شنو اخذ وياي وانا بخطب لاخوي؟؟؟

[لميس]

السلام عليكم.....



خواتي بروح لناس حضر بخطب لاخوي شنو اخذ وياي..؟؟

اخذ حلو؟؟ما اخذ؟..


اروح وايدي فاضيه؟؟


محتاره جدا..

ساعدوني..

 

[84 Miss Chocolate]

اول شي عسى الله يتمم عليهم يارب و ثاني شي ودي معااج ماعون كاكاو ادشين و بيدج شي احسن و اذرب و ألف مبرووووووك

 

[قلبي ابيض]

أولا مبروك والله يسعدهم ودام خطبة بس ف لا تاخذين شي

وبعدين الناس صارو يخافون من اللي يخطب ويايب وياه حلا لووووووول

بعد الملجة ييبي اللي تبين

 

[AL-BaNDry]

مبروك ان شاءلله
احنا بالعاده ندق عليهم وناخذ موعد نبي نجيهم
وناخذ صحن حلآ فخم وخاص وفطاير شغل بيوت سنعه مو جمعيات
وعسى الله يتمم عليكم يارب

 

[ريم @]

امممممممممم
احنا بالخطبه ماناخذ شئ

اذا ملجو ودينا حلو وكيك كاكاو

 

[جلاكسي 77]

مبروك مقدما احنا ما ناخذ شي اذا صارت الملجة ممكن تاخذين حلو بس مو شي الزامي

 

[Tulips]

حلو تدشين وايدج مو فاضية علشان برستيجج

 

[لاب توب فوشي]

خذي شوكلاه فخمه <<احلا

 

[barbie girl]

احنا حضر

اذا ملجنا انييب الحلو والكاكاو الفخم بس من اولها لا مو حلوه

 

[غربــــة اِحساس]

لاتاخذين شئ ..

انتوا رايحين لهم اول مرة واكيد معطينهم خبر

بعد الموافقه او الملجة ودوا لهم حلى فخم وهدية للعروس

وموفقين ..

 

[فرنسا]

ماتودون شي بالخطبة

 

[بنت الكويت العسل]

انتوا رايحين تخطبون ماله داعي تييبون شي لانه اصلا اهم بيشوفون يوافقون عليكم او لا لمن يصير اتفاق عاد بعدين تييبون والا مخاسير بيصير الموضوع كلما رحتوا تخطبون خسرتوا على الفاضي خخخخخخخخ

 

[ام العبايه]

اجليها لين يوافقون ............ يمكن ما يصير ننصيب كل بيت بتدخلينه تقطين عشرين او اكثر بعدين برستيجج برزتج والكلام المسنع هذى خطبه شي مو هين الله يوفقكم ويصير النصيب .............

 

[^kloOot^]

ماتودون معاكم لما يصير انشاله كل شي بعدين




هذا المعرووووووووووووووووف

 

[Brooy al-bata]

الله يتمم عليكم
بس مو حلو تدشين وايدج فاضية
بعدين هذي اول مرة اتروحولهم

 

[نونا وبس]

شوكلاته او بيتفور او بقلاوه

 

[ظبي الفلا]

مولازم تاخذين شي ولا صار المقسوم يامالهم م الكاكاو والحلو
اما اذا كل بيت بدشين معاج حلو ماخلصنا
واذا سالفة برستيج بيكون برزتج وعباتج وشكلج وكلامج الموزون
بالتوفيق

 

[طموحه بزياده]

لا تاخذين شي

اذا وافقتوا عليهم واعجبتكم البنتوالناس وافقت وملجتوا جيبوا الحلو والككاو

ماله داعي تجيبون شي معاكم؟؟


الا اللهم الناس تعرفونهم ويعرفونكم ومتفقين مبدئيا بالزواج وحابين تخطبون رسميا اي اهني جيبي معاج حلو كشخه وسنع


وبالتوفيييييييييق

 

[Amora Amor]

ولا شي لان ماصار شي للحين ولا شاف الريال

 

[اميره جورج]

بالتوفيق ان شاء الله 00000 شكلج احترتي من ردود البنات اللي تقول اخذي معاج والي تقول لالالاتاخذين0000000 وانا اقولج لا تاخذين معاج اي شي00000000000000