شنو اتسوون على الفطووور ؟؟؟

[خبيرة اعشاب]

هاي

اشلونكم مع رمضان ؟؟؟؟؟


بس حبيت اسال شنو اتسوون كل يوم على الفطوور ..

بالنسبه لي لازززم تشريب+ جريش او هريس+ شوربه+ سلطه+ عيش + خبز عرروق كباب خضار === هاذي شغلات اساسيه عندي و ممكن اضيف عليها صينيه خضار او معكرونه او قبط او مرقوق ..بس هاذي شغلات لا غنى عنها يوميا ......

الغريب اني تفطرت في بيوت مختلفه و لا حظت ان بعض الناس فطورهم مو نفسنا بالمرره

يعني وحده من عايله زوجي حطت لنا على الفطور شوربه + كبه و سمبوسه+ تمر+ لبن و حليب +فطاير و من ها السوالف ....

طبعا انا انصدمت لاني مو متعوده جذي ...بس صلينا جان اتحط عاد الاكل ..يعني التشريب و العييش بس ماكو جريش و لا هريس ..

بيت ثاني تفطرت فيه ...هي مغربيه ..فحنا اكدنا عليها نبي فطور مغربي

و كان فطورها عباره عن شوربه الحريره المغربيه
حليب و لبن و تمر ...بس الحليب مفوحته على النار
شباتي مغربي مع مصالي بس طريقتهم نفس القطايف
محمسه بطاط الله يهديها بس
بسطيله بالدجاج
و تشكيله مشويات ...يعني تكه على ديك رومي على دجاج بس بالتتبيله المغربيه
سوت بعد سلطه خضار و سلطه خضراا و العيش هم بعد مسويته سلطه

و عقب الفطور حطت لنا الشاي المغربي مع حلويات مغربيه و عصاير ...


بيت خالتي ام زوجي ...

اسكتوا بس خلوا الطابق مستور ...........


شنو مواقفكم ويا الفطوور ؟؟؟؟؟؟ يا الله نبي مشاركااات

 

[شادية]

ما شاء الله ماخليتي بيت ماتفطرتي عنده:eh_s(22): ^^

والله احنا نشكل بالسلطات

 

[me'3tarba]

wallah asawi awal shai nakel 6ab3an tamer..o mai o shorobaah o kobba o chinese roll aw samboosa...o 3ogob ma ensalli ..lazem 6abaq ra-eesi..3eish machboos aw ay 3eeish m3a eedaam..o sala6a o 6abaq tahni khafeef o 3aseer....6ab3an hatha ehneeh le anni eb '3orba..bas bl q8 akthar..kel ma latha wa 6aab..bs el7emdella allah edeemha mn ne3emaaoo salaaamtech..:>

 

[خبيرة اعشاب]

هلا شاديه

و الله حنا برمضان نسويها دوريه ..يعني كل يوم نتجمع ببيت على الفطور و الغبقه هم بعد دوريه ...حلات رمضان الجمعات و الوناسه صححح

بس ما فهمت يعني شنو اتشكلون سلطات يعني كل فطوركم سلطاات ؟؟؟؟؟ يا سااتر


مغتربه : نورتي الموضوع ..و عسى الله يردج لديرتج و تجتمعين ويا اهلج و اتسوون ما لذ و طاب على قولتج
و سفرتج ما شاء الله حلووة ...و حياج الله

 

[me'3tarba]

mashkoora ma qassartaai suelle

 

[LaSt WoMeN]

امس سمعت شيخ دين بإذاعة القرآن يقول المفروض ما تتغير أطباق رمضان عن الأيام العادية لأن هذا شهر الجوع و الإحساس بالفقراء ..
و حبيت أقول لكم هالمعلومة بس

 

[حووور]

مرحباااا بناااات 00000
اناا والله رمضان العاااااام كنت مبدعه باالاطبااق
بس هالسنه
الله لا يوريك ... اتوحم وكل شي لايعه جبدي منه ومااشتهي الاكل

و خالتي كبيره بالسنه ( شكلي بقولكم قصة حياتي :eh_s(3): )
يعني ماتحب الخراابيط
فطورناا شوربه وتشريبه وسلطات ولقيمات


