شنو احسن كريم اساس و شلون اختار النوع الي يناسب بشرتي!

[مسس راقية]

بنات انا مشكلتي ماعرف اختار فاونديش يناسب بشرتي و ساعات احسها جافة و يبهتي مختلطة و ساعات احسها مختلطة تكفوون فيدوني شنو احلا فاونديشين تغطية و ثبات و شلون اختار الدرجة الي تناسب بشرتي هل اسال الي تبيع يكون عندها خبرة !! ابي خطوات مفيدة و عسى الله يوفق كل الي يساعدوني و يسنع بشرتهم و يخليها بيبي فيس ياااارب

 

[كشخة عروس]

كريم كريولاين حلو للمناسبات
واذا على الاستخدام اليومي في بسنتر بوينت كريماات حلو طبي وتخيري وبعد ماكس فكتر
اتمنى اكون افدتج ويارب يكون لنا من الدعوه نصيب هههههه

 

[misuki-girl]

1- حبيبتي لازم تعرفين نوع بشرتج :
دهني: لازم يكون الكريم الاساس مكتوب (oil free)
جاف:لازم يكون في مرطب
مختلط: طبعا في شي اسم (T-zone) اهو عبارة مناطق تكون أكثر "دهنيا" من الباجي و هم : الجبهة-الانف-الذقن ، في أنواع كريمات حق هالنوع بالذات
حساس: طبعا لازم يكون مكتوب فيه (oil free -fragance free-non comedogenic)
2- لون البشرة:
طبعا راح يكون سهل بس في شي اسم (skin tone) تلقين بعض الكريم الاساس في ميل الى اللون الوردي والبعض اصفر فاذا كان بشرتج مايل الى اللون الاصفر تاخذين الوردي ، اذا اخذت الاصفر ويهج راح يكون شكلج وحده مريضه
فمثلا: انتي بيضه / سمره او اختج بعد ، كريم الاساس مالها يصلح حق بشرتها بس انتي لا ، لان (skin tone) مختلف.
3- نوع كريم الاساس:
اقصد اذا تبين طبيعي (natural coverage) اذا كان ما عندج اي "عيوب" او تغطية كاملة
انشاءالله ساعدتج بالموضوع

 

[مسس راقية]

كشخة عرووس , مسيوكي قيرل يا عسى الله يوفقكم و و يريح بالكم فدوتني

انا بشرتي احسها باااااهتة حتى الدكتور لما اروح المستوصف يقولي فيج فقر دم ! و انا دمي زين الحمدلله ابي شي طبيعي للاستعمال اليومي و بنفس الوقت تغطية و ثبات

 

[misuki-girl]

همممممممم.......
المشكلة أن الجو ما يساعد الكريم يكون ثابت(الاغلبية لازم في بودر او primer) بس صديقاتي يستعملون كريم أساس (كل واحد نوع بس أكثرهم):
1- dior
2-clinique
3-chanel

 

[eva beach]

اذا تبين كريم اساس حلو وخفيف عل بشره انصحج بجيرلان (اكوا)

قوليلها ابيه خفيف ويومي واهيا تطلع لج الدرجات الي تناسبج واذا حسيتي نفسج مو مقتنعه

خليها تطلع لج درجه 2 و 3 و4 لما تقتنعين

واذا تبين بودره في واايد ماركات حلوووة والي حبيتهم شانيل - كريولان

شانيل خفيفه وطبيعيه

كريولان شوي ثقيله وتغطي حييييل

 

[ورود خذلتها العاصفه]

اب اب

 

[AL ANOOD]

اول شي اللون قرري شنو تبين طبيعي على بيج ولا وردي ؟؟؟
تبين يبيضج اكثر ولا اتمين نفس درجتج ؟؟؟

وعلى فكرة بشرتج تشبه بشرتي احتار فيها بس انا افضل الكريم الدهني لان فشلة لو تقشر ويهج وبين انه جاف من الكريم فالدهني افضل

ولما تروحين المركز تبين تشترين جربيه على ايدج بس مو كفج اللي من برا .. لا لا .. حطيه على معصم ايدج مكان النبض لان الايد من برا اسمر من الوجه

واخذي بودرة اساس عشان يثبت الكريم خصوصا لو كان دهني .. والبودرة با نفس لون الكريم او افتج لو كنتي تبين البياض
او درجة اغمج من الكريم لو تبينه يبين طبيعي .. بس انتبهي على الفرق بين الدرجات مو اكثر من درجة وحده



وااااي تكلمت وايد .. اتمنى اني ساعدتج

 

[قلبي القرآن]

انا انصحج بكريم استي لودر حيل حلو
وخلي الموظفه اللي تشتغل تجربه على بشرتج وانتي شوفي
روحي دبنهامز ولا تحطين مكياج وخليه تجربه على ويهج​

 

[جنوبية وأفتخر]

حبيبتي أنصحك بديوووووووووووووووووووور وايد حلو ع البشرة
كانها بشرتك خفيف وايد بس أنتبهي في أختيار درجة ألون يعني تختاري
نفس لون بشرتك وأفتح بشوي ....
عن نفسي مرتاحة معاة هالاساس من زمااااااااااان حتا وايد نسوان يسألوني
شنو حاطة بويهج ويتفاجأون أني حاطة كريم أساس !!!!!!!!
يفكرونها بشرتي رغم اني بيضة بس لازم اساس اليوم خخخخخخخخخخخ
لين صكوني بعين الله يسامحهم .....
المهم جربي وشوفي أذا ضبطت معاك دعيلي بزوج الصالح ......