شنو احسن اسواق الدمام ولا جدة؟

[C'est La Vie]

قوة بنات
ودي اروح اتسوق بالسعودية بس محتارة بين الدمام و جدة
ابي اشتري بدلات استقبال وبشوف نفانيف السهرة والدراعات والملافع
مع العلم ان السفرة لمدة 3 ايام
شنو احسن؟ وشنو الاسواق اللي تنصحون فيها؟
شرايكم ؟ واي فندق تنصحون فيه؟
شكرا

 

[الشامريه]

انا دايما اتسوق من الدمام


حلوه الفساتين حلوه الملافع




بس مااااااعندهم درارايع

 

[miss-ksa]

والله كلها التسوق فيها حلوه

بس جده ارخص من الدماام

اووما عن الفنادق ماراح تضيعي ابدن هناك

بس ماقدر افيدك اكتر الاني لامن جده ولا من الدمام

والله يحيك في السعوديه

 

[..الأوراد..]

.............

 

[علولي]

الدمام ما اعرف عنها شي
بس جدة اسواقها حلوة
في الفساتين بس دراريع للامانه ما شتريت منها شي فما اعرف
بس عندك سوق عزيز مول وردسي ومجمع العرب والتحليه
تهبل

 

[أنـيـن الـحـزن]

انا رحت الدمام روووووووووعه والخبر اما جده ما اعرف عنها شي

 

[اميره بصمتي]

هلابك بالسعوديه بصراحه انا من الرياض
والرياض كلها اسواق وفنادق بتلقين حاجتك
اتمنى البنات يفيدونك اللي ساكنين بجده والشرقيه
بغيتي استفسار عن الرياض تحت امرك حبيبتي

 

[اميره بصمتي]

حبيبتي وش تقصدون بالدراريع مافهمت ؟؟

 

[نسايم دبى]

دراريع هى الجلابيات

 

[ام مضاوي]

انا رايحه الاثنين

بدل السهره جده افضل

الدراريع كلهم ماعندهم واذا في شي عادي مايسوى

العبي والملافع الدمام والخبر احسن

وعالعموم سوق جده احلى واررررررررررررخص
من كثر الرخص والله ميزانيتي زادة معاي واخذت كل الي نفسي فيه
اخر يوم قعدت ازيد بالصوايغ

 

[أم تروفه]

انا انصحك بالرياض ررروعة

اما الخبر افضل من جدة من وجهة نظرى بس الدمام اغلى من جدة عندك في

الخبر - الظهران مول والراشد وفنسيا كله جلابيات الدور اللى تحت مقابل مجمع الراشد الدمام المارينا مول حلو

وسفرة موفقة وممتعة انشاء الله

 

[C'est La Vie]

ميرسي بنات

 

[~ عز ~]

اسواق جده افضل من الدمام

سكنا في ريجنسي كان روعه

 

[my world]

نفس الكويت ماكو شي غريب شفته الا فرق اسعار الساعات عند الدهام و الملافع والعبي فقط
بالنسبه لي انا اروح السعوديه اشتري ملافع بس ولا كل شي نفسه اهني بالكويت

 

[كتكوته ورديه]

هلا والله حبيبتي اقول توكلي علي الله وروحي الدمام احلي وارخص منجده ونفس بضائع الكويت والله عندهم اشياء حلوه مثل عباءات نعومي محلات مشهوره وقزاز وبعد في الدمام شا رع السويكت يهبل ملابس الاعراس الجاهز في الدمام حلوه

 

[ريــــن]

السلآم ع’ــليكمْ ~


حبيبتي جده فيها اشياء حلوووة في عندك الاندلس مول .

