شلونكم ياحلوين عساكم بخير
وانا قاعده طرى على بالي هالموضوع قلت خل اكتبه ونقعد نسولف نفرفش شوي :gathering:
سؤالي الاول اهوا :dddds:
شنو اسامي عيالكم ؟؟؟؟
السؤال الثاني
منو سماه بهالاسم؟؟؟
وليش اختار هالاسم ؟؟؟
راح ابدي انا اول معاكم
بنتي البجر
من دريت ان الي في بطني بنت وانا كل يوم اطلع 100 اسم وريلي مايعجبه واذا اهوا قالي اسم انا مايعجبني وكنت حاطه في بالي ابي اسم من 3 حروف :krkrkr: لان انا وريلي اسامينا من 3 حروف
وظلينا نفكر ونفكر وكل واحد يقترح اسم والثاني مايعجبه ومرات يقولي خلاص اختاري واحد من هالاسمين يا اسميها على اسم امي ولا على اسم امج وانا كنت ماابي اقوله لالا مابي ابي اسميها اسم غريب بنتي بجري بفرح فيها لوووول ليما ولدت
واحنا للحين مو مقررين ولا مختارين لها اسم
صعدوني الغرفه امي ورتني صورتها وااي يازينها قالولي يالله شنو بتسمونها للحين مااخترتوا اسم وقعدنا نقترح اسامي كل واحد يقول اسم كانوا اهلي عندي وكل واحد يقول اسم وريلي قاعد يفكر يفكر
ودقينا على السسترات قلنالهم ييبو البيبي نبي نشوفها وصعدوها وانا شلتها وقعدت اطالعها واقول وااي ابوها مقعد كلها ابوها :dddds:
سبحان الله صج لي قالوا الياهل ينزل باسمه عقب ماشفناها شوي ولا ريلي يقول خل نسميها حـــــــور ابوي قال ايي حلوو انا قلت اممم مادري سكتت والحمدالله واخيرا سميناها مابقى يطلع الاسم :krkrkr:
بنتي الثانيه
هالمره كنت مريحه نفسي من سالفه الاسامي قلت اذا صبي بسميه على اسم ابو ريلي الله يرحمه عبدالله واذا بنيه بسميها على اسم امي حياة
ولما ولدت يبت احلى بنوته وسميتها على اسم امي حـــــــياة
وبس هذيلا بنوتاتي العسل الله يحفظهم ويخليهم
والله يرزق كل محروم يااارب
بنات يالله كل وحده تدش تكتب شنو اسامي عيالها ومنو سماهم هالاسم نبي تفاعل خطــــــــــــير :ggdw::ggdw:
