شنو احلى كتاب قريتيه واستفدتي منه ؟

[● ● MisS P!nK ● ●]

صباح الخير بنات

شلونكم

اليوم الجو باااارد الله يعينا على الدوام بعد شوي خخخخخخخخ


الموضوع بسيط اكتبيلنا احلى كتاب قريتيه واستفدتي نه
سواء كان انقلش او عربي
اتمنى مشاركه الجميع
:yaaaaaarb:

بانتظاركم:hjy5jewf:

 

[زبرجد]

السلام عليكم ورحمه الله وبركاته
اجمل كتاب قراته هو كتاب للمؤلف عايض القرني وعنوانه {أسعد أمراة في العالم } وبعد له كتب قيمه مثل {لا تحزن }
ومشكوووووووووووووووووووووووووووووورة

 

[بدون هويه]

فيه كتاب وايد حلو اسمه الرجال من المريخ والنساء من الزهره على ما اعتقد المؤلف احنبي بس صج روعه يعرفك على شخصية الرجل وصج نفس ما اهو كاتب لو بنمشي عليه بنفهم شخصيات ازواجنا انا شريته من مكتبة جرير صج روعه بس قديم وايد

 

[سبائك]

والله شوفي بالنسبه لي بقولج احلى كتاب من آخر الكتب الي قريتها واعجبتني

كتاب

(( السجينه ))

روعه الصراحه يحسسج ان الدنيا مالها قيمه وفانيه الصراحه من المعاناة الي شافتها بطلة القصه

 

[● ● MisS P!nK ● ●]

انا قريت لا تحزن حلو


شكرا بنات على التفاعل نبي مشاركات اكثر

 

[غروب]

عجبني الموضوع والله خوش شي نستفيد كلنا ونحث بعض للقراءة ..

مثل ماقالت الإخت الرجال من المريخ والنساء من الزهره من الكتب المفيدة صراحة، ويرتب الأفكار بالنسبة لعلاقة المرأة والرجل.

وحاليا بادية برواية شيفرة دافنشي يمدحونها بس بعدي ما قريت منها وايد.

شكرا :eh_s(7):

 

[katko0ota]

موضووووع حلو يخلينا نتبادل الخبرات من خلال القراءه


عن نفسي احب القراءه اي وقت افضى الكتاب بيدي على طووول و معاي بجنطتي

المهم بالنسبه للكتاب الي اثر فيني وايد بعد ما خلصت منه و الكل لاحظ التغيير الي طرا علي هو

Fast Track To Happiness In 10 Days

على فكره هالكتاب خلاني اعرف شلون اكوووون سعيده و في جمله وايد اثرت فيني و تاملت فيها وايد و هي

انا من حق كل واحد انه يكون سعيد فانا ليش ما اكون سعيده!!!

تقبلي مروري

 

[كادي الكويتية]

موضوعج جميل حبيبتي

اجمل كتاب قريته هو كتاب (استمتع بحياتك) للدكتور محمد عبدالرحمن العريفي
كتاب مفيدجدا وممتع يشمل فنون التعامل مع الناس في ظل السيرة النبوية اضافة للتجارب الشخصية للدكتور العريفي وهذا الكتاب هو حصيلة بحوث ودورات وذكريات اكثر من عشرين سنه


لا يطوفكم ممتع ممتع ممتع ومفيد جدا جدا
تصوروا اذا قريته ما اهده الا لما يغلبني النوم

وحرصت اني اراسل الدكتور واشكره على هالكتاب ورد علي بمسج وشكرني "فديته"

 

[Smart Lady]

موضوع واااايد حلو حبيبتي
من الكتب اللي قريتها وعجبتني
كتاب (لا تحزن) لعائض القرني ... هالكتاب صراحه يمس القلب من الداخل واسلوبه حلو
كتاب (استمتع بحياتك) لمحمد العريفي .. بعد كتاب فيه من القصص اللي تاخذين منها العبره وطريقة العرض وايد حلوه بالالوان
كتاب (بوصلة الشخصية) هو كتاب اجبني مترجم (طباعة مكتبة جرير).. الكتاب صغيرون وحلو ..تعرفين منه الشخصيات وكل شخصيه اشلون تتعاملين معاها (شمالي، جنوبي، شرقي، غربي)

 

[● ● MisS P!nK ● ●]

مشاء الله تفاعل البنات حلووووووو

ماقصرتو

 

[كويتية80]

بصراحة من أحلى الكتب اللي قريتها بالفترة الأخيرة مثل ما قالت أختي كادي
كتاب استمتع بحياتك لمحمد العريفي كتاب مو طبيعي حده ضاق خلقي لما خلصته ودي أقرا منه كل يوم

 

[د-سوسه]

[اتصدقون بنات مع ان كتاب لاتحزن موجود عندي من زمان والكل يمدحه لكني مادري ليش ما اندمج بقراءته !!!!!
اما امتع الكتب ::كيف تخطط لحياتك لصلاح الراشد وكيف تكسبين محبوبك لنفس الكاتب وكتاب حتي يغيرو ما بانفسهم لعمرو خالد b][/b]وكتاب المريخ والزهره الطبعتين المختصره بالصور والعاديه واخر كتاب قريته كتاب الحب بذكاء لد.فيل

 

[Miss LiLi]

أمتع كتاب قريته لا تحزن معاي بجنطتي اسلوبه وااااااايد حلو يزاه الله خير

 

[مس فيراري]

احلى كتاب السيره النبويه لابن هشام و كتاب الكويت و جاراتها لديكسون و كتب اخرى لدكسون بس مو حاضرني اسمها الحين

 

[سنـــــا]

موضوع حلو يعطيـــــــــج العااافيه .

أما احلى كتاب اثر فيني وقريته كذا مره (صيد الخاطر ) لابن الجوزي
وفي كتب اشكثر حلو وعجبتني منها شوربة دجاج (مترجم ) الرجال من المريخ والنساء من الزهره (مترجم ) لاتحزن مع ان اول شي ماعرفت اقراه واندمج فيه لكن بديت اقراه بطريقه مو مرتبه وحيل سااعدني لاني مريت بظرف صعب ,,, والجواب الكافي لابن قيم الجوزيه بعد راااااااائع

 

[أنفاسي دخون]

احلى كتاب قريته ( لا تحزن ) لعايض القرني جزاه الله خير

ومشكوره حبيبتي على الموضوع الحلو

 

[● ● MisS P!nK ● ●]

اشكر تفاعلكم بنات ماقصرتو

 

[نيولوفر]

مشكورة ع الموضوع الحلو و الرائع,,,
افضل الكتب اللي قريتها لا تحزن و اجمل امرءة لعايض القرني
و استمتع بحياتك لمحمد العريفي
و كيف تخطط لحياتك لصلاح الراشد
و كتاب السر
و رجال من العبدلي و نساء من الوفرة حق كاتب شاب كويتي ما اذكر اسمه عدل يمكن احمد الحيدر

 

[Q8_rawraw]

احلى كتب قريتها اهما ( شفره دافنشي ) و( ملائكه و شياطين ) حق الكاتب دان براون

و ( الابعاد المجهوله ) الجزئين الاول و الثاني للكاتب عبدالوهاب السيد


و مشكوره اختي على الموضوع الحلو :eh_s(6):
​

 

[هوى الدار]

لا تحزن للقرني

واستمتع بحياتك للعريفي

رووووووووووعه ويغيرون نظرتج لهالدنيا