شنو افضل كتاب للطبخ؟؟

[خليج***]

بسم الله الرحمن الرحيم


شلونكم بنات,,:fun:
احترت وين احط سؤالي,,:eh_s(22):


سؤالي,,
شنو افضل كتاب للطبخ,,ابي اتعلم اساسيات الطبخ..؟؟

شنو اسم الكتاب؟
منو المؤلف؟
جم سعره؟
من وين احصله؟

وشكرا:friends:

 

[ScarletteO'Hara]

بالنسبة للطبخ ترا مو محتاج اساسيات
انا اشوف اهم شي بالطبخ النفس الحلو
فلا تعورين راسج بسوالف تعلم الاساسيات


اما بالنسبة للكتب انا افضل الكتب الي عندي الي تكون كاتبتها كويتية
مثل كتب الذواقة اعتقد فيهم 4 او 5 اجزاء و سعر الكتاب اذا ماني غلطانه 10 لانه كبير
و اكيد لا غنى عن كتب المطاحن
و بعد اعتقد وحدة اسمها بتول الكندري كتبها وايد حلوين ماني متأكدة من سعر كتبها
عاد انتي روحي جرير طوب الكتب العربية قسم الطبخ
طبي و تخيري كل شي عندهم
و اذا بعد تقرين انجليزي عندهم بجرير خوش تشكيلة بس انا عموما ما اشتري منهم لان طبخهم وايد يعتمد على الكحوليات و اخاف اذا شلت الحكول ما يضبط الطبق
و بعد مكتبة العجيري عندهم تشكيلة حلوة من كتب الطبخ
انا عاد اشد حيلي بالكتب و اخر شي احطهم عند امي تستفيد منهم

بس همسة حقج
اذا تبين تتعلمين الطبخ على اصوله افضل شي الاعتماد على الحريم الكبار عنكم
ماكو احلى من اكل يداتنا و امهاتنا

 

[..بسمة..أمل..]

مثل ما قالت اختي اللي قبل
اذا حابه تتعلمين الطبخ لازم تكون عندح نفس حلوووه بالطبااخ وتكونين متعملنته حبا فيه لان راح تبدعين بالمطبخ

انا عن نفسي كتب المطاحن كلها عندي
وعندي كتاب النخبه وااايد حلو خذيته ب 12
موجود بأكثر المكاتب لونه بني او عنابي غاامج

 

[أوركيد]

أحلى كتب الطبخ وعن خبرة وتجارب..

((مجموعة افكاري في اطباقي))

بتول الكندري

(( الذواقة))

عبير الراشد

(( المطاحن ))

وكلهم تحصلينهم بجرير او مكتبات حولي ..

 

[shahood]

حبيبتي كتاب الضيافه القديم فيه الاساسيات ومضمونه المقادير وانا تعلمت عليه نصيحه اخت الضيافه الجزء الاول

 

[أنوثهـ حتى الثمالهـ]

النت افضل تشوفين الطبخه اللي تبينها باكثر من طريقه وخاصه البلوقات فيها تجارب حلوه

 

[دلـع راآايـق]

انا مع البنات اهم شي النفس الحلو


وانا عندي كتاب النخبه تلقينه بدريم مول

 

[noorq8]

حبيبتي كتب الطبخ الجديده ملوت بنات هاليومين ..أطباقهم اسمها قص ولزق !!!
يعني حطي طبقة كيك سارالي وفوقها طبقة كريمه kdd وفوقها مبشور كاكاو .........يعني باختصار لزقي أشياء تصير طيق وهذا مايسمونه طبخ .
فاذا حابه تتعلمين الطبخ من الألف الى الياء مالج الا كتاب الطبخ العراقي (دليل الطبخ والتغذيه) المؤلفه نزهه أديب وفردوس الختار هالكتاب يعلمج مبادئ الطبخ الأصلي .وعندج كتب أفنان الزياني مالت البحرين اشتري الكتب القديمه مو الجديده راح تتعلمين الطبخ الخليجي .

 

[أغلى الأثمان]

ماقصرووووووووو البنات كل شيء قالوا

شكرا لكم


عندج كتب السعودين الطبخ القديم سهل ......... تعلمي منه

مع تحياتي .....

 

[Jro7 Al.nass]

انا اقول ماكو احلى من كتاب النخبه
وسعره بـ 12
وانا شارينه من الجمعيه
بس اكيييد راح تلاقينا بجمعيه جرير او العجيري او اي مكتبه
واتمنى اكوووون فدتج

 

[بمبة المفترسة]

اولا شحقة الكتاب عندج الانترنت ودوري فيه
ماشاء المنتديات النسائية مليانة وصفات بس كتبي اسم الطبخة ويطلع لج اللي تبين
عندج كتب منال العالم فيها ارشادات وهالاموور
فيه وايد كتب بتتعبين