* شنو احسن انواع التمر ؟! *

[BnT_oMaHa]

الموضوع باين من عنوانه
- شنو احسن انواع التمر ؟
- من وين تشترونه ؟

جزاكم الله كل خير ويرزقكم الي في بالكم ( آمييييين )

 

[<<لمار>>]

انا موخبرة وايد بالتمر بس اهلى دايما يشترون من شويخ محل لولد الخبيزى وايد يمدحونة واهو ينصحج بالتمر الزين وهم بعد تمور جمعية الفيحاء

 

[ام الدرر]

محلات الحويس بالشويخ عندهم الخلاص حلو
بس انا ذقت عند وحده تمر عجيب ولما سالتها عطتني رقم يوصلون للبيت كل من ذاقه عندي
اخذ رقمهم اذا حبيتي ادز لج الرقم عالخاص عشان مايقولون دعاية​

 

[BnT_oMaHa]

جزاكم الله خير ..
اي والله ياريت يا ام الدرر تطرشينه على الخاص ..

 

[*alzain kella*]

عندج الخضري وااايد حلو ...

و هم الصقعي أحبه لأني ماحب التمر الحالي ...

أما المحلاااات

موجودا بالشويخ صوب سوق لندن ...

و بالنسبه لي الذهبي واااايد نظيييف و التمر اللي عنده حلو مو محزر

 

[حروف من ذهب*]

تمر الفايز يوصل للبيت ورقمه 99333389

 

[أنفاسي دخون]

احب التمر السكري المبرد ونشتريه من محلات التمور

 

[BnT_oMaHa]

شكرا على معلوماتكم و ردوكم الطيبة

 

[ابلة رسم كتكوته]

اذا عندج احد بالسعوديه خل ييب لج من هناك الاخلاص حدددددددده عجيب وفررررررش

 

[حناينq8]

احسن الانواع بالنسبه لي البرحي والاخلاص

واحسن محلات التمر بشويخ مثل ما تفضلوا العضوات
الذهبي والحويس

وبالعافيه مقدما

 

[Un-6be3iya]

ريل عمتي اييب لي من السعودية تمر اسمه اخلاص على ماعتقد شي جذي حددددددددددددددده لذييييييييييييييييييييييذ p:

 

[ملامح الخير]

احلىىى انواع التمور بتحصلونها بالحسا ف السعوديه ...

عندكم الاصيل رووعه والمحمدي بعد يهبل

 

[شانيل نمبر 5]

التمر اهم شئ يكون لونها اشقر..لانه هالنوع يكون فريش
انا توني رحت الشويخ ورحت حق محل جنب سوق لندن اسمه قطوف..اول مره ادخله
لقيت عندهم تمر تهبل وعلي فكره انا لي خبر بالتمر
المشكله رحت اشوف اسم نوع التمر لقيت مالها ستكرز ولا شئ عليها..
انتو اسالوا قولون التمر اللي ماعليها استكرز....
التمر تهبل وحيل حلو
واذا اعجبتكم ادعوا لي