شنو احسن نوع حق الشاي الاخضر ؟ وشلون انسويه مع الزنجبيل ؟

[xxxx7]

بنات عندي جم سؤال ولي تعرف يريتني اتفيدني

اسمع الشاي الاخضر يساعد على تخفيف الوزن بس السؤال الي في بالي لمن اروح الجمعية اشوف وايد انواع من الشاي الاخضر وكل واحد مكتوب عليه صيني؟

سؤالي ايهو احسن نوع من الشاي الاخضر الي يساعد على التنحيف ووين ينباع ؟

اخر سؤال اشلون اسوي الزنجبيل مع الشاي الاخضر اسمع يقولون يساعد على التنحيف يريت اتعلموني اشلون طريقة تحضير الزنجبيل مع الشاي الاخضر

 

[Q8stylle]

انا اشتري الشاي الاخضر من العطار

 

[عسووولة]

جاى تويننجز بالنعناع حلوو

والزنجيبل تبشرين اشوي بالكوب وتشربين

 

[بطة رشيقة]

انا اسنخدم جاى كواليتى اسمه جذى علبته خضره ينباع بالجمعيه واحاول احط معاه اشيااء ثانبه عشااان اتقبل الطعم واستفيد من اللى حاطته مثل البااابووونج واليانسووون والنعناااع .. وربى يوفقنا ونضعف بصحه وعافيه ...

 

[فجر_الكويت]

رد : شنو احسن نوع حق الشاي الاخضر ؟ وشلون انسويه مع الزنجبيل ؟

شاي الاخضر الصيني الاصلي تلقينه بلعطار اعشاب مو ورق

 

[كيكه توفي]

يقولون الصيني يضعف وصج انا جربته فتره بس خلص ومارديت شريت المهم اتحطين ورق الشاي مع الزنجبيل تبشرينه وتصبين فوقه ماي حار وبس

 

[ام وحش]

انا استخدم ابوكبوس من الجمعيه روعه تجربتي الشخصيه

 

[xxxx7]

مشكورين بنات بس حسب رايكم شنو اقوا نوع الي يساعد على تخفيف الوزن بسرعه ماسأل عن احلا نوع وشلون نخلطه مع الزنجبيل

 

[يـاسمينا]

رد : شنو احسن نوع حق الشاي الاخضر ؟ وشلون انسويه مع الزنجبيل ؟

شوفي حبيبتي الجاي الاخضر ماينزل الوزن , يساعد على نزوله اذا كنتي تتبعين رجيم بس ..
ومن غير رجيم ماينزل الوزن , بس له فوايد لاتعد ولاتحصى حق الجسم والبشره واهوا مضاد للاكسده

وطريقتي بالجاي الاخضر والزنجبيل
انا اشتري جاي احمد تلقينا بالجمعيات او مركز سلطان
تبشرين زنجبيل بالكوب او اذا تبين حطي قفشتين صغار زنجبيل بودره وتحطين قفشتين جاي اذا كان الجاي ورق
اما اذا كان بجيس نفس الليبتون تحطين بس واحد
وتحطين فوقه ماي مغلي
تصكرين الكوب بصحن وتخلينا 10 دقايق وتشربينا وانشالله راح تشوفين مفعول واضح

واذا تبين طعما حلو ومن غير سعرات ولا شكر اشتري هالمحلي واااايد راح يغنيج عن السكر وبكل شي
هذي صورته

اذا نفعتج طريقتي ادعيلي , وموفقه ^_^

 

[xxxx7]

رد: رد : شنو احسن نوع حق الشاي الاخضر ؟ وشلون انسويه مع الزنجبيل ؟

شوفي حبيبتي الجاي الاخضر ماينزل الوزن , يساعد على نزوله اذا كنتي تتبعين رجيم بس ..
ومن غير رجيم ماينزل الوزن , بس له فوايد لاتعد ولاتحصى حق الجسم والبشره واهوا مضاد للاكسده

وطريقتي بالجاي الاخضر والزنجبيل
انا اشتري جاي احمد تلقينا بالجمعيات او مركز سلطان
تبشرين زنجبيل بالكوب او اذا تبين حطي قفشتين صغار زنجبيل بودره وتحطين قفشتين جاي اذا كان الجاي ورق
اما اذا كان بجيس نفس الليبتون تحطين بس واحد
وتحطين فوقه ماي مغلي
تصكرين الكوب بصحن وتخلينا 10 دقايق وتشربينا وانشالله راح تشوفين مفعول واضح

واذا تبين طعما حلو ومن غير سعرات ولا شكر اشتري هالمحلي واااايد راح يغنيج عن السكر وبكل شي
هذي صورته

اذا نفعتج طريقتي ادعيلي , وموفقه ^_^

مشكوره حبوبه ومن دون ماينفعلي الله يوفقج ويرزقج كل شي تتمنينه يارب ووفقج بحياتج ووفق كل بنات المنتدى