ومحد يااكل بعد :eh_s(22):

 

[أم طه الحولة]

ماشالله .. والله تدلعون نفسكم عالفطور .. لا احنا عادي اصلا الواحد حتى لو يكون صايم بس ياكل شوي يشبع مو شرط وايد اشياء وبعدين الصوم ما وجب علينا عشان ناكل .. لا عشان نحس باحساس الفقارى .. .. وبالنسبة لفطورنا .. امممم طبعا اول رمضان نكون مختبين هههه نسوي كل اكل البيت ونطلع الابداعات .. ههه بس نص واخر رمضان يصير الفطووو عااادي ..
شوفوا سفرتنا شنو فيها ..
1- شوربة .. نوعين 2 تبولة او فتوش 3- هريس .. مرات 4- لحم او دجاج بالفرن 5- كبب وسمبوسة 6- نسيت التمر واللبن 7- مجبوس او عيش ابيض مع طبق الفرن .. مشروبات .. وطبعا اطباق الحلو

 

[خبيرة اعشاب]

اي صح ..رمضان المفروض عشان يحس الغني بالفقير ..بس انتي طول اليوم صايمه و حسيتي بالفقراااا هم بعد ما تاكلين عل الفطوور ؟؟؟؟؟؟؟

و الله اليوم تفطرت عند حماتي ..و كانت مسويه تشريب + جريش+ شوربه عدس+ سلطه مدري شنو فيها بس من فوق كله فطر و خبز ..فانا صراحه ما احب الفطر و ما كليت منها ..مرق و عيش مجبووس و حطت بعد رقي ( رقي على الفطوور ....) غير التمر و اللبن و الفيمتو و عصير البرتقال ..هاذي شغلات اساسيه ...

يعني تقريبا نفس نظامنا ....يعني الواححد يشششبع بالفطور و اخر شي يتمغط بالصاله و يكسر له فنجان قهوة على الكيف و يطالع طاش ما طاااش ......و غوري شااي مخذذذرررررر مع صحن لقيمات و لا قطايف و لا بسبوسه ...و يعدل مزااجه

بالنسبه لي انا و زوجي تعودنااا على النظام هذا حتى ما ودنا نفطر عند احد ...

ذاك اليوم انعزم زوجي عند بيت عمه .. ما دريت الا الساعه 6 يدق لي زهبي الفطوور تراني جاي ..اتراه يوم راح يمهم حاطين بوفيه ...و البوفيه عليه زحمه اشدعوه بوفيه عل الفطوور الله لا يبلانا ...

وينكم ما حد يسولف ؟؟؟؟؟؟؟

 

[زلابيا]

والله احنا فطورنا عادي لأن مو اكيله كلش

يعني اول شي التمر والشوربه والماي او اللبن

وعقب مانصلي طبق رئيسي واحد مع السلطه واللقيمات او صب القفشه والفيمتو واذا في احد مطرشلنا شي نحطه عالسفره ...

وبس

 

[أسمى حب]

اساسيات الفطور عندنا

تمر و لبن من المزرعة وماى

الشوربه - التشريبة - عيش مع لحم او دجاج او سمك - الجريش او هريس - المكرونة بالباشميل راحت فيها الوزن - الكبب والسمبوسه - فطاير او بيتزا - لقيمات او صب القفشة - وحلويات باردة - وطبعا السلطات .​

 

[الجــادل]

تمر ولبن وفيمتو وماي


عيش يا لحم او دجاج او سمك

تشريب وشوربة


جريش او هريس ومرات الاثنين


معكرونية سواء سباغيتي او لازانيا او بشاميل

بلاليط

كبب وسمبوسة او خبز عروق

واصناف جانبية مثل صينية دجاج بالفرن او دجاج بالكريمة

او كرات اللحم بالكريمة او سندويتشات شاورما صغار

والسلطات يا سلطة خضراة او فتوش او سلطة ناتشوز او سلطة جرجير او فتة

وحلو بارد او كنافة او لقيمات


حنا عندنا الفطور كل اثنين للعايلة لان الجمعة حلوة

 

