شنو اعراض تكيس المبيض؟؟؟؟؟؟؟

[ام هزاع]

مرحبا بنات


انا احس هالايام الام مو طبيعية بخاصرتي اليمين واليسار ورحت فحصت الكلى قالوا اوكي مافيها شي ...

والدورة اخر مره طولت 3 شهور بعد نزلت ... ممكن يكون تكيس على المبيض؟؟؟

ووين مواقع المبايض ؟؟ يعني نفس مكان الكلى ؟؟



شنو اهم اعراض التكيس للي عندهم خبره


وجزاكم الله خير وحقق لكم ماتتمنون

 

[ام هزاع]

رفع

 

[*ماي الورد*]

من اعراض التكيس اللي اعرفها ان الدورة تاخذ اشهر علما تنزل و زيادة بالوزن و ظهور شعر بالوجه

 

[القناصه]

هلا حبيبتي

انا رحت اليوم لطيبه كلينك عند الدكتوره منى موسى مالت عليها نفسيتها زفت

وما ارتحت لكلامها

المهم انا جيت لها وانا كنت خامس يوم الدوره عشان تشيك عالرحم والمبايض

سوت لي سونار داخلي وقالت معاج تكيس في المبايض وقلت لها من شنو قالت هاذا شي عادي

ومدت علي الورقه قالت خلاص
قلت شنو خلاص ما كتبتي لي علاج

ولا تكيس المبايض ما له علاج؟؟

قالت لا عادي ماله علاج!!!!
أنا استغربت لأن حماتي صار معاها تكيس وعطتها دكتورتها علاج

وبس دفعت لها عشرين السونار وقالت تكيس عالمبايض وطلعت

أمبيه انا طلعت مصدومه!!

لأن انا أحس مثلج ألم بالكلى وأثاريه المبايض

وحرقان الله يعزج بالبول حتى ما قالت سوي تحليل بول عشان اشوف إذا معاج إلتهاب او لا

بنات بليز منو مثلنا ينصحنا والله قعدت أبكي من اسلوبها وشلون صدمتني وقالت ما راح يصير حمل

 

[my world]

اعراضها خربطه حييل بالدوره

وانا بعد دكتوره رشمي اللي بالهادي ما عطتني علاج الحمدلله تقول فيج تكيسات بس مالاداعي علاج واهم شيء الراحه النفسيه قالت

 

[shayto0oNa]

انا خبره بالتكيساااات ههههههههههههه انا سويت ثلالث عمليات والسبه التكيسات عالمبايض

اعراضها تتخربط الدوره ويمر عليج شهر ولا شهرين ماتييج الدوره او تيي يوم وتنقطع بس اذا كبر الكيس لازم عمليه

اذا حجمه 2 سانتي عادي يروح وينزل مع الدوره شربو القشعه تقوي المبايض وتشيل التكيسات اما اذا كبر الكيس فوق 4 سانتي خطر
انا وصل حجمه اخر مره 7 سانتي تخيلو متتتتت متتت والله مااقدر اقعد اظل واقفه احسه بيطلع من تحت يمممممممممممممممه الله لايرد ذيك الايام وقالو لي بالعمليه يمكن يكون الكيس ماثر على المبيض واذا استدعى الامر نستاصل المبيض !!!!!!1 بس الحمدالله سويت العمليه ونظفو المكان وكل شي اوكي

المهم يابنات جيكو اول باول واهم شي ايام الدوره تدفوو واشربو اعشاب واهم شي القشعه وماتشوفون شر انشالله

 

[كـلـي أمـل]

اعراضهــآ تتلخبط الدورهـ و لانززلت تقطع او تنزل خفيييييييييييفه

 

[القناصه]

بنات أنا ما حسيت بهالأعراض عادي الدوره تجيني عاديه بس قالت فيج

وصار لي 6 شهور ماحملت ليييييييييييييييييييييييييييييييييييييييش

 

[chobits.19]

القناصه
شالسالفه لوني منج والله افضحهم
شنو لعب عيال
تخيلي انا صارلي اجهاض ونفس حالتج
تسوي سونار وسونارهم مكسر وتقول مو مبين شي
تقولي راجعي بعدين هذا تهديد اجهاض
والياهل طاح وهيا تعذر بالسونار وتقول مكسور ومو مبين
زين ان سويت تحليل الدم برا مو عندهم
ولا جان زفيتهم وقلت لهم بالبدايه ليش ماتاكدتوا ان البيبي طاح

