شنو احسن دكتورة لعلاج تاخر الحمل ؟

[روونة العسوولة]

السلام عليكم خواتي .. بنات انا صارلي سنتين وما حملت وودي اعالج عند دكتورة شاطرة ما تلعب فيني وهم ما تكون غالية وايد منو تعالجت عند دكتورة وحملت بعد الله ثم معالجتها عندها .. مدحولي ندا بو خضور بس مترددة

 

[سكره في زمن مر]

هلا حبيبتي الله يرزقك يارب انا تاخرت ماحملت وعالجت عند دكتوره هبه اسكندر. بمستشفى عاليه الدولي روعه شويه عليها وبعد شهرين من المعالجه عندها حملت الحمدلله وولدت عندها والحين حامل وهم عندها شفت دكاتره كثير بس ماارتحت الا لها وحنا كنا ندفع بس عندنا تامين انتي روحي لها وشوفي راح تعجبك والله يرزقك مره ثانيه وترى الزحمه عندها مو طبيعيه

 

[روونة العسوولة]

مشكوووورة حبيبتي .. جم كلفج علاجج كله

 

[ماي زهر]

روحي أول شي حكومة فتحي ملف و سوى تحاليلو نصيحة روحي د.ماجده اليتامي هي تخصصها عقم
بس اذا قالولج السكرتاريه روحي عند وحده ثانيه قولي لا أبي بس ماجده
و هي غاليه بس حاولي تسوين التحاليل بالحكومه


و على حسب حالتج ... كل دكتور يعني شنو فيج تكيس ضعف انابيب مسكره؟

 

[روونة العسوولة]

ماجدة اليتامى مسكرة عيادتها والحكومة رحت وتلعووزت عندهم، يبيلهم نفس طوييييييل .. انا فيني ضعف بالتبويض وتكيس

 

[&هند&]

سوي تحاليلج انتي وزوجج بالحكومه وروحي للدكتوره راىده البدر بالسيف انا راجعت عندها وحملت وربي رزقني ولد الحمدلله

 

[روونة العسوولة]

بنات كل وحدة تقوللي جم كلفها لان الميزانية محدودة الصراحة انا مسوية تحاليل من الحكومة بس باقي اشوف دكتورة زينة

 

[الجادل الخشف]

التكاليف تختلف من مستشفى لمستشفى مثلا انا رحت العرف بصراحه غالي السونار بعشرين والدخول للدكتوره كل مره ١٥ والتحاليل طبعا اذا عطوني اسويها بحكومه لان عندهم غاليه وابر التنشيط اذكر الابره على ثمان دنانير تقريبا وتخيلي ١٤ ابره تشترين انا اول ثلاث ايام شريتها وبعدين دبرت واسطه وخذيتهم من حكومه كل الادويه من الحكومه لان الخاص نهيبه الله يعوضنا والتلقيح الصناعي عندهم ١٩٠ سويته طبعا بدون العلاجات هذا بس سعر التلقيح يعني بيوم التلقيح اذا مادفعت اول مايسونه لي لازم تدفعين اول
وبصراحه ماراجعت عند دكاتره عشان افيدج بس يمدحون فوزيه القطان

 

[روونة العسوولة]

والله الاسعار ناار لو ان الحكومة فيها خير جان ما رحت للخاص بس وايد طوااالة الحكومة
مشكورة حبيبتي

 

[انتيكا]

مادري بس عند اي مكان العلاج يكلف ماكو الا تراجعين وتسوين التحاليل بالحكومه ربي يرزقج

 

[katrina90]

حبيبتي انصحج بالدكتورة فوزيه الحندالله ارتحت معاها وانصحج فيها ماجده اليتامى ماجربتها بس سمعت من بنات يقولون انها تقطج على المصريه من الضغوط والله اعلم لان ماجربتها فمابي احط بذمتي..

وكل وحده بتقولج عن الدكتوره اللي ارتاحت لها انا عن نفسي راجعت دكاتره وايد وواحد منهم قال تكيس والثاني والثالث لا ورحت رابع عرفتي افتريت وايد على دكاتره ونفسيتي تعبت صليت استخاره وكملت مع فوزية القطان وارتحت عندها الحمدالله



عسى الله يرزقج وكل بنت محرومه بالذريه الصالحه الباره عاجلا غير اجلا قولي امين


ادعي ربج وايد واستخيري وتوكلي عسى الله يفرح قلبج يارب وتبشرينا بحملج حبيبتي