شنو احسن عيادة للعيون ؟؟

[barbya_q8]

شنو احسن طبيب او طبيبة للعيون امي على طول عينها تدمع وكله غشاوة بعينها وودي بدكتورة او دكتور شاطر لانها ملت واهي بس تمسح بهالعين حتى كحل ماتقدر تحط


اذا ذكرتو عيادة ياريت رقمها عشان نعرف وين مكانها

 

[منوله كويتيه]

سلامة الوالده ماتشوف شر

دام عينها تدمع وايد معناها جفاف بالعين ،، انا امي ظلت تشتكي من هالدموع والم بالعين وتعاند ماتبي طبيب لين ذاك اليوم العوار زاد وكان الوقت متأخر اخذتها لطواريء مستشفى البحر ببطاقتها المدنية فقط من غير تحويل واللة رزقنا بخوش دكتور فحصها عدل وقل عندها جفاف والتهاب بملتحمة العين وعطاها هالدوا السنع وردينا وماخذا مشوارنا كله على بعضه ساعه وارتاحت ولله الحمد

وانا مجربتهم مرتين اطبا طواريء البحر ممتازين وعلى الأقل تفتكين من زحمة الصبح والتحويل وعلاجاتهم نفس علاجات العيادات الخاصه بس الفرق ان بالبحر ببلاش ،، الله يديم عزج ياكويت ويحفظج من كل شر

عليج وعلى طواريء البحر نفس مدخل مستشفى الصباح اللي عند الدوار وكملي سيييييييده لين يخلص الشارع وتصير في مواقف بويهج اخذي يمين شوي جدام وصفطي ونزلوا وانشالله تتوفقون بخوش دكتور

سلامة الوالده مره ثانيه:tek:

 

[barbya_q8]

تسلمين حبيبتي اى صح كل من قالها هذي اعراض جفاف بالعين والحمدلله على سلامت امج وانشاء الله تكون امي عقبها

 

[شوشو الكويتيه]

عن تجربه والله اطباء العيون بالكويت من حكومه وخاص مابقى احد وكل واحد يشخص من كيفه اللى حساسيه واللى فايروس والى التهاب وقعدت شهرين والله بقيت انعمى ليمن الله سبحانه وتعالى كتب انى اروح لدكتور له جزيل الشكر د الشربينى بمستشفى الهادى اهو عرف للحاله وعطانى قطره وقالى هذى علاجج والله لايوريكم الدكاتره الثانين اشسوى فينى كان معاى التهاب بسيط بس من القطرات المختافه والتشخيص الخاطى بقيت انعمى للولا رحمة ربى وبعده د الشربينى _03ba:

 

[غروري ضروري]

حبيبتي آآحسن دكتوور عيوون اهوووو د. سلطان المطيري..

عمتي يتها فتررررة عيوونها بس تدمع وحمررررا و رفيجة عمتي بالدووام مدحته حيييييل لها

والله وراحت له وماشااءالله عمتي مافيها شي الحين ..

رااح أسآآآلج وين مكااانه وآآرد لج خبر..

 

[nanah70]

انابالنسبه لي وعن تجربه وحده غاليه علي من اهلنا احتارت اسمالله عليج عيونه تدمع وماي بشبكيه العين والله حتي فرنسا سافرت ومسكينه انعمت عنده عين وحده واهيه معاها سكر واخرتها راحت للدكتور خالد السبتي وعلي الله ثم علي هالدكتور وماشاء الله عليها الحين تقولين جذابه وما فيها الا العافيه بس اهيه طقها ابره بالف دينار عشان حالتها والحمدلله امورها زينه..وسلامه الوالده وعسي الله يخليها لكم ويطول عمرها..وامانه تدعين لبنتي ان الله يرزقها بولد الحلال الصالح ويستر عليها.

 

[حبيبته آنا]

الدكتور عبدالله المنصور واااايد زين

 

[نووووونا]

د سامى الربيعه

826826

والف سلامه للوالده

 

[عاشت لنا الكويت]

الله أشافي أمج

 

[القبله]

دكتور مبارك العجمي عن تجربة و هم مستشفى البحر ممتاز