتعشون فيها
و عندج بعد 360 مول دشو السينما هناك و تمشو بالمجمع المجمع بصراحة تحفة فنية في هناك معرض ام كلثوم مادري اذا ليلحين موجود ولا شالوه
و عندج الافنيوز اذا تبون تروحوله روحو الظهر احسن لان بليل واااايد زحمة
المركز العلمي الاكواريوم هم حلوو ~

 

[Dreamer]

حبيباتي إنتو والله ما تقصرون ....طيب مجمع ديسكفري في أي منطقه؟؟ وبنات ما رديتو على ألأوقات إلي تكون فاتحه فيه حديقة الحيوان والمركز العلمي

 

[دانه الهيرات]

حبيباتي إنتو والله ما تقصرون ....طيب مجمع ديسكفري في أي منطقه؟؟ وبنات ما رديتو على ألأوقات إلي تكون فاتحه فيه حديقة الحيوان والمركز العلمي

ديسكفري على الدائري الاول يم صاله التزحلق
المركز العلمي يفتح من ال 10-10
حديقه الحيوان نصيحه روحي العصر علشان الجو برااد شوي و ترا المركز العلمي في اكواريوم و شويه حيوانات
عندج بعد كارتون نت وورك يم جمعيه شرق في العاب للاطفال
وهم شوفي السينما اذا في فيلم 3d اخذي عيالج حقه

اخذيهم لفانتسي وورد بشويخ شارع الغزالي هذا محل يبيع العا مثل هاملز بلندن