شنو احسن لكم ؟

[kajool_80]

السلام عليكم ابلات
عندي استفسار على طلبات الروضه .... بما انه احنه ابلات روضه واكو طلبات خاصه بالطفل مثل ما انتوا عارفين وانتو بهالحاله تحبون تاخذون الفلوس من اولياء الامور والا تعطونهم ورقه الطلبات واهوم اييبون الطلبات ؟؟
انا عن نفسي افضل انه يعطوني الفلوس وانا اشتري الطلبات ... والسبب انه لمن اولياء الامور اييبون لنه الطلبات ................كل طفل يصيير شكل من الصدريه والملفات وادوات النظافه .... فانتوا شنو رايكم شنو الاحسن ؟؟​

 

[شمس]

والله آنا رايي نعطيهم الورقة ويشترون

لان ممنوع نطلب فلوس من اولياء الامور

 

[nero]

اكيد لما ناخذ الفلوس احسن

اولياء الامور يشترون الارخص ما يدورون الجوده

الالوان ناشفه من بو 100 .. والصمغ اي كلام

هذا غير الترقيع بالصداري

 

[:: عائشه بقلبي ::]

السلام عليكم

شوفوا حبابيبي

انا طريقتى التالي :

- اطلب منهم الاغراض اللى بالورقه فقط لا غير اوكى

- الله يعينى :0bee2e8d89: الصداري دائما وابدا انا ايبهم من فلوسي الخاصه لانه تلوع جبدى من الترقيع بالصداري

اوكى + الملفات ( انا ايبهم من فلوسي الخاصه :0bee2e8d89: عشان يكونون موحدين مع لون الصف ويدشون بوكس الفايلات لانه مرات يبون كبير ولا صغير والموجهه توقع على انتاج الاطفال لما تحظر لى )

انا صراحه اقط فلوس ولا اعور راسي مع الاهالي

الصداري تطلع على الصدريه الوحده ب 500 فلس

الملفات -------- اشتريلهم ابو زرار خخخخخخخخخ ب 100 فلس لون موحد مع الصداري وديكور الصف

وسلامتكم

 

[nero]

الخنساء منتي ملزومه صداريهم من فلوووسج

على الاقل طلبي دينار حق الاثنين ماتوقع بيستبخلوون على دينار

 

[تولاي الكويت]

عادي أطلب منهم فلوس أشتري لعيالهم فيها ليش أقط من فلوسي حريمتهم

 

[miamy]

اكيد لما ناخذ الفلوس احسن

اولياء الامور يشترون الارخص ما يدورون الجوده

الالوان ناشفه من بو 100 .. والصمغ اي كلام

هذا غير الترقيع بالصداري

100% صح

واي قطيعه اييبون اشياء تييب اليهد

انا ايوم يابولي الوان ناشفه وطين يابس كله رديته عليهم

مايستحون على ويههم الصراحه

<<< معصبه هاا

 

[kajool_80]

اخت شمس كلامج عدل ممنوع نطلب منهم بس ساعات تييج وليه الامر وبنفسها تقول اعطيج الفلوس وفكيني من المشاوير وترى اذا بيشترون من فلوسهم يطلع عليهم اغلى من اللي احنه نطلبه منهم

 

[kajool_80]

nero كلامج تمام التمام
واختي خنساء انتي حيل غلطانه انا والله كنت مثلج هذي حالتي كل سنه اييبون واروح اشتري من فلوسي ومن العام انا طبقت هالنظريه والحين مرتاحه

 

[kajool_80]

تولاي الكويت انا بعد وياج بهالراي وشكوره على الرد
وميامي حدج معصبه بس صاجه الاشيا اللي اييبونها حدها منتهيه صلاحيتها والله يعيينه ويعينكم
ومشكورين خواتي على الردود الحلوه

 

[غلاي غير]

ليش تعصبون
انا ولية امر
واقول للابله انها تاخذ فلوس مو عشان الترقيع والموجهه لا عشان الاطفال مايشوفون بعض ويقارنون ويحترون
بس قرار فاشل ان ممنوع ان الابله تطلب فلوس من اولياء الامور عشان مستلزمات الطفل بالتعليم بعد عيالكم لازم تصرفون عليهم
وانا لو بيدي بعد اعطيكم فلوس تسوون لهم لبس موحد ابرك ههههههه ما احب الي عليهم رسومات ملونه واااااااااي لوعه بس اليهال يحبونهم

 

[*أم*خالد*]

انا توني

الابله اللي كنت وياها اتينن وعندها اسلوب كانت تطلب منهم فلوس

والحمدلله الكل دفع

انا عن نفسي ماراح اسويها .. مابي احط نفسي بموقف ضعيف واذا اشتكو ولا اي شي اطلع انا الغلطانه
اهم اييبون اللي يبون وكيفهم .. كفى كفى .. ما كفى على عيالهم وانا ما ادفع لهم

 

[عبق الورد]

احنا ممنوع نطلب فلوس ...
مره مدرسه طلبت فلوس اليوم الثاني كل اولياء الامور عند الناظره .. فصار قرار ممنوع اي مدرسه تطلب فلوس والاداره تطبع لنا اوراق بالطلبات مع ختم الناظره ... !!!!!!!!!!

 

[*أم*خالد*]

ليش تعصبون
انا ولية امر
واقول للابله انها تاخذ فلوس مو عشان الترقيع والموجهه لا عشان الاطفال مايشوفون بعض ويقارنون ويحترون
بس قرار فاشل ان ممنوع ان الابله تطلب فلوس من اولياء الامور عشان مستلزمات الطفل بالتعليم بعد عيالكم لازم تصرفون عليهم
وانا لو بيدي بعد اعطيكم فلوس تسوون لهم لبس موحد ابرك ههههههه ما احب الي عليهم رسومات ملونه واااااااااي لوعه بس اليهال يحبونهم

نعصب لأن في اولياء امور شرانيين

يدورون المشاكل .. واذا طلبنا فلوس جنه بنحطها بجيبنا من جذي طلع هالقرار

عرفتي شلون اختي ؟

مو كل الناس حليوه وتاخذ الأمور بصفاء نيه مثلج

 

[Namlah]

خليها علي اولياء الامور ونفتك من شرهم
ماحب اطلب شي منهم

 

[nero]

شدعوه يعني اذا طلبنا فلوس بنحطها بجيبنا؟؟؟؟

اصلن بنقط على عيالهم دبلات هال 10 والا ال 5 طول السنه

هدايا حلاو العاب مستلزمات الصف الي تنقص هذي عشان منو مو عشانهم؟؟

 

[kajool_80]

احنه ما نطلب منهم فلوس الا لمن الناظره تقول لنه
يعني القرار اداري بحت والا نطلب وما نعلم الاداره ما يصيير
يسوونها سالفه لا صارت والا استوت

 

[كويتية ذهب]

والله مدري ومنكم نستفيد انا تعيين جديد

 

[kajool_80]

اختي كويتيه ذهب راح تشوفين اولياء امور اشكال والوان
منهم اللي مهتم ومنهم اللي
يناشبج عالفلوس
ومنهم يشتري خرابيط واي كلام
ومنهم والله ورد ورد
والله يخلي لنه عيالنه

 

[*candygirl*]

والله مدري ومنكم نستفيد انا تعيين جديد

_03ba:
نفسج