شنو احسن شي لغسيل الأمطة ؟؟

[وردة بيتنا]

السلام عليكم ورحمة الله وبركاته

خواتي ، يزاكم الله خير

شنو احسن شي لغسيل الأمطة ؟

قصدي بالامطة اللي تنبلس تحت الحجاب

 

[كسرة عود]

مثل الملفع إذا سودة ماي + شامبو أحلى شي وممكن كمفرت

 

[ريناد]

انا بستعمل شامبو العبايات في برسيل للعبايات حلو

 

[بحر الرمال]

والله عادي بالغساله اقصاها بنص دينار و عادي مايصر فيهم شي

 

[supermarket]

كل لفاتي وامطاتي اغسلها بالايد بشامبو العبايات

 

[كيوت_25]

والله عادي بالغساله اقصاها بنص دينار و عادي مايصر فيهم شي

هههههههههههههههههه نفسي

 

[سعودية قلبها كويتي]

نصيحة مني .. عباياتكم وملافعكم واي شي اسود

عليكم بالشاااااااامبو الأحمر القديم .. اللي يستعملونه من سنة جدي

تحصلونه بالجمعيات

 

["كتكوتة مضيعة بيتهم"]

انا اغسل ملافعي وامطات السود بالشامبو العبايه او اي شامبو

ونصيحه لاتشرينهم بالشمس حاولي تشرينهم العصر او المغرب

لان مرة جربت شريت ملفعي بالشمس كان الظهر قلب لونه الى لون احمر بسيط عاد من بعدها تعقدت لوووول

 

[omajiad]

باليد بس لا تفركينها حولي تمسحين عليها ولا تنقعينها وايد اذا كانت قطن

 

[ana_q8eya]

وااي انا الامطات
اذا غسلتها 3 او 4 مرات
يصير عليها مثل القطن الدوائر الصغار
واروح اشتري غيرهم

مادري ليش

 

[وردة بيتنا]

يزاكم الله خير خواتي

 

[الفريده]

غسليها بأيدج مثل الملافع وحطى كمفورت اليديد اللى تظل ريحته 14 يوم وااااى عجيبه ريحته

بس اخذى اللون البنفسجى احلا من الوردى

 

[أغلى حبيبه]

عادي بشامبو العبايات وبالغساله مايصير فيهم شي

 

[إستبرق]

شامبو العبي الاحمر وبالايد

 

[جمانه 99]

انا اغسل الأمطات والملافع بشامبو العبي والغتر بالإيد واهو ريحته كومفورت روووووووووووووووعه

 

[Lemon Juice]

انا أغسل الامطات بشامبو عبايات بيدي

بس ماكو فايده عقب جم غسله يطلع عليهم هالقطن الدوائر لصغار

لاعت جبدي ماكو فايده

ونروح نشتري غيرهم

الامطات حدهم 4 أو 5 غسلات وباي باي

 

[wrooood]

الصراحة انا اناقعهم بس في كمفورت واشرهم بالمشر الداخلي

ريحتهم تصير روووعة ونظاف شحقية فراك وغسيل بس تنقيع يمكن 1-2 ساعة

عشان ما يوبرون

تحياتي

 

[الهما]

نفس اللفه الحجي بعد الغسيل شلون تخلين ريحتها حلوة
انا احط مسك مبشوور و ساعات صابون ايد عادي مبشوووور بجييس صغير يكون مثل طريقة الشيفون و اخلييه بين الامطات و الملافع
و تعالو شوفو الريحه

 

[حرم الحوت]

كل لفاتي وامطاتي اغسلها بالايد بشامبو العبايات