انا ثاني مره اذا دخلت عند اي دكتوره بقولها اشرحي حالتي
بالتفصيل
ولا ليش ادفع

 

[أمانينو]

القناصة
في فرق بين التكيس بالمبيض والاكياس عالمبايض
الاكياس ممكن تنشال علشان ما تاثر عالمبايض وتخليها خاملة
اما التكيس اللي هو فيني هذي تتم فيج مالها علاج لكن ممكن تعالجين اعراضها
اللي هي تأخرر واضطراب الدورة وتكون سبب في تأخر الحمل
نصيحتي تروحين دكتور يفهم ويعطيج وجه ويفهمج حالتج عدل
روحي دكتوري ناهض حمادية بالمواساة
تخصصه تكيس مبايض
انا الحين اعالج عنده

على فكرة لا تخافين ترى تكيس المبايض مقدور عليه انشالله
بس يبيله طولة بال ولازم تخففين وزنج خصوصا اللي بمنطقة البطن
وانا الحمدلله عندي بنتين
بس الحين اراجع عنده ابي الحمال

 

[أمانينو]

على فكرة بنات نصيحة
اي دكتور شفتيه مشغول عنج ومايرد على اسئلتج
او يخرعج ويقول مالج علاج
اخذي اوراقج واطلعي
في مليون دكتور غيره

ولو احد يقوللج حالتج ميؤوس منها ومالج علاج وتحاليلج تقول انه مالج امل
عيدي تحاليلج مرة ثانية وثالثة

بس هذي نصيحة لو مالها دخل بالموضوع
بس اشوف بنات يتخرعون واهم صغار بالسن وبالعشرينات ويجي دكتور عديم احساس يصكه بوجهها

 

[قطوووة]

دكاترتنا خرطي !!

 

[النووف]

الاكثار من الماي وقت الدوره زين للي فيها تكيس

عشان ينزل مع الدم

والمشي ينفع والله عشان الدوره تنزل بوقتها

 

[بنت العتيبي]

التكيس كان فيني قبل بس راجعت عند دكتوره امل عبدالعزيزي اللي في السلام وعطتني له علاج والحمدالله راح بس الحين رجع مره ثانيه

 

[أأأميرة الورد]

رفع

 

[روزباريس]

شوفي اختي انا تخرت الدوره خمس شهور وحب في وجهي وشعرت كاني رجل عاد انا روحت الدكتوره سوت لي تحاليل حق هرمون الحليب والغده الدرقيه والنخاميه واعطتني حبوب تنزل الدوره فيه حرف nوالله مااعرف الاسم كامل بس نزلت الدوره وروحت عنده ثاني يوم بالدوره واعطتني كلوميد وقالت استخدمه بس ماستخدمته اختي تقول يزيد التكيس المهم يااحبي روحت دكتوره ثانيه سويت سونار قالت مافي لاتكيس ولاتبويض قهرتني رده من خشمه بغيت اصكه بالشنطه هههههه بس خفت منها المهم الجلوكوفاج يبعد التكيس وتنزيل الوزن ضروري

 

[شافوك بحساسي]

رفع

 

[ماتغير شي]

اعرااااض التكيس تأخر الدوره عن وقتها

قبل فيني تأخر. أسبوعين عن موعدهاااا والحين الحمدلله راح


بس تييني الألم صوب المبايض نفس النغزه توقعون شنو بنات ؟؟

 

[((jyada))]

بنات انا الدوره عندي منتضمه كل شهر تجي معي بس انها ماتطول حدها يومين ونص اليوم الثالث تنقطع وترجعلي اليوم الرابع خفيفه مره وترجع تنقطع بنفس اليوم الرابع واحس الأم باسفل البطن بالزوايا تقريبا بالمبايض واحيانأ يجي مع الالم دم مو بوقت الدوره بس مو كثير خفيف ووقت التبويض تزيد الافرازات المهبليه بنات من تعرف هذي اعراض ايش ومين حست بهالاعراض

 

[خلطات المذهله]

حبايبي في خلطه خاصه للتكيس عندي باذن الله قريب اطرحها في المنتدي للي حابه تجربها