شنو احسن و انظف طريقة لتعقيم البيت بعد الغبار ؟؟؟؟

[bedour18]

هلا بنات

السؤال واضح من العنوان . يعني اشلون انظف و اعقم الستاير و الاثاث مثلا من بعد موجة الغبار ؟؟؟

كل وحده تقول شنو طريقتها خل نستفيد

 

[ديرتي الغاليه]

شوفي زوجي اشتري من سوق الجمعه شيء مثل المنفاخ ...يطلع منه هواء بقوه ......كان يبيه لسيارته بس اول ماشفته تذكرت الغبار واستخدمته لنفخ الستاير والمكتبات والقنفات وكل شيء يطيح عليه غبار يطيره تطير بعدها امسح السيراميك وانظف البيت التنظيف العادي لان الغبار كله بيطيح علي السيراميك .............وسعره دينارين ونص ..........ها شرايج ؟

 

[bedour18]

مشكوووووووووووووووورة حبيبتي (ديرتي الغالية) انج عبرتيني و رديتي

بس هالمنفاخ اول مرة اسمع فيه !!!!!!!!!! اشلون شكله ؟ يعني استعماله يدوي ولا بالبطارية ؟؟؟ ما فهمت

 

[om el7elwen]

حبيبتي اول شي لتنظيف الستاير انا افضل مكنسة البخار تنباع عند الغانم ويوريكا بالنسبة للورد الجفف استخدم الاستشوار والاثاث نفضيه اول شي بعدها مسحيه بخرجة فيها ديتول

 

[عيالي غناتي]

انا عن نفسي مثلا الحمام وانتي بكرامه اطلع كل الاغراض اللي فيه وانظفه بعدين انظف الاغراض اللي فيه والصاله انظف الاثاث اول والمكتبه والطاولات بعدين انظف السراميك بديتول ومعطر السراميك وهكذا

 

[bedour18]

تسلمون بنات على ردودكم الحلو و تشريفكم الموضوع

 

[ناتشوو]

الموضوع جدا مفيد
اعاني من تنظيف الغبار

 

[أسرااار]

انا عن نفسي الصالة الخاصة بالضيوف والاستقبال .. مغطيتها بخااام خاص حق الاثاث عشان احميهم من الغبار . والا الارضيات يوميا مساااح . ونشوف ردود باجي البنات

 

[asarasar]

السلام عليكم أنا شريت أجهزة الغبار و حطيتهم بكل الغرف بعد شسوي شوي يساعد

 

[روقاء]

نفس المعاناه في الغبار بس وين احصل ع اجهزه الغبار وشلون عن سعرها