ورد سي ووكثير والله والاسعار حلووهـ ,, بـآلنسبة للفنـآدق خذي فندق ع البحر

حيـآك اختي بتنورينـآ يــآع’ـسلْ ^_^،’

 

[حياةأبوها]

حبيبتي بتنورينا بالسعوديه 000بالنسبه للشغلات اللي ذكرتيها جدة بتلاقي كل شي بتحتاجينه عندك مثلا عزيز مول والصيرفي مول وجدةمول وان شاءالله اكون اختصرت لك المشوااار

 

[q8-my-love]

سي لافي اذا بتروحين روحي الخبر انا رحتلها وعلقت عليها
في كذا مكان بس اذا تبين بدل استقبال اللي تجي شيفونات وراقيه وحدها زووغه في مجمع اسمه فينيسا اهناك تلاقينهم ناسخين كاتلوجات ايلي صعب وزهير مراد وعارضينهم وبكذا لون وسايز صراحه يهبلون
وفي مجمع الظهران هناك الساعات الماركه ارخص من الكويت وهم في محل جناط يهبل
والراشد صراحه كلش ماعجبني لان لما جينا كان حدددده وحمه وماتتقدرين تتسوقين ومح
محلاتهم كلها تقريبا عندنا وبنفس السعر
واذا تبين عبي وملافع مالج الا سويكت اهو سوق شعبي بس حييل يونس وفيه اشياء تهبل
واذا عندج اي سؤال حاضر

 

[eternal^moments]

السلام عليكم ورحمه الله وبركــاته

مرحبـــا اختي .. C'est La Vie

هلا فيك بالسعوووديه بتنوّر بوجودكـ .. :68_asmilies-com:

شوفي انا راح اقولك عن الخبر والدمام بس جدهـ ماعرف عنها ولا شي ..

ابي اشتري بدلات استقبال وبشوف نفانيف السهرة والدراعات والملافع


الدراعات عندك محل اسمه Shalky فيه انواع الجلابيات(من جلابيات عاديه الى جلابيات سهرهـ)وبعضها كأنها فساتين بس تصاميمها حلوهـ وروعه وبعضها عادي
شريت من عندهم يوم كنت حامل بس للمعلوميه اسعارهم غاليه

فروعه:الخبر(فينيسيا مول) والدمام(مارينا مول) هذي فروعه بس اذا مو غلطانه :tomato2:

نفانيف السهرهـ يعني فساتين صح؟؟

شوفي عندك محل اسمه لازار فساتينه فخمه انا احب اشتري من عنده وفيه الناعم والعادي

فروعه: الخبر(الجمعه سنتر) الدمام (مارينا مول)

وفيه محل اسمه (جزيرهـ الكنز) تلقينه بالدمام بـ(مارينا مول) شريت منهم بالعيد حلوه فساتينه

وعندك (صبا) له ثلاث محلات وكل محل تختلف فساتينه عن الثاني

فروعه (الواجهه البحريه بالخبر) فينيسيا (الخبر) الجمعه سنتر(الخبر)

وعندك محل اسمه (لمسات طيبه) (الواجهه البحريه بالخبر) صراحه شي هالمحل وانصحك تمرينه لانهم يجيبون فساتين روووووعه


والفنــادق:

فيه فندق بالدمام اسمه (عرش بلقيس)
اختي راحت له تقوول روعه
وصديقتي بعد
واكثر من وحده مدحته لي

وعندك (هوليدي ان) الخبر

رحت له بليله زواجي حلو

وفيه (بودل) روعه صراحه اذا كنا بالدمام والا الخبر رحنا له

المجمعات اللي تبيع فساتين السهرهـ(مارينا مول_الدمام)(فينيسيا مول_الخبر)(الجمعه سنتر_الخبر)
وفيه كذا محل بـ (مجمع الظهران) الخبر بس شوي مو كثيرهـ يمكن 4 محلات بس

والجلابيات بـ فينيسيا مول بالخبر

وهذا اللي اعرفه بس

وان شاء الله تعجبك المحلات اللي قلت لك عنهــا

تقبلي تحيـــاتي :bye22:

 

[مروقه على الكوفي]

اكيد العاصمه الرياض احلى بس اغلى وللاسف مازرتها
وجده كمان حلوووة اسواقها مثل المساعدية(فساتين سهرة ومصمين) وريدسي مول والاندلس مول ومجمع العرب احلى شي واكبرمركز وشارع التحليه ومجمع الشرق
وهلابك بالسعوديه