شنو اقدر اشتري؟؟؟؟؟

[ذهب]

مسافرة نهاية الاسبوع للعمرة و ابي الفزعة .
شنو اقدر اشتري من مكة ؟ من وين ؟ كم سعرة ؟ طبعاً اقصد اشياء لي أنا
اول مرة اشارك بالسياحة و السفر و اتمنى تساعدوني :ggdw:

 

[أم عبداللطيف]

عندج ملافع محل الشرقية والعبي مالاته لا تطوفج نسيت عاد وين اي مجمع بس اهو ما يضيع سألي عنه تلقينة

هذا عندي اهم شئ

والله يتقبل منج يارب وتروحين وتردين بالسلامة

 

[moaze]

ان شاء الله تروحي وترجعي بالسلامة
لاتنسينا من دعوات جميلة
وان يرزقنا الله بحجة وعمرة
وتقبل الله طاعتك

 

[ديما الكويت]

إذا تحبين تقدرين تشترين من محل اسمه المتحف على ما اظن يبيع بياضات (شراشف وفلات ومفارش )راقية وحلوة بمجمع مجابل الحرم
وعندج البخور ..والشيل والعبايات ..بالنسبة لي انا احب اتشرى السوفنيرات (لمن كنت بالحج) شريت بيوت مكة صغار وشكلهم حلو ورخاص
احب لمن اروح ديرة اخذ تذكار منها ،تقدرين بعد تشترين كتب عن مكة وتاريخها والمدينة متوفرة بالمكتبات >>>ولا تنسين الفسفس (الحب المصري ):eh_s(3): تراه عجيب كلمن يروح العمرة اوصيه عليه

 

[ذهب]

مشكورين و جزاكم الله كل خير على الرد

 

[saw-san]

اقترح عبيج تشترين دهن عود و بخووووور

و ادعي لنا

 

[مهاااي]

احلى شي محلات بدون اسم

وعندج مجمع زمزم في ابراج البيت في محلات بخور اصغر علي بالدور الثاني
وبعد محلات اطفال حلويين ومو موجودين بالكويت محل اتوقع اسمه تاب الويا بزمزم الدور الثاني

ومحلات الشرقيه حلوه وسيد جنيد في مركز مكه

 

[مهاااي]

:eh_s(6):الله يتقبل منج انشالله وادعيلي

 

[قصيدة شاعرها]

هلا وغلا تنورين مكه

وتعالي جده تسوقي بتعجبك اكيييد....

واي خدمه امري ولا يهمك

 

[ريان الكويت]

عندج سوق الهلتون
وفيه سوق العزيزية جديد

 

[ركااز81]

جناط بدون اسم لا تطوفج محل اسمه ريم الخليج قريب من الشرقيه عنده ملافع حلوة
اذا كنتي متزوجه بجايم وقمصان نعومي في ابراج البيت مقابل الحرم
اذا تحبين العطور الشرقيه والبخور مركز مكه مليان بتستانسين

 

[واصله]

حبيبتي اخذي من سيد جنيد عطر نزيه وريا حلوين

ومن محمود سعيد البلاشر رووووووعة توني خذيتة من المعرض وتحسفت ليش ما خذيت اكثر

وادعيلنا

 

[ذهب]

اشكر كل من شارك استفدت منكم جزاكم الله كل خير ما تقصرون