شنو احسن بضاعه تنباع داخل المدرسه بين الابلات ؟ ابي بضاعه ومحتاره واستحي بعد

[g6awi]

السلام عليكم

انا بخاطري استثمر فلووسي

وابيع بضاعه داخل المدرسه


انا مدرسه

بس استحي ادلل على بضاعتي او اسووي نفس الحريم

بس الشغله بخاطري

شتصحووني ابيع ؟

واذا في اماكن اشتري منها بضاعه من وين ايب ؟

وشنو الطريقه بالضبط ؟

وشكثر احتاج راس مال ؟


وشكرا

 

[y7lok_7loho]

انا اقول خليج واثقة من نفسج احسن لج عشا نبضاعتج تمشى اذا تستحين خلى بضاعتج ب االبيت ولا تبعينهاااا

وعندى طريقة قولى انهاااا مالت رفيجتج البضاعة وان سعرهااا محدود ما اقدر اكاسررر

واعتقد المدرساات يمشى عندهم المافع البخوووووور الجناااط التقليد الماركة جذى يعنى والله يوفقج ان شاء الله اهم شى تكونين واثقة من نفسج

 

[kuwaitya_zoGaa]

المدرسات المكياج
العطور ... الكريمات ... ومن هالسوالف .
ومثل ماقالت الاخت قولى انها لوحده من صديقاتج

 

[bint_looda]

الللللللللللللللللله يووووووووووووووفقج انشالله

 

[مزيونه وشقره]

اللي اشوفه العبي والبروشات والملافع والشنط والبخور والكريمات والمكياج




مع تحياتي ياحياتي

مزيونه وشقره​

 

[g6awi]

من وين اشتريهم؟؟؟؟؟؟؟؟؟؟؟؟

 

[أحلى^حياه]

لازم شي مافيه مقاسات يعني لا تفكرين بعبي وقمصان وهالسوالف
خلج على الملافع

تعاملي مع محل تشوفين عنده سوالف حلوة
جربي الفروانية مجمع بدر الصميط خلف مكدونالدز

 

[g6awi]

مشكووره يا عمري

وبعد ؟

 

[القبله]

حبيبتي المدارس بتاع كلو يشترووون كل شي عن تجربه

و الله يروفقج أن شاء الله

 

[BusinessWoman]

انا اقول اكثرهم بكونون متزوجين فشرايج بالانجري ؟؟

انا اتوقع رخيص وينباع بسعر حلو وبسرعه تروح البضاعه

 

[كتكوته مجنونه]

انا انصحج الحين ترا البنات هاااااابين بسالفه دبابيس حق الحجاب وعندج بعد الاكسسوارات واذا انتي كنت مدرسه في الثنويه ترا عادي قولي بعد حق طالباتج وريهم وطولي بالج يعني مثلا اليوم البنيه تاخذ الشغله وباجر تدفعها سجلي عندج وجذي واكسسوارات حق التلفون والجنط يعني اشياء خفيفه بناتيه ترا البنات تقدرين تغرينهم بهالاشياء
وشكرا
تقبلي مروري

 

[زيـטּ عَبْس]

اشتري من برة مو من الكويت

لان الكل فاار سواقة الكويت وعارفين شنو موجود

يعني من سوريا من لبنان من لندن من الصين وهكذا


وووووووو أكثر شي يلقى طلب الجناط والملافع والمكياج والاكسسوارات وسوالف الأطفال دراريع بجامات وهكذا

 

[ghalaty]

ويييييييييييييه لا تعليق

 

[g6awi]

وبعد

 

[غيوم الصمت]

شوفي ياقلبي في المدارس كل شيء ينشر لانها احيانا يدخل فيها المجاكر <<<<<<مجربه

وربي اشري شيء اعرف مايسوى بس في المدرسه يحلى بعيني


شوفي ياقلبي عن تجربه انا بعت اكسسوارت مره خطير وتنشر عندي بلهبل

اذا حابه تشوفينها وتجربين حياك راسليني على الخاص

 

[shayma]

العطور ... الكريمات...المكياج

بخور

 

[بنت جنيف]

المدرسات كل شي رزيه جدامهم ورفعي لي اسما يشترونه منج احنا عندنا جذي

 

[sharoo_e5]

الاسبراى المخدر اومبولات الكولاجين للتفخ والنضارة وامبولات الصبار

 

[g6awi]

لا مابي كريمات وحبوب

مابي ابتلش بخلق الله