شنو احسن ......خياطه ولا بدون

[nariz]

السلام عليكم
حبايبي كويتيات مررررررره مشتاقه لكم
كنت اكتب بهالمنتدى وكان عندي مشكله بالانجاب وكنت ستغفرالله العظيم شبه ياسه من الحمل لكن الله من علي الحمد لله وحملت :yaaaaaarb:
المهم ياطويلات العمر انا الان بغربه وببدايه حملي لكن برجع لاهلي قريب زياره بس وبرد مره ثانيه للغربه ويمكن اذا الله سهل تكون ولادتي بامريكا
صاحباتي اللي ولدوا هني اقصد بامريكا حذروني وقالوا روحي لاهلك احسن ولا تردين الا بعد الولاده
لان الولاده بامريكا ما فيها خياطه :eh_s(10): وصاحباتي 3 كلهم عندهم اطفال واكدوا لي نفس الكلام وقالوا بدون خياطه وضعك صعب ولكل وحده تقولي كيف صارت علاقتها بزوجها مو ذاك الزود خصوصا بال.....اتمني تكونون فهمتوني . مع انهم طلبوا من الدكتوره بس رفضت واصرت انها ما تعمل توسعه وقالت الطبيعي افضل وكل شي بعد الولاده يرجع زي اول بدون خياطه وانا بكريه ما ادري هل هالشغله موثره الى هالدرجه ؟
لاني لو رجعت مع زوجي لامريكا مستحيل ازور اهلي الا بعد سنه تقريبا من الولاده:eh_s(16):خلال هالسنه شراح يكون وضعي والله البنات خوفوني
ودي استفسر هل ممكن الوحده تولد بدون خياطه بس مجرد انها تعتني بنفسها وتهتم باكلها تكون تمام:eh_s(7):
ولا الموضوع مهم لدرجه اني اترك زوجي تقريبا 6 شهور بالغربه لاني ابي اولد عند اهلي
اتمنى اي وحده جربت الولاده بدون خياطه تعطيني رايها
لاني بصراحه ابي اولد عند زوجي

 

[ام فهد جده]

الله يسهلك حبيبتي

لازم يكون فيه توسيع دامك بكر
افضل اولدي عن اهلك واذا قمتي بالسلامة روحي
وعشان يكون فيه احد يهتم بك فترة نفاسك
​

 

[ام اغلى الناس]

الصراحه مدري
بس احسن شي اولدي بديرتج عند اهلج
ارتاحي شهرين بعدين ردي لزوجج

 

[أكذب عليك]

امريكا ما يخيطون لانه بالاساس ما يشقون شي سوزي ع الكلمه
وحتي بلندن قالوا جذي اهم ولاده طبيعيه ينطرون البيلي يطلع بدون
مايسون شي نفس حريم اول اللي بالبر وغيره مافي خياط ولا شي


طبعاا اكيد ماانصح بهابشي عند اهلج احسن واكيد هالشي ياثر ع علاقتج الزوجيه
اذا شغلات بسيطه تاثر علي العلاقه شلون في حال المرا توسعت. خاصة انج بجر

لاتجازفين بعمرك نصيحه

 

[جـــواهر]

تدرين ان مستشفياتنا الحكوميه ماتخيط الا البجريه والباقي ماتخيطهم
ترا الخياطه لها فايده وحده تعديل شكل العجان وبحالتج انتي بجريه لازم خياطه
انا اقول اولدي بخاص عندهم وقوليلهم ابي خياااطه وان مارضو روحي اولدي عند اهلج
الصراحه هي مو سالفة خياطه انا ماتدري شلون تتحملين الولاده والنفاس بالغربه رااااح تتعبين

 

[أبكاني ذنبي]

ارجعي اارجعي عند اهلج احسن لج

ولاتغامرين بشي من هذا

والله يهون عليج يارب

 

[حلاه الكون]

صلي استخاره

 

[بنت جنيف]

الي يولدون بالحكومه مايخطونهم انا استغربت من وحده. والده بحكومه وقالت ماتخيطت ورابع ياهل لها بعد

 

[ام زهقانه]

انا ولاده العدان رابع طفلوخياط
شنو ما يخيطون

 

[MzOoOn 22]

انا لو منج اقعد عند اهلي راحه نفاس وطلوق بكمام ووناسه جنج اميره والكل بيلهى بالبيبي واهلج بيعلمونج عليه بعد عندهم ومتى ماخلثتي روحي لرجلج