[nanosa78]

فطورنا طبق رئيسي (عيش أو تشريب)+صنف حلو +مقالي موالح أحيان سلطة أو شوربة طبعا التمر واللبن والشربت وسلامتكم

 

[خبيرة اعشاب]

يممما الله يعينج زلابيا ..اشلون تفطرون تمر و شوربه ..
بس صدج انا قريت ان هذا هو الفطور الصحي لاننا صايمين طول اليوم و نفاجئ المعده مره وحده بها الاكل اشي محشي و اشي محموس ...فاتصير عمليه الهضم صعبببه

بس لو لروح عند ناس و يحطون لي تمر و لبن و شوربه ..شنو رح يصير فيني ؟؟؟؟؟؟ و الله انتف السفره و اكل منها ....لو اتشوفون وجهي يوم حطت لنا حماتي الكبه و السمبوسه و السوالف الخفيفه ..عيوني صارت مدورة ..و وجهي جنه انثنى و تسفط ..و بس ادور التلفون ابدز رساله لاختي اقول لها خلي لي من فطوركم ..يعني صدج صارت ماساااه .

ترانا ما ناكل صراحه بس ودي السفره اتكون مترووسه يعني تترس العين مو صحنين بس ..

كملووا انا وياكم

 

[@بنت الكويت@]

حمدوا ربكم على النعمة

ترى النعمة زوالة

وشنو يعني تمر ولبن بس!!!

 

[آخر ذكرياتي]

طبعا بما أني ساكنة عند اهل ريلي ودوامي بالليل فكل يوم رازة ويهي بالمطبخ طبعا احنا مثل كل الناس نسوي الأكلات الأساسية شوربة وتشريبة وعيش مرات دياي ومرات لحم واللقيمات هذي اهم شغلات على الفطور

انا علي المقبلات والسلطات والحلو كل يوم اجرب شغلة مرات تضبط ومرات اخورها شسوي امسك هالكتب واجرب بأهل ريلي المساكين :eh_s(6):​

 

[الحب الخالد]

والله انا ما احب الاسراف لما كنت انا وزرجي عايشين بالشقه ابروحنا والله اهم شي الشوربه والتشريب والخبز العروق وعقبها القطايف بس لما انتقلت وعشت ابييت خالتي اوووو عاد والله مايبقى شي ما ينحط على السفره عاد انا قلبي يعورني على كل الاكل هذا والله ان في اطباق تنشال من على السفره محد جايسها حرااااام والله بس شتغولين الله يهدي

 

[رقي]

احنا الفطور من هني لي هناك
ولا احد ياكل شي

 

[زلابيا]

يممما الله يعينج زلابيا ..اشلون تفطرون تمر و شوربه ..
بس صدج انا قريت ان هذا هو الفطور الصحي لاننا صايمين طول اليوم و نفاجئ المعده مره وحده بها الاكل اشي محشي و اشي محموس ...فاتصير عمليه الهضم صعبببه

بس لو لروح عند ناس و يحطون لي تمر و لبن و شوربه ..شنو رح يصير فيني ؟؟؟؟؟؟ و الله انتف السفره و اكل منها ....لو اتشوفون وجهي يوم حطت لنا حماتي الكبه و السمبوسه و السوالف الخفيفه ..عيوني صارت مدورة ..و وجهي جنه انثنى و تسفط ..و بس ادور التلفون ابدز رساله لاختي اقول لها خلي لي من فطوركم ..يعني صدج صارت ماساااه .

ترانا ما ناكل صراحه بس ودي السفره اتكون مترووسه يعني تترس العين مو صحنين بس ..

كملووا انا وياكم

لووووووووووووووول seule12

اي اول شي لازم اول ما يأذن نتفطر على تمر وشوربه بعدين نصلي ونرد نكمل باجي الفطور

والله ان هالطريقه احسن لأنج لي كليتي كل شي مره وحده تثقلين وتتعيزين حتى تقومين تصلين

 

[[]نهاوند[]]

راح رمضان الله يعيده علينا وعليكم وعلى كل المسلمين يارب ​