 

[ghadeeeer]

حبيبتي هالخياط لشق العجان خارجي كلللللللللللللللللللللللش ماله علاقة بالتوسع أو الضيق
التوسع لو صار يصير بعضلات المهبل الداخلية لكن شق العجان بعيد عنها كلش ماله شغل بهالسالفة لكن الدكاترة يسوونه علشان البيبي يمر بسهولة بدون ما يسوي لج تمزقات بهالمنطقة يكون علاجها صعب شوي
فإذا إنتي متأكدة إنهم ما يخيطون شق العجان لا نصيحة أولدي عند أهلج وإذا صرتي تمام ردي أمريكا
تحسبا لأن طاريء لا قدر الله خاصة إنج بجرية

وبعدين أختي والدة رابع بيبي بالصباح وخيطوها عادي ورفيجتي ولدت ثاني بيبي بالصباح ما خيطوها يمكن على حسب الحالة

 

[ليمونة وزيتونه]

عند أهلج احسن

 

[nariz]

مشكورين حبايبي على ردودكم
والله صعبه اجلس عند اهلي كل هالفتره بس بحاول انسق من الحين اني اولد عندهم
والله يكتب لي ولكم الخيره بكل شي
مشكورين وما قصرتوا

 

[kuwaitiya_84]

مثل ماقالت الاخت غدير بنت عمتي يابت ثلاث عيال لها بامريكا ومن غير خياط لانه الدكتوره شرحت لها الخياط فقط للمنطقه الي شقوها مو داخل صوب المهبل وعمتي كانت عندها واهتمت فيها فترة النفاس وتخلف تقول كلما طلعت من الاربعين زوجها يقولها احسج بنت مو توج والده الاهتمااااام بالنفاااااس اهم شي وامهاتنا قبل وين كان فيه خياط ولا توسعوا ولا خربوا بالعكس مافي احسن منهم ومن صحتهم بس جيلنا دلع اذا امج تقدر تكون عندج اولدي بامريكا احسن لج

 

[kookiz]

اي انا مرت خالي ولدت مرتين مناك تبهدلت ومايخيطوون تقوول واايد تأذت وكرهت الولادة منهم غير اللي يصير بعدين من عدم الخياط

 

[ضحاوي الديره]

اولدي عند اهلج وتخيطي بعدين ردي لريلج
وانتي استخيري وربي بيكتبلج الخيره انشالله

 

[om_3azoz]

حبيبتي حاولي تولدين عند اهلج احسن لج واريح ,, تكونين بالنفاس عندهم كلها 40 يوم خلصي وروحي حق ريلج
والله يقومج بالسلامه

 

[nariz]

مشكورين حبايبي بس هي مو بس اربعين انا الان في بدايه الحمل وزوجي بوديني هالوقت لاهلي لان ظروفه مثل ماقلت ما تسمح اجازته هالكم يوم بعدها بيرد بروحه لامريكا وما راح اشوفه الا بعد ما اولد يعني بعد 6 شهور
وتناقشنا بالموضوع وقال براحتك اذا بتجلسين عند اهلك بس هذا اول مولود تمنيت اني احضر ولادته وااذن باذنه اول ما ينولد مو يرسلون لي صوره وانا بالغربه
والله يا بنات ما تدرون شنو صار فيني لما سمعت هالكلام اساسا انا قبلها بيوم لما قلت خلاص بروح لاهلي احس خنقتني العبره ولما سمعت كلامه بكيت
بصراحه هو حنون حييييل الله يخليه لي ويمكن احن من اهلي (وحده صريحه )هههه
بس انا البنات خوفوني وقالوا علاقتك بزوجك بعد الولاده مستحيل ترد مثل اول
ووحده تحلف انه كل شي رجع طبيعي
ما عدت عارفه منو اصدق؟؟؟
ابي اعرف بالضبط هل ذا يختلف من وحده لثانيه يعني العنايه والاهتمام وتمارين كيجل انا قريت عن بنات استمروا عليها وردوا
مثل اول هذا هو سوالي بالضبط ؟
لو اهتميت واكلت وعملت التمارين ترجع العلاقه بنسبه كم؟؟
ولا هذا كله بيكون على الفاضي وبتعب نفسي بدون نتيجه؟
اتمنى القى جواب وياليت من وحده مجربه